Gálatas 4:3 - Nuevo Testamento Toba Sombrero Negro

³ Ena'am ta'le naq'aeta ga'me jouaqataue ca'li maliaĝa ja jatetonaq ñe'me Cristo: jogaa'me nepaqa'lpi jo'ne ch'e yeuotapiye'ajalo qo'mi 'yetapeque da'me ena'am da'me qo'mi lelataqa.

Nuevo Testamento Toba Sur

³ Qaq 'eda da 'eetec qomi'. Co'ollaq ñaq souaqtaigui da qannogotshic, nachi qomi' souaqto'ot nam lhuennataxac nam shiÿaxauapi mayi huetalec ana 'alhua.

La'aqtaqa Ñim Lo'onatac 'Enauacna 2013

³ Qaq 'era da 'eetec qomi', co'ollaq ñaq saxanaxa da sauattonaq So Cristo: Nam saq cha'api maye ilotague' 'enauacna, 'eeta'ama qomi' naqa'en ca l-latac.

Gálatas 4:3 Iomraidhean Croise

Mateo 11:28

Jayem anec'achiya ena'uaque ami jo'ne adeliñi'ñejopa naa'me at'onataqadi' choqonaa'me adi'yacodi', qaedi ami 'ñomataĝadegue.

Juan 8:31

Qama'le Jesús t'aqataĝanema jogaa'me judiopi jo'ne naquiaĝata nataq'aen da'me p'iida'a joñe'me, enaac: —Da'me ami, qom nach'e eta't da'me aviyamaĝache'tape naa'me 'yaqataqa, qama'le naqa'ami jo'ne yataqachiñe ami yapaĝaguenataqa;

Hechos 15:10

Chane'eja, ¿toqoch'e auapiyeñi ñe'me Dios? Qa'a auemichitalo'te naa'me naajo' p'etaqadaiqui ga'me li'yacochi'j jo'ne ja jañoĝotaq ta'le jachoĝojoq da'me qo'mi, nach'e naq'aeta joca'li dia'me qadet'al ja yaqanate't ta'le yachi'y.

Romanos 7:14

Jayatenaq gaa'me namaĝajoĝonaĝaco jo'ne chiyoqodo'ot joñe'me Dios da'me 'yaĝatetedac ga'me ja di'yoq, qalaĝaja jayem qaya'te 'yañaĝac, nemenec 'me lelatac da'me etaĝaloĝoc.

Romanos 8:15

Qa'a ami ja ami 'te qoyanema ñe'me nepaqal jo'ne chiyaqayi ta'le ami nelataqa jo'ne yitaĝa ami yauequeteda'ague da'me ami qolanaqayaqa, dite ñe'me Dios Lepaqal jo'ne ami e'n lec'oqo'tolqa ñe'me Dios, qama'le nach'eñe ñe'me Lepaqal da'me jec'otaĝa ñe'me Dios, nale onolqa'tape da'me qo'mi enaac: “Am Taĝadena'.”

2 Corintios 11:20

¡Chayovida'a adaloyeguet ta'le anapogaĝadeñiyegueta gaa'me ami ee'tema ta'le lelataqa, nach'egaua jo'ne ami yoqovi'tape nataq'aen ami ye'ue'tape nataq'aen jogaa'me jo'ne ye'uaĝatapegouelo naa'me adatajoĝocodi'!

Gálatas 2:4

Jo'me jojo' yema'a't jouaqataue qa'a uo'oe gaa'me jo'ne ch'e nañoĝotedapiñe da'me tauelo jogaa'me p'etaqadaiquipi qaedi ch'e qo'mi naloqote'n. Naajo' qovinaĝanaĝayaqa jo'ne ch'e yaledeuo nach'edata da'me jetaque doĝotaĝatec da'me qo'mi uojotedañi 'me Cristo qo'mi yejodegue, qama'le jogaa'me jetaque qo'mi yepagaqatetapeque da'me qaedi qolaqa'teguelo yema gaa'me judiopi lamaĝajoĝonaĝaco.

Gálatas 3:19

Chane'eja ¿jach'e ga'me yelo'teguet da'me namaĝajoĝonaĝac? Ca'li yem da'me ya'uo da'me dojo' 'laqatac jo'ne yaqataĝañi 'me yanem ñe'me Abraham, Dios qo'mi yanema daa'me lamaĝajoĝonaĝaco qaedi qo'mi yaloĝonalo queda'me je'etaqatac da'me ja no'en. Qalaĝaja gaa'me namaĝajoĝonaĝaco 'uo da'me lajo'viyaĝa'j chayovida'a ca'li novi' ñe'me Abraham c'oĝot jo'ne nach'eñe Dios tachigui q'aen ga'me yaqataĝañi 'laqatac. Dios na'yalo q'ae'n gaa'me piyem laje' gaa'me namaĝajoĝonaĝaco ca'li yanema ñe'me Moisés, qaedi ñe'me qo'mi yanema.

Gálatas 4:2

Uo'oe gaa'me jiyaĝa'u jo'ne neteleta nataq'aen yelodelegue joga'me qom cha'li natajeguem nataq'aen yapaĝague'n, chayovida'a ga'me nolo' qom let'a en ladipa q'aen ena'uac.

Gálatas 4:24

Naajo' dojolqa uo'oe joca'li qo'mi lecochiyalo ta'le jenaq qadec'atenaqa, qa'a gaa'me dojole yauo' laloĝoqui' qoye'n gaa'me dojolqa yamaĝataĝac. Agar laloĝoqui qoyen ga'me yamaĝataĝac 'me qoyanegue chiyaqa'ña di'me qajoĝonaĝa lenaĝat Sinaí, chane'eja ena'uaque gaa'me c'oqo'tepi uetedaue da'me nelataqapi da'me niyidiñe.

Gálatas 4:25

Ga'me qajoĝonaĝa Sinaí, jo'ne ua'a di'me Arabia, laloĝoqui qoyen ga'me noic Jerusalén, nataq'aen ena'uaque gaa'me neda'ña ena'am ta'le namaĝajoĝonaĝaco lelataqapi.

Gálatas 4:31

Ami yaqaya'olqa, ja qo'mi 'te lelataqa jogaa'me namaĝajoĝonaĝaco, dite da'me qo'mi uojotedañi. Ja jenaqa'am ga'me c'oĝot jaga'me nelata, dite da'me jenaqa'am ga'me c'oĝot jaga'me uojotañi.

Gálatas 4:8

Ca'li jona'li auatetoñi ñe'me Dios, qamaliaĝa ami lelataqa jogaa'me qop'iyapegalo jo'ne ja ejoda.

Gálatas 4:9

Qalaĝaja nayi male auatetoñi ñe'me Dios, uotaĝa chimaqachiñe da'me jenaac: Dios male ami yateto'n. Qo'che' ja jayem 'te taue da'me toqoch'e anajeñe'teguet da'me yitaĝa ami yaue'j jogaa'me qop'iyapegalo jo'ne mach'egaua qaya'te lañoqotaĝanaĝa'j uotaĝa lajo'viyaĝa'j.

Colosenses 2:20

Adelevi'ta'y ca'li ñe'me Cristo qama'le ja yitaĝa anejoqui'tagueta jogaa'me 'nañaĝaco jo'ne nejaliaĝatedelegue jena'me aleua. Chane'eja, ¿toqoch'e ena'am ta'le maliaĝa ademiya'eguet jena'me aleua, queda'me maliaĝa oquitapegue'to gaa'me ja qodajenataĝanema, ena'am da'me

Colosenses 2:8

'Noota qom anechilela't: ena'te aniyamaĝadeñiyoto gaa'me jetaque ami yoqovineque gaa'me ch'e jiyaĝaua layatenaĝanaĝaco jo'ne ja ejoda choqogaa'me napaĝaguenataĝanaĝaco jo'ne ch'e lelnataĝaco ga'me aleua laje'pi, qa'a jogaa'me ja yotaua'n ñe'me Cristo.

Hebreos 5:12

Qa'a nayi da'me joote yenoĝodegue jaa'me 'uoidi chayovida'a ta'le naqa'ami jo'ne auapaĝaguenataĝañitac, qalaĝaja maliaĝa auoviñetaque da'me yitaĝa ami qoyapaĝague'n daa'me ja qalache jo'ne mach'e lapaĝaguenataĝanaĝaco joñe'me Dios, queda'me ena'am ta'le a'viyelaqaiya da'me qaya'te at'añaĝaqui, qama'le ja youen da'me ami qoyiqui'yaĝaneque ga'me niqui'yaĝat jo'ne 'uo da'me 'lañaĝac, dite jaga'me lochi' jo'ne nach'aga 'me aniyomitapiye.

Hebreos 7:16

Qama'le da'me qoyen netaĝayaĝanaĝanec ja yepaquetelegue da'me namaĝajoĝonaĝac 'me 'yaĝa't ga'me nec'oqo'tepi ta'le chiyaqauelo, dite da'me chiyaqayi da'me lañoqotaĝanaĝac da'me mach'e 'loyaĝac jo'ne nach'e eta't ja pal.