Juan 10:27 - Nuevo Testamento Toba Sombrero Negro

²⁷ Qa'a gaa'me 'naĝanaĝatel jo'ne mach'e yelopi yateto'n naa'me mach'e 'yaqataqa qama'le nach'e ena'am da'me jayem jateto'n nataq'aen da'me jayem quetegue.

Nuevo Testamento Toba Sur

²⁷ Cha'ayi anam qagueta mayi selotague', anamayi ÿauatton da ivilÿaxac, qataq aÿim sauatton anamayipi, qaq anamayi aÿim ca'attague'.

La'aqtaqa Ñim Lo'onatac 'Enauacna 2013

²⁷ Qaq anam qagueta maye selotague', anamayepi ỹauatton da ivilỹaxac, qataq Aỹem sauatton anamayepi, qaq anamayepi Aỹem ca'attague'.

Juan 10:27 Iomraidhean Croise

Mateo 16:24

Yem qama'le dojapegue'to jogaa'me lapaĝaguenataqa, enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, qama'le yachi jaga'me nesodoso da'me jayem equegue.

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Mateo 25:12

Qalaĝaja ñe'me 'yategueta, enaac: «Negue't, ja ami 'te jateto'n.»

Mateo 7:23

Qalaĝaja ami ja'ategueta qomle: «Qaya'te ua'a ta'le ami jateto'n. ¡Jayem oquiya'e, da'me ami jo'ne yataqata a'vichetac nale da'me ja no'en!»

Marcos 10:21

Jesús yelochigui joñe'me nataq'aen 'uo da'me lichoĝodenataĝanaĝac, da'me 'yateguet: —'Uo ga'me maliaĝa ja aua'uo: cha'li 'uaeñe auemen yema ga'me jo'ne adeuoyaĝac, nataq'aen auanema jogaa'me jo'ne choĝodayaqolqa. Nach'eda naq'aeta da'me male 'uo da'me adeuoyaĝac jodi'me piyem. Yem qama'le auanaequena, nataq'aen jayem oquegue.

Marcos 8:34

Yem qama'le Jesús yemata'a't gaa'me lapaĝaguenataqa nataq'aen yema joga'me jiyaĝadipi, qama'le enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, nataq'aen 'noota qom yachi jaga'me sodoso qama'le jayem equegue.

Lucas 13:27

Qalaĝaja joñe'me ami 'yategueta: «Negue't ja jayaten ga'me auachiyoqoya'ague. ¡Jayem oquiya'e, ami jo'ne ja 'noe'n da'me at'onataqadi'!»

Lucas 9:23

Yem da'me dojo' qama'le t'aqataĝanema ena'uaque ga'me jiyaĝadipi: —Qom 'uo gamachaqaega jo'ne jetaque jayem ue'tajop qaedi yapaĝaguenatac, qama'le 'noota qom ja yitaĝa nenatetala't, nataq'aen 'noota qom nach'e eta't yachitac jaga'me sodoso qama'le jayem equegue.

Juan 10:14

“Naqayem jo'ne jayem 'naĝanaĝate nouatoqo't 'me onaĝaic, qama'le jateto'n naa'me yelopi 'naĝanaĝatelpi, nataq'aen naa'me nach'e ena'am jayem yateto'n.

Juan 10:16

Nach'e ena'am uo'oe gaa'me 'naĝanaĝatel laqaya' jo'ne yelopi 'me ja chiyoqodaue jana'me janjo' lae't, qalaĝaja nach'e ena'ama jec'atalo qaedi ñauetequena. Qa'a gaa'me nach'e ena'ama jayem yoqochideta, chane'eja qomle qama'le nalo'ta'ajalo da'me male onolec ga'me jo'ne nouatoqo't.

Juan 10:8

Yemeda gaa'me jo'ne novidetaquena joca'li da'me cha'li jayem qaya, nach'egaua jiyaĝa'u jo'ne cachaĝayaqa nataq'aen da'me qaleuaĝayaqa, chane'eja gaa'me 'naĝanaĝatelpi ja yoqocha'alo jogaa'me jiyaĝa'u.

Juan 12:26

Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

Juan 21:22

Jesús 'yateguet joñe'me: —Qom jepaquetapega ta'le nec'aletaye chayovida'a qom yitaĝa 'ñiyelaq, qama'le ¿toqoch'e auepaquetapega ta'le auayaten? Da'me am, nach'edata da'me adema'a da'me jayem oquegue.

Juan 5:25

Eja da'me ami ja'aĝatema: da'me male qoyoqo'ta ga'me nolo', nataq'aen da'me joote novi', qom jodia'me yele'u domachita da'me yajamaĝa, jayem mach'e Lec'oĝot joñe'me Dios, qama'le jogaa'me jo'ne domachita male nec'aletedaye.

Juan 8:12

Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

Juan 8:43

Da'me ami ja auaqanachichi ta'le auayachiñe da'me dojo' jo'ne ami japaĝagueneque, qa'a da'me ami yajouaĝa't queda'me nach'eda da'me ja anaquiaĝañiyalo naa'me 'yaqataqa.

Hechos 3:23

qa'a ga'me ja yoqo'cha ñe'me Dios 'laqataĝanaĝanec qoyijaĝaye qama'le qoyapalaĝat.»

1 Corintios 8:3

Qalaĝaja gamachaqaega jo'ne noqopita ñe'me Dios, ñe'me Dios yataqachiñe yateton joga'me.

Gálatas 4:9

Qalaĝaja nayi male auatetoñi ñe'me Dios, uotaĝa chimaqachiñe da'me jenaac: Dios male ami yateto'n. Qo'che' ja jayem 'te taue da'me toqoch'e anajeñe'teguet da'me yitaĝa ami yaue'j jogaa'me qop'iyapegalo jo'ne mach'egaua qaya'te lañoqotaĝanaĝa'j uotaĝa lajo'viyaĝa'j.

2 Timoteo 2:19

Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”

Hebreos 3:7

Chane'eja, auomachiiya nayi da'me 'laqatac joñe'me Dios Lepaqal jo'ne joote qoyediñe joca'li: “Nayi jenjo' nolo', qom auomachiiya da'me jo'ne Dios 'yaĝatetac,

Apocalipsis 14:4

Naqaenaua jo'ne jamaĝaiquipi, jo'ne ja 'nalegue da'me 'loyaĝa'j; qama'le nach'e eta't da'me quetedapegue' ñe'me 'Naĝanaĝate Lec'oĝot, ta'ya ga'me ta'ya. Naa'me naajo' jo'ne joote qonec'alaĝatedegue, qoyachiyoĝotauelo jogaa'me jiyaĝa'u, qama'le 'uaetede'eguet da'me qoyen najaqaje's jo'ne qoyanem ñe'me Dios choqoñe'me 'Naĝanaĝate Lec'oĝot.

Apocalipsis 3:20

Jayem auec'achiñe nayi: cha'li joueta'uet da'me ami jiyaĝanalo. Qom 'uo ga'me domachiya da'me yiyaĝanaĝac nataq'aen da'me 'youategue ga'me najom, qama'le jenoĝoneuo, qama'le qadalo'ta't da'me jeque'yaq.