Juan 1:51 - Nuevo Testamento Toba Sombrero Negro

⁵¹ Nach'e ena'am enaac ñe'me Jesús: —Eja da'me ami ja'aĝatema: da'me auañiya qomle di'me piyem 'nouategue nataq'aen jogaa'me piyem laje' jo'ne lamaĝa's ñe'me Dios yec'adidijeguem choqoda'me nenochidi'ña joñe'me Jiyaĝaua Lec'oĝot.

Nuevo Testamento Toba Sur

⁵¹ So Jesús nataq'en 'enapeco': –Ÿataqta 'eesa de'eda qami' sa'axatema nagui, da qami' qauloÿa'a qome na piguem qom qanauatoigui, nachi na namaxashic piguem l'ecpi taÿashiguemecda, qataq da naÿaña na shiÿaxaua llalec.

La'aqtaqa Ñim Lo'onatac 'Enauacna 2013

⁵¹ Nataqa'en 'enapeco' So Jesús: –Ỹataqta 'eesa de'era, qami' sa'axatema nagui, da qami' qauloỹa'a qome na piguem qom nauatoigui, qataq na lamaxashecpi Ñim Lo'onatac 'Enauacna naỹaña Aỹem Shiỹaxaua Llalec qaltaq ỹe'eguelaxasheguem.

Juan 1:51 Iomraidhean Croise

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Mateo 26:24

Jayem jo'ne yataqachiñe Jiyaĝaua Lec'oĝot jequegue da'me jo'ne joote qoyediñe jo'ne jayem 'yaĝate'taguet. Qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

Mateo 3:16

Mane'e ca'li Jesús qonachilaĝan ca'e ga'me noĝop, qanach'e paja'a qo'youategue jodi'me piyem qama'le yauana ñe'me Dios Lepaqal queda'me nenochi'ña joñe'me ena'am ga'me doqoto'.

Mateo 4:11

Chane'eja ñe'me payac ca'e ca'li ñe'me Jesús, qama'le uo'oe gaa'me piyem laje' nec'adeta qaedi lecochita.

Mateo 8:20

Jesús 'yateguet: —Ga'me uaĝayaĝa uo'oe naa'me lauaco, nataq'aen na'me mayodipi uo'oe naa'me pataque'te. Qalaĝaja mach'e jayem Jiyaĝaua Lec'oĝot qamqa'me ja jauana ga'me joua'a qaedi ja'uo ga'me ñalaĝanaĝat.

Mateo 9:6

Qalaĝaja ami jaloĝonalo nayi queda'me jayem jo'ne mach'e jayem Jiyaĝaua Lec'oĝot, 'uo da'me yañoqotaĝanaĝac qaedi japalaĝa't jogaa'me loeco ga'me jiyaĝadipi. Chane'eja eetojo' da'me dajoyalegue ga'me leuaĝaic, enaac: —Am jenapega: oñijeguem, auacona na'me adela' qama'le oc, auec'ata ga'me at'achaqa'.

Marcos 1:10

Qama'le mane'e ca'li ca'e ga'me noĝop, ñe'me Jesús yeloje'mec di'me piyem, qama'le Dios 'youategue jodi'me piyem qama'le ñe'me Lepaqal nenochi'ña joñe'me Jesús, ena'am ga'me doqoto', qama'le taue.

Marcos 14:62

Jesús 'yategueta jogaa'me: —Jaja'a, mach'e jayem. Nataq'aen jayem auañiya qomle da'me jayem jo'ne yataqachiñe Jiyaĝaua Lec'oĝot queda'me joneta'ña jena'me yayaten ñe'me jo'ne napacalegue ena'uac, nataq'aen qom ñovi' japetalo'te gaa'me piyem loje'.

Lucas 2:13

Nach'ega ua'a ca'li uo'oe gaa'me di'yo't jo'ne jalcote 'me piyem laje'pi jo'ne ueteda'ajop ga'me piyem le'ec, jo'ne 'nonaĝachidegue ñe'me Dios. Eetojo' da'me t'onaĝa'n:

Lucas 2:9

Qampaja'a qaale yauata ga'me piyem le'ec jo'ne chiyaqaje'ma ñe'me Jaliaĝanec, nataq'aen da'me lauaqayaĝac 'me 'lonaĝac joñe'me yataqata napacalo'te jogaa'me, qama'le jalcote da'me t'oi'y.

Lucas 22:43

Chane'eja ua'a ca'li novida'ña ga'me piyem le'ec qaedi 'yañaqatet.

Lucas 22:69

Qalaĝaja chiyoqotelegue nayi jayem jo'ne yataqachiñe Jiyaĝaua Lec'oĝot jona'ña qomle na'me yayaten ñe'me Dios jo'ne napacalegue ena'uac.

Lucas 24:4

Ja yayate'n ga'me yauote jouaĝat da'me dojo', ca'li paja'a yauanalo gaa'me jiyaĝa'u dojolqa jo'ne nechate'tajopa gaa'me, yatedañe ga'me leuo jo'ne 'uo da'me laqaselegaĝa'j.

Lucas 3:21

Ua'edi ca'li Juan cha'li maliaĝa dachilaĝanataĝatac, nach'e ena'am Jesús qonachilaĝan. Mane'e ca'li maliaĝa netametac, qama'le jodi'me piyem 'nouategue,

Juan 1:50

Jesús male 'yateguet: —¿Qo'li jayem auep'iya'a da'me am ja'aĝatem queda'me joote am jauana ca'li ouet'ot jaga'me higuera? Qa'a qomle qama'le auanalo gaa'me uo'oe jo'ne let'adayaqa jo'ne ja ena'am da'me dojo'.

Juan 10:1

Chane'eja Jesús enaac: “Eja da'me dojo' jo'ne ami ja'aĝatema, ga'me jo'ne ja ta'uet ga'me najom jaga'me 'naĝanaĝatelpi lae't nach'ega jo'ne cachaĝaic nataq'aen da'me nach'ega jo'ne ch'e uenotoue nale jaga'me 'naĝanaĝatelpi lae't qaedi 'uo ga'me yalat.

Juan 10:7

Chane'eja Jesús yitaĝa 'viyelaĝalegue da'me laloĝonataĝanaĝac jo'ne joote 'yaĝatema, enaac: “Da'me dojo' jo'ne yataqachiñe eja: qa'a naqayem jo'ne jayem jom 'me tado'uet gaa'me 'naĝanaĝatel.

Juan 13:16

Yataqata eja da'me dojo' queda'me qaya'te ta'le 'uo joga'me namaĝajec ta'le napacalegue joga'me ladipa, nataq'aen da'me qaya'te 'naqataĝanaĝanec ta'le napacalegue joga'me yamaqatac.

Juan 13:38

Jesús yitaĝa 'yateguet: —¿Qo'li yataqata am eja da'me jetaque auanegue da'me at'oyaĝac qaedi jayem oquegue? Qalaĝaja qom taya'a da'me noyen ñe'me olegaĝa, qama'le joote yovida'alo qomle tres da'me a'viyelaĝalegue da'me jayem anemanec, da'me aueetapega ja jayem 'te auateton.

Juan 14:12

Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Juan 16:20

Eja da'me ami ja'aĝatema: da'me ami cha'li anoyeñitac qomle nataq'aen da'me 'uo da'me adachoĝodequi, qalaĝaja joga'me aleua laje'pi cha'li 'uo da'me lamaic. Da'me ami, te'me 'uo da'me adachoĝodequi, qalaĝaja ja cop'a da'me male neleguemaĝata da'me adamaiqui.

Juan 16:23

“Qom yovita da'me dojo' qama'le ja yitaĝa jayem auenachetac. Eja da'me ami ja'aĝatema: joñe'me Taĝadena' ami yanema yema ga'me jo'ne auajelaĝañiyec jouaĝat da'me jayem ademii'teguet.

Juan 21:18

Am ja'aĝatem da'me eja: da'me chiyoqotelegue da'me am nejoqolec, mach'e ane'tela't da'me auaidiñe jogaa'me adeuo qaedi auajoyi ga'me jo'ne a'uamaqaten. Qalaĝaja qom male am 'yaĝaicachigui, qama'le am qoyeladelegue da'me nacoloĝodegue naa'me adoua' qaedi ga'me jiyaĝaua laqaya am yanayelo ga'me adeuo, qama'le am yauegue qom'te ga'me jo'ne ja jetaque auajoyi.

Juan 3:3

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Juan 5:19

Jesús male enaac: “Eja da'me ami ja'aĝatema: jayem jo'ne Lec'oĝot joñe'me Dios, jayem ja jaqanatet ta'le ja'uo ga'me mach'e yelnataĝac; onolec da'me ja'uo da'me jo'ne jauana 'me ye'et ñe'me Taĝadena'. Qama'le yema ga'me jo'ne ye'et joñe'me Taĝadena', nach'e ena'am jayem je'et.

Juan 5:27

Nach'e ena'am da'me jayem yanem da'me yañoqotaĝanaĝac qaedi jaloqotenaĝan, queda'me nach'ayem jo'ne yataqachiñe jayem Jiyaĝaua Lec'oĝot.

Juan 6:26

'Yategueta ñe'me Jesús qama'le enaac: —Eja da'me yataqachiñe ja auayachiñe' naa'me naajo' 'nanaqa jo'ne je'n di'yo't. Onolec da'me ch'e jayem aueloyitaque, qa'a yajouaĝat da'me aualiqui jaa'me pan jecaet, qama'le en adonodiye.

Juan 6:32

Qama'le Jesús 'yategueta, enaac: —Eja da'me ami ja'aĝatema, queda'me ja naqaeñe ñe'me Moisés ta'le ami yanema jaga'me pan 'me chiyoĝogue piyem, dite ñe'me Taĝadena' jo'ne nach'eñe ami yanema jaga'me jo'ne yataqatelegue pan.

Juan 6:47

“Eja da'me ami ja'aĝatema: joga'me jo'ne jayem p'iya'a, male yauana da'me lec'alaĝa jo'ne qaya'te loiquiaqa'.

Juan 6:53

Jesús male enaac: —Eja da'me ami ja'aĝatema, da'me jayem jo'ne jayem Jiyaĝaua Lec'oĝot: qom ja aualiqui jenjo' yapat, nataq'aen da'me ja aniyomiyigui jana'me yetauo', qama'le ja auañiya da'me nec'alaĝa jo'ne qaya'te loiquiaqa'.

Juan 8:34

Jesús yitaĝa t'aqataĝanema, enaac: —Eja da'me dojo' ami ja'aĝatema: yemeda jogaa'me loeco lo'ol nach'egaua jo'ne lotaĝanaqa'te da'me loeco.

Juan 8:51

Eja da'me dojo' jo'ne ami ja'aĝatema: ga'me jo'ne yoqo'cha da'me 'yaqatac, nach'ega ja yeleu, dite da'me male yauana da'me lec'alaĝa jo'ne qaya'te loiquiaqa'.

Juan 8:58

Qama'le Jesús 'yategueta: —Da'me dojo' jo'ne eja 'me ami ja'aĝatema: joca'li maliaĝa qaya ñe'me Abraham, joote jayem 'uo.

Hechos 10:11

yauana queda'me 'nouategue di'me piyem nataq'aen queda'me najeje'ña jena'me aleua ga'me ena'am ta'le ualoq jo'ne qoyecoñe't naa'me laliaqa da'me qonenotaĝañe.

Hechos 7:56

Chane'eja enaac: —¡Auec'achiñe! ¡Jauana di'me piyem da'me 'nouatetaye nataq'aen ñe'me Jiyaĝaua Lec'oĝot jo'ne nechateta'ña yayaten ñe'me Dios!

2 Ts 1:7

Qama'le ami yichoĝode'n qomle, da'me ami jo'ne 'uo da'me adachoĝodequi nayi, qaedi qadalo'ta't da'me qo'mi yichoĝode'n, qom yovita ga'me nolo' da'me yitaĝa 'niyelaq joñe'me Qadejaliaĝanec Jesús chiyaqa'ague jodi'me piyem, da'me naquetaue joga'me ena'am ta'le dole' lauaq, nataq'aen naequetedapegue' jogaa'me piyem laje' jo'ne yataqata p'ajodaye.

2 Ts 1:9

Nataq'aen male yataqata qoyapalaĝa't jo' qomle, nataq'aen da'me qoyiyota'alo, yataqata ja yaqanate't ta'le ueteda'ajop joñe'me Jaliaĝanec, uotaĝa ta'le yauata da'me 'lonaĝac choqoda'me lañoqotaĝanaĝac t'adaic.

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

Judas 1:14

Nataq'aen ca'li Enoc, jo'ne tachigui da'me siete noqochic ga'me lauadipi di'me Adán, joca'li yojaĝanaĝan joñe'me Dios, qama'le enapegalo naa'me naajo' jiyaĝadipi ca'li enaac: “Ami ja'aĝatema da'me jauana joñe'me Jaliaĝanec choqogaa'me lamaĝa's jo'ne piyem laje' 'me jalcote jo'ne naequetapegue'to queda'me naequena joñe'me,

Apocalipsis 19:11

Qama'le jauana di'me piyem da'me 'nouategue, qama'le 'uo jo'me pegaq jo'ne pagaĝaic, qama'le jauana jo'me netalegue 'me ladipa jo'ne lenaĝat da'me “Ja 'nalegue jo'ne ejoda naa'me 'laqataqa”, qa'a yachiyaqayi da'me chimaqachiñe da'me ya'uo da'me lec'atenaĝanaĝac nataq'aen da'me ya'uo ga'me nalada't.

Apocalipsis 4:1

Mane'e ca'li yem da'me dojo', qama'le jauana ga'me jom jo'ne 'nouatetaye da'me jeloje'ma di'me piyem, qama'le yitaĝa jomachiya ga'me najamaĝa jo'ne 'uaeñe da'me jomachiya ca'li, nataq'aen da'me ena'am jaga'me najeede qom qoyajediye, qama'le jayem dojapegue', enaac: “Auenidije'ma jena'me jenjo' qama'le am jaloĝonalo jogaa'me uo'oe qom'che jo'ne di'yo't qom yenoĝodegue naa'me naajo' jo'ne uo'oe nayi.”