Juan 10:3 - Nuevo Testamento Toba Sombrero Negro

³ Ga'me jo'ne jom lo'o 'youategue ga'me 'naĝanaĝatelpi lae't najom, qama'le ga'me 'naĝanaĝate nouatoqo't yiyaĝanalo gaa'me onole'tape 'naĝanaĝatel, e'n gaa'me mach'e lenaqa'te, qama'le gaa'me 'naĝanaĝatel yateto'n naa'me mach'e 'laqataqa, nataq'aen da'me yamaĝadegue qaedi e'n queda'ae q'ae'n jaga'me lae't.

Nuevo Testamento Toba Sur

³ Nachi cam lasom l'o ÿauateguet camayi, da yaqto' pa'auo, qaq anam qaguetapi ÿauatton da lavilÿaxac camayi. Nachi camayi iÿaxaatau'a na l'enaxatpi ana qaguetapi, nachi nqateeguesop aca laÿi'.

La'aqtaqa Ñim Lo'onatac 'Enauacna 2013

³ Nache cam lasom lo'o ỹauateguet camaye, da yaqto' pa'auo, qaq anam qaguetapi ỹauatton da lavilỹaxac camaye. Nache camaye iỹaxaataua'a na le'enaxatpi añi 'oonole ana qaguetapi, ime, nache nqateeguesop aca laỹe' da ỹauec.

Juan 10:3 Iomraidhean Croise

Juan 10:14

“Naqayem jo'ne jayem 'naĝanaĝate nouatoqo't 'me onaĝaic, qama'le jateto'n naa'me yelopi 'naĝanaĝatelpi, nataq'aen naa'me nach'e ena'am jayem yateto'n.

Juan 10:16

Nach'e ena'am uo'oe gaa'me 'naĝanaĝatel laqaya' jo'ne yelopi 'me ja chiyoqodaue jana'me janjo' lae't, qalaĝaja nach'e ena'ama jec'atalo qaedi ñauetequena. Qa'a gaa'me nach'e ena'ama jayem yoqochideta, chane'eja qomle qama'le nalo'ta'ajalo da'me male onolec ga'me jo'ne nouatoqo't.

Juan 10:4

Chane'eja da'me yenoĝonegue yema, qama'le 'uau'tague ga'me dajoteda'ague jogaa'me 'naĝanaĝatelpi, qama'le gaa'me 'naĝanaĝatelpi quetedapegue' joñe'me qa'a yateto'n naa'me 'laqataqa.

Juan 10:9

Naqayem jo'ne jayem jom: joga'me jo'ne jayem ta'uet, nach'ega jo'ne nec'alegue. Qama'le ena'am jaga'me 'naĝanaĝate qom yenoĝoneuo nataq'aen qom yenoĝonegue qama'le nach'e ena'am yauana ga'me auaqapiijat.

Juan 6:37

Ena'uaque gaa'me jiyaĝa'u jo'ne jayem yanema joñe'me Taĝadena', jayem nec'adeta qama'le da'me jayem ja je'uotapegueta.

Juan 6:45

Uo'oe naa'me ledii's jogaa'me Dios 'laqataĝanaĝanaqa jo'ne eetac: «Yema da'me Dios yapaĝague'n qomle jogaa'me jiyaĝadipi.» Chane'eja ena'uaque jogaa'me jo'ne naquiaĝata ñe'me Qadet'a nataq'aen da'me napaĝaguenalo naa'me 'laqataqa joñe'me, qama'le jayem nec'ata.

Romanos 8:30

Qama'le jogaa'me jo'ne chiyoqochiñe liquiyaqapi ñe'me Dios, qama'le nataq'aen yiyaĝanalo jogaa'me; nach'egaua yataqatelo'te q'ae'n; nataq'aen jogaa'me yanema da'me chimadichidiñe, nach'e ena'am netauada'uo da'me 'lonaĝac joñe'me.

1 Corintios 16:9

qa'a 'nouategue ga'me yadic qaedi jepitaqatenac da'me je'et ga'me 'yonatac jo'ne yataqachiñe p'ajaye, mate mane'e uo'oe qayoĝode' gaa'me qo'mi nautenalo.

Filipenses 4:3

Qama'le da'me am jo'ne eja yataqata am yecochaĝaua jena'me jenjo' qat'onatac, nataq'aen am ñachoĝodenot qaedi alecochiyalo naajo' yauo' jo'ne 'yonataĝanaĝa'u ca'li japaĝaguenataĝatapec da'me Dios 'laqataĝanaĝac, qama'le ueteda'ajop ñe'me Clemente nataq'aen yemeda jogaa'me yecochaĝa'u laqaya' joca'li. Yema naa'me naajo', joote qoyedidiñe gaa'me lenaqa'te jaga'me nede jo'ne uedalegue yema jogaa'me lenaqa'te jogaa'me Dios lec'oqo'tepi, nach'egaua jo'ne 'uo da'me 'loyaĝa'j dalaĝaic.

Colosenses 4:3

Nach'e ena'am qo'mi auajelaĝañilo'te, qaedi ñe'me Jaliaĝanec 'youatedegue gaa'me qadadico da'me japaĝaguenataĝanaqatapec da'me 'naqataĝanaĝac nataq'aen jechoĝotaqatac da'me 'lonataĝanaĝac ñe'me Cristo, qa'a nach'eda jouaĝat da'me jayem qoyecoñe'.

2 Timoteo 2:19

Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

1 Juan 4:6

Qo'mi qamqa'me yataqachiñe jachiyajaqayi joñe'me Dios. Gamachaqaega jo'ne yateton joñe'me Dios, nach'ega jo'ne qo'mi naquiaĝanalo. Qalaĝaja, gamachaqaega jo'ne ja chiyoĝoguet joñe'me Dios qamqa'me ja qo'mi 'te naquiaĝanalo. Naq'aeta da'me dojo', male jatetonaq joga'me jo'ne chiyoĝoguet joñe'me Dios Lepaqal, nataq'aen ga'me jo'ne chiyoĝoguet ñe'me nepaqal jo'ne qovinaĝanaĝaic.

3 Juan 1:14

qa'a jeuata'a da'me ja cop'a da'me am jauana, qama'le yataqachiñe jojaqatapega't.

Apocalipsis 20:15

Chane'eja dia'me napa'lpi nach'e ena'am da'me qoyajaĝadiñgui ga'me dole', ena'uaque dia'me jo'ne qaya'te lenaĝa't ta'le uedalegue da'me qoyedidiñe jaga'me nede jo'ne nedaĝalate jena'me qonec'alaĝatedegue.

Apocalipsis 3:20

Jayem auec'achiñe nayi: cha'li joueta'uet da'me ami jiyaĝanalo. Qom 'uo ga'me domachiya da'me yiyaĝanaĝac nataq'aen da'me 'youategue ga'me najom, qama'le jenoĝoneuo, qama'le qadalo'ta't da'me jeque'yaq.

Apocalipsis 7:17

qa'a joñe'me 'Naĝanaĝate Lec'oĝot jo'ne dajotalegue jaga'me je'onaĝaiqui jo'ne nejaliaĝaiqui, nach'eñe jo'ne nouatoqo't ena'uaque jogaa'me, qama'le yauetegue joga'me noĝop jo'ne yayetaye 'me chiyaqayi da'me nec'alaĝa. Nataq'aen joñe'me Dios male yiyo'y naa'me 'lae'te da'me niyojeguem yema jana'me lachi'.”