Filemón 1:17 - Nuevo Testamento Toba Sombrero Negro

¹⁷ Chane'eja, qom auen jayem adepi'iyaĝaua, qama'le auaconeguet jo' qomle ñe'me Onésimo, aualoqochichigui da'me ena'am ta'le naqayem.

Nuevo Testamento Toba Sur

¹⁷ Qaq ÿoqo'oyi qom ÿoqta 'eesa da aÿim 'adÿa, qaq ÿataqta qoneta'am aÿim da 'auaconguet namayi.

La'aqtaqa Ñim Lo'onatac 'Enauacna 2013

¹⁷ Qaq ỹoqo'oye qom yo'oqta 'eesa da 'am ỹa'amqaanataxanaxaua de'era qara'amqaanataxanaxac So Jesucristo, nache 'am seỹaxanot da 'auaconeguet namaye, 'aue'enaxattem da aỹem 'auaconeguet.

Filemón 1:17 Iomraidhean Croise

Mateo 10:40

Qom 'uo ga'me ami yaconegueta, qama'le naqayem da'me jayem yaconeguet; nataq'aen ga'me jo'ne jayem yaconeguet, qama'le nach'e ena'am yaconeguet ñe'me jo'ne jayem namaĝaquena.

Mateo 18:5

Nataq'aen joñe'me jo'ne jayem naquiaĝana qama'le yaconeguet ga'me notolec ena'am jenjo', mach'e jayem yaconeguet.

Mateo 25:40

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne a'vichiyeque naajo' yaqaya'olqa 'me 'najode' qama'le nach'ayem jo'ne jayem a'vichiyec da'me dojo'.»

Hechos 16:15

Qonachilaĝan ca'li nataq'aen ena'uaque gaa'me jo'ne mach'e laqaya'. Ca'li yem qama'le qo'mi nachoĝodenoto: —Qom aueñetapega queda'me yataqachiñe jep'iya'a ñe'me Jaliaĝanec, qama'le jayem anec'achiya qaedi oviya'a di'me 'yachaqa'. Qama'le qo'mi paquetapegue'to qaedi jouaqa'tedi.

2 Corintios 8:23

Anetoviñetac queda'me Tito mach'e ñaigaĝaua, nataq'aen queda'me qadalo'ta't da'me jo'onataĝanaq qaedi ami yecochaĝalo. Anetoviñetaque gaa'me dojolqa jiyaĝa'u laqaya' jo'ne quetegue ñe'me Tito mach'e lamaĝa's gaa'me p'etaqadaiquipi jo'ne 'nonaĝachidegue ñe'me Cristo.

Efesios 3:6

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

Filipenses 1:7

Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.

1 Timoteo 6:2

Nataq'aen qom p'etaqadaic ga'me adadipa, yataqata auanem da'me adoqopich'i choqoda'me adichoĝodenataĝanaĝac, qa'a jenjo' mach'e adaqaya da'me 'uo ga'me adepe'e. Mac da'me a'uetec da'me yataqata alecochiya, qa'a jenjo' at'onatac nataq'aen qoyen 'lonatac, chiyaqa'alo jiyaĝa'u jo'ne p'iida'a ñe'me Dios, chane'eja 'noota ta'le yataqata aviyamaĝatetac ga'me aue'et. Daa'me daajo' 'noota qom yataqata auapaĝaguenataĝaneque nataq'aen auamaĝajoĝolo'te.

Filemón 1:10

Qama'le nayi am jiyaĝanot qaedi avichoĝoden jo' qomle ñe'me Onésimo: avichoĝoden joñe'me qa'a mach'e yomataĝanaĝat, qama'le ena'am ga'me yataqachiñe yaleeja da'me jonetaue jana'me janjo' coñetaĝanaĝaiqui.

Filemón 1:12

Nayi am ji'iyelaĝatot, aue'tem jo' qomle da'me ena'am ta'le naqayem.

Filemón 1:18

Ta'le 'uo ga'me gamachaqaega am ye'tec jo'ne ja 'noota ca'li, uotaĝa 'uo ga'me nep'iayaĝac, 'noota qom aue'n ñep'iayaĝaco jo'.

Hebreos 3:1

Chane'eja, ami yaqaya'olqa, da'me ami jo'ne ami liquiyaqa joñe'me Dios qaedi male en mach'e ami lec'oqo'tepi, 'noota qom auenache'ta joñe'me Jesús jo'ne Lamaĝajec joñe'me Dios, nataq'aen nach'eñe ñe'me Qadejaliaĝanec mach'e Qadetaĝayaĝanaĝanec jo'ne dajo'tot joñe'me Dios.

Hebreos 3:14

Qa'a da'me qo'mi, male qo'mi lequiaĝa'u ñe'me Cristo, qom nach'e eta't 'ñañaĝataĝac da'me qadepe'e jo'ne 'uaechiñe 'me qo'mi uetauelo.

Santiago 2:5

Ami yaqaya'olqa jo'ne ñauotaĝa'u, anaquiaĝañiya da'me dojo': Dios en liquiyac ga'me jiyaĝaua jo'ne qaya'te leuoyaĝac, qama'le en neuoyac da'me nepe'e, qama'le nach'e ena'am da'me en yaconeguet da'me jo'ne mach'e en loĝot jo'ne nejaliaĝa, da'me jo'ne joote 'yaĝatema gaa'me jo'ne eja da'me yataqachiñe noqopideta joñe'me.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

1 Juan 1:3

Qama'le naq'aeta da'me ami jechoĝotaqatapema da'me jo'ne joote jauanaĝa nataq'aen jomachaĝa, qaedi qo'mi ademii'tegueta, nach'e naq'aeta da'me qadema'aguet joñe'me Dios jo'ne Qadet'a nataq'aen ñe'me Lec'oĝot Jesucristo.