Juan 1:18 - Nuevo Testamento Toba Sombrero Negro

¹⁸ Ñe'me Dios qaya'te ua'a ta'le 'uo ga'me yauana, onolec ñe'me Lec'oĝot jo'ne nach'e ena'am Dios nataq'aen da'me ne'tajop joñe'me Let'a, nach'eñe 'me qo'mi yatetonaĝanaĝaneque.

Nuevo Testamento Toba Sur

¹⁸ Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

La'aqtaqa Ñim Lo'onatac 'Enauacna 2013

¹⁸ Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Juan 1:18 Iomraidhean Croise

Mateo 11:27

“Joñe'me Taĝadena' jayem yanema ena'uaque jogaa'me jo'ne uo'oe. Qaya'te eja yataqachiñe eja yateton joñe'me Nec'oĝot, dite ñe'me Let'a; nataq'aen qaya'te yataqachiñe eja yateton joñe'me Net'a, dite ñe'me C'oĝot choqogaa'me jo'ne jetaque yatetonaĝa'n.

Lucas 10:22

“Ñe'me Taĝadena' jayem yanema ena'uaque gaa'me jo'ne uo'oe. Qaya'te yayaten jach'e ñe'me Nec'oĝot, dite ñe'me Taĝadena' jayem yateton. Nataq'aen qaya'te yayaten jach'e jogamaĝa Net'a, dite jayem mach'e C'oĝot jateton, nataq'aen ena'uaque jogaa'me jo'ne jetaque jatetonaĝaneque ñe'me Taĝadena'.”

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Juan 12:41

Isaías yediñe da'me dojo' qa'a yauana da'me 'lonaĝac ñe'me Jesús, qama'le nach'eñe joñe'me Jesús jo'ne 'yaĝatetac ca'li.

Juan 13:23

Joñe'me napaĝaguenatac jo'ne Jesús yataqata noqopita, nach'eñe ne'tajop joñe'me Jesús da'me deque'tape joca'li,

Juan 14:9

Qama'le Jesús 'yateguet joñe'me: —Am Felipe, joote qayoĝode' jaa'me noloqo'ote da'me ami jouetauelo, qama'te ¿qo'li maliaĝa ja jayem 'te auatetoñi? Ga'me jo'ne joote jayem yateton, nach'ega joote yauana ñe'me Taĝadena'; qama'le ¿toqoch'e jayem anachoĝodeñetapecot da'me jetaque ami jaje'tema ta'le auañiya ñe'me Taĝadena'?

Juan 17:26

Chane'eja joote am jatetonaĝanaĝaneque nataq'aen da'me mach'e at'onaĝac nach'e ena'am da'me nach'e eta't da'me jayatenaĝanaĝa'n, qaedi da'me adoqopich'i jo'ne jayem auen ue'tajop nach'e ena'am uetauelo jonaa'me, qama'le nach'ayem da'me jouetauelo.

Juan 17:6

“Jogaa'me adiquiyaqa jo'ne aleua laje', joote jen am yayate'n. Nach'egaua mach'e adalemaĝaje'te, nataq'aen da'me naqa'am jo'ne jayem auanema, qama'le joote yoqocha'alo naa'me at'aqataqa.

Juan 3:11

Eja da'me am ja'aĝatem: queda'me qo'mi ja'aĝataqatac da'me jo'ne mach'e jayatenaq, nataq'aen jechoqotaqatac da'me jo'ne joote jauanaĝa. Qalaĝaja da'me ami ja auacoñiyeguet da'me jo'ne ñenaĝataĝaye.

Juan 6:46

Ena'te aueñetapega ta'le 'uo ga'me yauana ñe'me Taĝadena', dite da'me jayem jo'ne onolec 'me jachiyaqayi ñe'me Dios 'me jauana.

2 Corintios 4:4

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

Colosenses 1:15

Cristo nach'eñe Dios jo'ne naloĝola't, jo'ne ja di'yoq mañaĝa; nach'eñe Dios Lec'oĝot jo'ne 'uaechiñe da'me 'uo joca'li maliaĝa qaya ga'me qoye'et.

1 Timoteo 1:17

¡'Noota qom nach'e eta't qa'nonaĝachigui joñe'me, nataq'aen jaloĝonaq da'me onaĝaic lejaliaĝa joñe'me mach'e Qadejaliaĝanec jo'ne ja pal, nataq'aen Jaliaĝanec jo'ne qaya'te nalo'oguet, ja qoyauana, nach'eñe onolec mach'e Qanedios! Jaja'a, nach'e naq'aeta da'me dojo'.

1 Timoteo 6:16

Nach'eñe onolec jo'ne qaya'te nalo'oguet, nataq'aen ga'me lejaliaqa' 'uo joga'me edañgui jo'ne nach'ega netaue, nataq'aen qaya'te yaqanatet ta'le davi'teguet. Maliaĝa qaya'te jiyaĝaua ta'le yauana joñe'me, nataq'aen ja qoyaqanatet qom qoyetapega qoyauana. Qama'le ¡'noota ta'le nach'eñe yelo'tot da'me qo'nonaĝachigui choqoda'me let'adaic lejaliaĝa! Jaja'a, nach'e naq'aeta da'me dojo'.

1 Juan 4:12

Jalchi'ena qaya'te ta'le yauana joñe'me Dios; qalaĝaja qom ñoqopitaqapega't, qama'le joñe'me Dios qo'mi netauelo nataq'aen joda'me loqopich'i yataqata qo'mi qoyiyamaĝatetouelo.

1 Juan 4:20

Qom 'uo ga'me jo'ne enaac: “Joqopita joñe'me Dios”, qalaĝaja qom maliaĝa niquiya'a ga'me laqayolec, qama'le yataqata qovinaĝanaĝaic joga'me. Qa'a qom ja noqopita ga'me laqaya jo'ne yauana, qama'le ¡teua'atoqo' eetapela't noqopita joñe'me Dios jo'ne ja yauana!

1 Juan 4:9

Dios qo'mi yaloĝonalo da'me loqopich'i ca'li, queda'me namaĝa'ña jena'me aleua ñe'me Lec'oĝot jo'ne onolec, qaedi 'uo da'me qat'oyaĝac jo'ne chiyaqayi joñe'me.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.