Juan 1:16 - Nuevo Testamento Toba Sombrero Negro

¹⁶ Chane'eja da'me chiyaqayi da'me mach'e leyalaqataĝanaĝac let'adaic, male ena'uaque da'me qo'mi joote jaconaĝaguet da'me qanichoĝodenataguec jo'ne dalaĝaic 'me napacalegue da'me jo'ne 'uaechiñe.

Nuevo Testamento Toba Sur

¹⁶ Qaq 'enauac da shinaqta saconaxaguet dam chochaq huañi lsallaxa dam lqouagaxanaqtaic mayi nacalec lÿa da qomi' ÿanema.

La'aqtaqa Ñim Lo'onatac 'Enauacna 2013

¹⁶ Qaq 'enauac da shenaqta saconaxaguet dam chochaq huañi lsallaxa, qaq nachera dam lqouagaxanaqtaic maye nacalec lỹa da qomi' ỹanema.

Juan 1:16 Iomraidhean Croise

Mateo 13:12

Qa'a ga'me maqachaĝa 'uo ga'me ue'tajop, yitaĝa uoja'ega qoyanem, qama'le jalcote ga'me ua'ajop; qalaĝaja ga'me jo'ne qaya'te ue'tajop, chayovida'a ga'me jaleca jo'ne yauana qodoĝotaĝanec.

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

Mateo 3:14

Ca'li yemta Juan jetaque ja yaje'tem, qama'le dojapegue': —'Noota qom naqa'am ta'le jayem anachilaĝan, qama'te ¿toqoch'e jayem anec'ata qaedi am ñachilaĝan?

Lucas 21:15

qa'a naqayem jo'ne ami janema qomle ga'me at'aqataqadi' jo'ne ami najaqachiguilo da'me adayatenaĝanaĝaqui, qama'le qaya'te gamachaqaega gaa'me ami nautenalo yaqanatet ta'le napogaĝadeneguet uotaĝa yaqanatet ta'le nautenaĝaneguet ga'me 'laqatac.

Juan 3:34

qa'a joñe'me jo'ne namaĝaquena ñe'me Dios 'yaĝate'tape jonaa'me 'laqataqa, qa'a nach'eñe yanem da'me lañoqotaĝanaĝac ñe'me Lepaqal.

Romanos 5:17

Qa'a ta'le da'me neleuaĝa 'uo da'me lejaliaĝa, da'me chiyaqayi ga'me lejamaĝataĝac ñe'me onolec jiyaĝaua, ¿qo'li ja yataqachiñe p'ajaye da'me lichoĝodenataĝanaĝac 'me qaya'te lajo'vi q'aen, yataqatelo'te q'ae'n jogaa'me qoyanema da'me nejaliaĝa qomle da'me dalaĝaic 'noyaĝac 'me chiyaqayi ñe'me onolec jiyaĝaua, Jesucristo?

Romanos 5:2

Chane'eja chiyaqayi da'me qadepe'e, ñe'me Jesucristo qo'mi yanema da'me qadadiiuo qaedi jaqanatetaq da'me jec'ataĝa ñe'me Dios, nach'eñe jo'ne yataqata qo'mi yichoĝode'n, qama'le qo'mi t'añidañe nataq'aen ñi'yoĝodenaqatapela't queda'me 'uo da'me qadeuataqataĝanaĝac da'me jouaqaue qomle da'me 'lañaĝac ñe'me Dios.

Romanos 5:20

Da'me qoyapeteneuo da'me napaĝaguenataĝanaĝac qaedi yañodelo'te gaa'me loeco ga'me jiyaĝadipi; qalaĝaja ca'li ma'ejama'le nichidegue gaa'me noeco, qama'le ñe'me Dios yaloĝon da'me lichoĝodenataĝanaĝac.

Romanos 8:9

Qalaĝaja ami male ja oquitalo'te naa'me lamaico jo'ne yepaquetapegalo da'me anejiyaĝauayaĝaqui, dite ga'me jo'ne yepaquetapega ñe'me Dios Lepaqal, qom yataqachiñe eja ami uetauelo joñe'me. Ga'me jo'ne ja netaye ñe'me Cristo Lepaqal ja Cristo nejoĝonec.

Efesios 1:23

ena'am ga'me laqaic ga'me jiyaĝaua jo'ne yelolegue yema ga'me 'loyaĝac, qama'le naqaeñe ñe'me Cristo da'me en nalo'ta'ajalo jogaa'me, qa'a nach'eñe ñe'me jo'ne yemata'a't yemeda gaa'me uo'oe.

Efesios 3:19

Laqaya da'me ñachoĝodenoqo't ñe'me Dios, 'noota qom maqachaĝa auayachiñe jena'me jenjo' loqopich'i joñe'me Cristo jo'ne yataqata t'adaic, mate mane'e da'me qo'mi jiyaĝa'u ja jaqanatetaq ta'le yataqata jayatenaq, qaedi male yema da'me ami qoyanema, chayovida'a da'me ami qoyemata'aque da'me lajoĝoc joñe'me Dios.

Colosenses 1:19

Qa'a ñe'me Dios jetaque yanaue joñe'me Lec'oĝot ena'uac da'me nediosyaĝac,

Colosenses 2:3

Qa'a nach'eñe ue'tajopa ena'uaque daa'me nayatenaĝanaĝaco nataq'aen daa'me natetonaĝanaĝaco.

1 Pedro 1:11

Joñe'me Lepaqal ñe'me Cristo ye'uauaĝanouelo da'me yayatenaĝanaĝaneque jogaa'me Dios 'laqataĝanaĝanaqa da'me eeta da'me lachoĝodec ñe'me Cristo nataq'aen da'me 'lonaĝac jo'ne p'ategue. Qama'le jogaa'me jetaque da'me yejomedalegue jach'e jogamaĝa gaa'me noloqo'ote nataq'aen ga'me jo'ne ua'a ga'me en laloqo' joñe'me Dios Lepaqal jo'ne uetauelo jogaa'me.

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.