Juan 1:17 - Nuevo Testamento Toba Sombrero Negro

¹⁷ Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

Nuevo Testamento Toba Sur

¹⁷ Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

La'aqtaqa Ñim Lo'onatac 'Enauacna 2013

¹⁷ Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Juan 1:17 Iomraidhean Croise

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 18:37

Qama'le Pilato yenatec da'me dojo': —Chane'eja, ¿qo'li ja naq'aeta da'me naqa'am jo'ne am nejaliaĝanec? Jesús 'yateguet joñe'me Pilato: —Naq'aeta da'me anenaĝategue: jayem nejaliaĝanec. Da'me jayem ñiyiñe queda'me ñec'ata jenjo' aleua qaedi ja'aĝatetac da'me jo'ne eja, qama'le ena'uaque jogaa'me 'yamaqate'n da'me eja, nach'egaua jayem naquiaĝata.

Juan 5:45

“Ena'te aueñetapega ta'le naqayem 'me 'uo da'me ami jepoleguelo'te da'me jajoyaqa'aguet ñe'me Qadet'a. Ñe'me jo'ne 'uo da'me ami yepoleguelo'te nach'eñe ñe'me Moisés, joñe'me jo'ne 'uo da'me adeuataqataĝanaĝaqui.

Juan 7:19

“Da'me ami, ñe'me Moisés ami yanema da'me lamaĝajoĝonaĝac ñe'me Dios. Qalaĝaja da'me ami qaya'te ta'le onolec jo'ne yoqo'cha. Qama'te ¿toqoch'e jetaque jayem aualachi?”

Juan 8:32

auayachiñe qomle da'me jo'ne eja, qama'le da'me eja male ami yejodegue.

Juan 9:29

Chane'eja nach'e ena'am da'me qo'mi jayatenaq da'me Dios dojapegue' di'me Moisés ca'li, qalaĝaja jojo' jiyaĝaua qamqa'me ja jayatenaq ga'me jo'ne mach'e chiyoĝogue.

Hechos 28:23

Chane'eja yauote laloqo't, ua'a ca'li jalcote ga'me jiyaĝadipi yec'adeta ga'me ue'ta ñe'me Pablo. Chiyoqo'teguet ga'me ne'teta chayovida'a nale javit, Pablo 'yaĝatetapema joda'me lejaliaĝa ñe'me Dios yayaĝa'talo jogaa'me ñe'me Jesús, chiyoĝotetelo'te jogaa'me namaĝajoĝonaĝaco 'me chiyoqodo'ot ñe'me Moisés nataq'aen gaa'me ledii's dia'me Dios 'laqataĝanaĝanaqa.

Hechos 7:38

Nataq'aen ca'li Moisés yema'ña ga'me aleua jo'ne totapega't nach'e Moisés p'ayapeguet ca'li ga'me piyem le'ec jo'ne naloĝoneguet di'me qajoĝonaĝa jo'ne Sinaí nataq'aen dia'me qadet'al; nach'eñe qoyanema gaa'me 'naqataqa jo'ne chiyaqauelo da'me 'noyaĝac qaedi qo'mi yaqauaqatenouelo.

Romanos 6:14

Qama'le naq'aeta da'me male qaya'te lañoqotaĝanaĝa'j gaa'me adoecodi' qaedi ami nejaliaĝatelo'te, qa'a ja ovi'tot ga'me namaĝajoĝonaĝac dite da'me lichoĝodenataĝanaĝac ñe'me Dios.

2 Corintios 1:20

qa'a nach'eñe ñe'me chiyaqayi da'me yepaquichiguilo ena'uaque ga'me jo'ne joote Dios 'yaĝa'tape jo'ne jetaque yauo'oe. Qo'che' nale 'ñonaĝataĝaye ñe'me Dios, jenaqaac “Jaja'a, nach'e naq'aeta da'me dojo',” chiyoqotelegue ñe'me Cristo Jesús.

Gálatas 3:17

Jenjo' jetaque ami ja'aĝatema: ga'me Dios yaqataĝañi ja naqaeda ta'le ua'edi yaqataqaten uotaĝa ja ya'uo 'te lajo'viyaĝac ga'me onolec namaĝajoĝonaĝac jo'ne Dios yanegue ca'li yenoĝodegue cuatrocientos treinta gaa'me 'uoidi.

Hebreos 9:22

Da'me chiyaqayi da'me namaĝajoĝonaĝac, nach'ana jana'me jiyac letauo' jo'ne e'n yoqovite' yema gaa'me uo'oe, qama'le nach'e ena'am da'me qaya'te ta'le yapalaĝa't jogaa'me qadoeco qom ja qoyen 'te naliñi jaga'me netauo'.