Juan 1:9 - Nuevo Testamento Toba Sombrero Negro

⁹ Ñe'me necoyadaĝanaĝat jo'ne yataqatelegue nec'achi'ña jena'me aleua qaedi yecoyadelegue ena'uaque gaa'me jiyaĝadipi.

Nuevo Testamento Toba Sur

⁹ Qaq som ÿoqta 'eesa da yi'oqchiguiñi mayi icoÿadelec 'enauac na shiÿaxauapi, somayi mashi nvittega ana 'alhua.

La'aqtaqa Ñim Lo'onatac 'Enauacna 2013

⁹ Qaq som ỹoqta 'eesa da yo'oqchiguiñi mashe nvira ana 'alhua, nacheso nagui so icoỹarelec 'enauac na shiỹaxauapi.

Juan 1:9 Iomraidhean Croise

Mateo 6:23

qalaĝaja qom ja 'noe'n naa'me at'ae'te, qama'le yema da'me at'oyaĝac uetaue da'me 'lalaĝa. Chane'eja, qom ga'me 'yoqochiñe 'me te'me am netaye taya da'me 'lalaĝa, qama'le ¡yataqachiñe napidiyi ga'me 'lalaĝa 'me am netaye!

Lucas 11:36

Qa'a qom yema da'me qat'oyaĝac netaye da'me yoqochiñe, qama'le qaya'te netaye jo'ne 'lalaĝa, yataqachiñe yema auauatalegue, ena'am jaga'me coyadaĝanaqate nale am yecoyadelegue ga'me lauaq.”

Juan 1:4

Nach'e ena'am da'me nach'eñe jo'ne chiyaqayi da'me nec'alaĝa, qama'le da'me nec'alaĝa nach'eda jo'ne yecoyadelegue ena'uaque gaa'me jiyaĝadipi.

Juan 1:7

da'me en 'laqataĝanaĝanec qaedi 'yaĝatetac ñe'me jo'ne necoyadaĝanaĝat, qaedi ena'uaque jogaa'me jiyaĝadipi da'me p'iida'a da'me jo'ne 'yaĝatetac joñe'me.

Juan 12:46

Naqayem jo'ne jayem lecoyadaĝanaĝat jenjo' aleua, qama'le ñanaequena qaedi jogaa'me jo'ne jayem p'iida'a ja uedaue ga'me 'lalaĝa.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 15:1

Yitaĝa enaac ñe'me Jesús: —Naqayem jo'ne jayem uva lichidic 'me yataqatelegue, qama'le ñe'me Taĝadena' mach'e neteloqo't.

Juan 6:32

Qama'le Jesús 'yategueta, enaac: —Eja da'me ami ja'aĝatema, queda'me ja naqaeñe ñe'me Moisés ta'le ami yanema jaga'me pan 'me chiyoĝogue piyem, dite ñe'me Taĝadena' jo'ne nach'eñe ami yanema jaga'me jo'ne yataqatelegue pan.

Juan 7:12

Qama'le jogaa'me jiyaĝadipi jalcote da'me qonejoĝotapiye joga'me. Uo'oe gaa'me enapega'ajalo: “Dojo' jiyaĝaua onaĝaic da'me 'lonatac.” Qalaĝaja uo'oe gaa'me jiyaĝa'u laqaya' jo'ne enapega'ajalo: “Dojo' jiyaĝaua ja yataĝalegue, ch'e yoqovitac jena'me jiyaĝadipi.”

1 Juan 1:8

Qom 'uo ga'me enaac: “Qaya'te yoec”, qama'le noqovila't nataq'aen da'me eja ja netaye joga'me.

1 Juan 2:8

Qalaĝaja dojo' namaĝajoĝonaĝac nach'e ena'am dalaĝaic, jo'ne yataqachiñe netaye joñe'me Cristo, nataq'aen ami netayelo. Yataqachiñe dalaĝaic qa'a maqachaĝa yenoĝotaye nayi ga'me 'lalaĝa nataq'aen male edañgui ga'me yoqochiñe jo'ne yataqatelegue.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.