Filemón 1:6 - Nuevo Testamento Toba Sombrero Negro

⁶ Jajela joñe'me Dios qaedi am lecochiya qaedi maqachaĝa avichoĝode'n jogaa'me Dios lec'oqo'tepi, chiyaqayi da'me adepe'e, qom auayaten yema da'me 'noota jo'ne jaqanatetaq ta'le jauoqo qaedi qo'nonaĝachigui joñe'me Cristo.

Nuevo Testamento Toba Sur

⁶ Nataq'en seÿaxaatacot ñi Dios, da yaqto' nam da'amqajnataxanpi mayi chigoqchigui da 'adpi'iÿaxac, da yaqto' namayipi ÿataqta ÿaÿateetegue ca lataxac 'enauac na nqouagaxanaqtaicpi mayi chigoqo'ot so Cristo Jesús.

La'aqtaqa Ñim Lo'onatac 'Enauacna 2013

⁶ 'Am huo'o da 'anaquitaxac So Qarataxala' 'ena'ama qomi'. Qaq ỹoqo'oye seỹaxaatacot Ñim Lo'onatac 'Enauacna da, nache qoqueto'ot da 'anaquitaxac Ñimaye, choche ivitta'a da ỹataqta 'auauatton 'enauac nam ỹaỹamaqchiguiñipi maye ishet da so'otaq. Qaq de'era chegoqchigui da qarauotaxanaqtaic So Qarataxala' Jesucristo.

Filemón 1:6 Iomraidhean Croise

Mateo 25:16

Ñe'me jo'ne qoyanema gaa'me cinco talentos, paja'a ec ca'li, t'onataĝanalo gaa'me, qama'le uoja'aegaua cinco talentos jo'ne lomataĝanaqate.

Mateo 5:16

Nach'e naq'aeta ga'me 'yoqochiñe jo'ne ami netayelo, 'noota qom yecoyadelo'te ga'me jiyaĝadipi, qaedi yauata daa'me onaĝayaqa 'me at'onataqadi' qama'le 'nonaĝachidegue joñe'me Dios.

1 Corintios 14:25

qama'le joga'me yechoĝot ga'me uetaue joga'me lauel, qama'le nachoĝodenot joñe'me Dios nataq'aen 'nonaĝachigui joñe'me nataq'aen enaac queda'me yataqachiñe eja ami uetauelo joñe'me Dios.

1 Corintios 16:9

qa'a 'nouategue ga'me yadic qaedi jepitaqatenac da'me je'et ga'me 'yonatac jo'ne yataqachiñe p'ajaye, mate mane'e uo'oe qayoĝode' gaa'me qo'mi nautenalo.

Filipenses 4:8

Ami yaqaya'olqa, jeetapega naq'aeta jenjo' 'yaqatac nayi. 'Noota qom analoqochiñe nale jena'me jenjo' 'noota ladic, chayovida'a da'me jo'ne yataqata qo'nonaĝachigui. Qama'le nach'e eta't auenache'ta da'me eja nataq'aen da'me chimaqachiñe, da'me yataqatelegue nataq'aen da'me ja 'nalegue, da'me onaĝaic nataq'aen da'me qoyiyamaĝaden.

Colosenses 1:9

Qo'che' da'me qo'mi, chiyoqotelegue jo'me nolo' ca'li ami janoma'alo, ja jaĝanaĝañi da'me ami jajelaĝanaĝalo'te nataq'aen jajelaĝanaqatapecot joñe'me Dios qaedi yataqachiñe ami yayatenaĝanaĝaneque da'me loequenataĝanaĝac, choqogaa'me yodapecache nayatenaĝanaĝaco nataq'aen gaa'me netadenataĝanaĝaco 'me ami yanema joñe'me Lepaqal.

Colosenses 3:10

Nataq'aen joote auaiñiñe da'me dalaĝaic at'oyaĝaqui 'me nichiquetajeguem, chayovida'a da'me ena'am da'me 'loyaĝac ñe'me Dios, nach'eñe jo'ne A'netoqo'chi, qaedi yataqachiñe nedo'ta't da'me auatetoñi.

Tito 3:14

Nataq'aen ena'uaque gaa'me mach'e qadepi'iyaĝa'u 'noota qom yayate'n ta'le yauote joda'me 'noota, qama'le lecochiyalo gaa'me jo'ne 'uo da'me louenaĝanaĝa'j, qaedi qoyiyamaqa'tema jogaa'me.

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

Santiago 2:14

Ami yaqaya'olqa, qom 'uo ga'me jo'ne eetapela't 'uo da'me lepe'e, ¿jach'e ga'me yachiyoĝotayi qom ja yaloĝon ga'me jo'ne mach'e chiyaqayi 'me 'lonataĝanaĝac? ¿Qo'li yaqanatet da'me nec'alaĝategue da'me lepe'e?

Santiago 2:17

Qama'le naq'aeta da'me eeta da'me qadepe'e: qom ja yaloĝon ga'me jo'ne mach'e 'lonataĝanaĝac, nach'ena nepe'e jo'ne ja nec'alegue.

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

1 Pedro 3:1

Qama'le nach'e ena'am da'me ami yauo' jo'ne joote a'uoñi, 'noota qom auoqochiyalo jogaa'me lelnataĝaco gaa'me adouadi', qaedi qom uo'oe gaa'me jo'ne maliaĝa ja 'yamaqate'n da'me 'naqataĝanaĝac, qama'le nach'egaua jo'ne t'amaqatenataĝa'n qomle, yajouaĝat da'me yauata da'me aniyamaĝachela't da'me ami. Mate mane'e da'me qaya'te 'naqatac ta'le domachita,

1 Pedro 3:16

Qalaĝaja 'noota qom aueñe'tem ta'le qaya'te adi'yoĝodiqui nataq'aen da'me ami machidiñe. Nataq'aen da'me aueñi da'me adelnataĝaqui jo'ne 'uo da'me 'nemaĝac, qaedi gaa'me jo'ne ami ye'ue'tape yajouaĝat da'me auep'iiya'a joñe'me Cristo, mach'e nepocoĝolo'te jo' qomle naa'me mach'e 'laqataqa.

2 Pedro 1:8

Qom naq'aeta da'me aueñi adoqochidi' naa'me naajo' jo'ne uo'oe nataq'aen da'me anichiyaĝachiyegue, qama'le da'me at'oyaĝaqui 'uo ga'me chiyaqayi qomle, qa'a ja ch'e yajamaĝajaye da'me auatetoñi ñe'me Jesucristo mach'e Qadejaliaĝanec.