Filemón 1:10 - Nuevo Testamento Toba Sombrero Negro

¹⁰ Qama'le nayi am jiyaĝanot qaedi avichoĝoden jo' qomle ñe'me Onésimo: avichoĝoden joñe'me qa'a mach'e yomataĝanaĝat, qama'le ena'am ga'me yataqachiñe yaleeja da'me jonetaue jana'me janjo' coñetaĝanaĝaiqui.

Nuevo Testamento Toba Sur

¹⁰ qaq nagui 'am seÿaxanot da 'auchoxoden qome na Onésimo. Namayi mashi ivida'a da 'eeta'am ñaq'en ca yi'oqchigui ÿalec ana'ana sootaigui ncoñitaxanaxaqui.

La'aqtaqa Ñim Lo'onatac 'Enauacna 2013

¹⁰ qaq nagui 'am seỹaxanot da 'auaconeguet qataq 'auchoxoren qome na Onésimo. Namaye mashe ivira'a da 'eeta'am ñaqa'en ca yo'oqchigui ỹalec ana'ana sootaigui ncoñetaxanaxaqui.

Filemón 1:10 Iomraidhean Croise

Marcos 9:17

Qama'le 'uo ñe'me jiyaĝaua jo'ne chiyaqauelo ga'me jiyaĝadipi jo'ne enaac: —Paĝaguenataĝanaĝaic, jenjo' yalec am ñeda'a, qa'a 'uo ñe'me payac lepaqal jo'ne uetaye jo'ne en chiyoĝojec q'aen.

Romanos 12:1

Chane'eja, ami yaqaya'olqa, yajouaĝat da'me lichoĝodenataĝanaĝac ñe'me Dios, ami ñachoĝodenouelo da'me 'noota qom mach'e ami auec'achiya joñe'me Dios ena'am ta'le najaqajec jo'ne nec'aletaye, ja 'nalegue jo'ne jama ga'me laetayaĝac 'me qoyanem ñe'me Dios. Naqaena jena'me 'nemaĝac 'me yataqatelegue auañem joñe'me.

1 Corintios 4:14

Ami jedenaqatenalo jenjo' yediijec jo'ne ami ja'aĝatema gaa'me uo'oe yataqachiñe qalache, qalaĝaja ja naq'aeta ta'le ami je'etema qaedi ma'te adepocoĝoqui, dite da'me jetaque ami jaqatalo qa'a ena'am ta'le mach'e ami yalaqa.

1 Corintios 4:15

Qa'a nayi queda'me oquiyegue ñe'me Cristo male qayoĝode' gaa'me adajoĝola'chidi', qalaĝaja jaldata da'me 'uo ñe'me onolec jo'ne ena'am ta'le adet'ai. Ena'am ta'le naqayem da'me jayem adet'ai, qa'a nach'ayem ca'li ami ja'aĝatema da'me onaĝaic 'naqataĝanaĝac, chane'eja ami auep'iiya'a joñe'me Jesucristo.

Gálatas 4:19

Ena'am ta'le ami yalaqa da'me ami joqopitalo, qalaĝaja qom cha'li ja auovidiya'a da'me aueñiya'am ñe'me Cristo, qama'le jalcote auauoyi yachoĝodec, ena'am lachoĝodec jaga'me yauo nale yemta niyiñe ga'me c'oĝot.

Colosenses 4:9

Na'me nach'e ena'am lequiaĝaua ñe'me Onésimo, mach'e jauotec nataq'aen qadaqaya jo'ne 'uañaĝaic, jo'ne ami chiyaqauelo ca'li. Jogaa'me ami 'yaĝatema qomle yema ga'me jo'ne 'uo jena'me jenjo'.

1 Timoteo 1:2

Yamaic am janem, am Timoteo jo'ne yataqata am yalec queda'me aua'uo da'me yepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

Tito 1:4

Yamaic am janem am Tito, am jo'ne ena'am ta'le yataqachiñe am yalec qa'a qademaye da'me dojo' qadepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanem da'me anichoĝodenataguec nataq'aen da'me at'emaĝac.

Filemón 1:11

Ca'li gaa'me noloqo'ote jo'ne yenoĝodegue, ñe'me Onésimo ch'e adelatac ca'li jo'ne qaya'te auen chiyaqayi, qalaĝaja nayi male 'uo ga'me auen chiyaqayi, nach'e ena'am da'me 'uo ga'me jen chiyaqayi.

Filemón 1:13

Taama'le ñaviiñi queda'me jetaque cada'ac jayem ue'tajop, qaedi ena'am da'me am nemeneguet qaedi jayem lecochiya da'me cha'li jonetaue jana'me coñetaĝanaĝaiqui, qa'a jouaĝat da'me onaĝaic 'naqataĝanaĝac jo'ne ja'aĝatetac.

3 Juan 1:4

Nataq'aen da'me dojo' yamaic jo'ne p'ajaye queda'me jayate'n jogaa'me yalaqapi queda'me 'nañaĝatela'ajalo quetedalegue da'me jo'ne chimaqachiñe.