Efesios 4:5 - Nuevo Testamento Toba Sombrero Negro

⁵ Onolec joñe'me Qadejaliaĝanec, nataq'aen onolec da'me qadepe'e ladic, chayovida'a da'me onolec da'me nachilaĝanataĝanaĝac.

Nuevo Testamento Toba Sur

⁵ Qataq 'oonolec so qadataxala', qataq 'oonolec da qadpi'iÿaxac qataq da qanachilaxanataguec,

La'aqtaqa Ñim Lo'onatac 'Enauacna 2013

⁵ Qataq 'oonolec Ñim Nataxala', qataq 'oonolec da npi'iỹaxac qataq 'oonolec da nachelaxanataxanaxac,

Efesios 4:5 Iomraidhean Croise

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

Hechos 2:36

“Chane'eja auayachiñe jo' da'me dojo', ami Israel c'oqo'tepi, queda'me nach'eñe Jesús jo'ne auep'eñiyajeguem, Dios yejaliaĝat nataq'aen en Liquiyac.”

Romanos 3:30

Qama'le qaya'te uoja'ega Dios laqaya: ñe'me Dios jo'ne e'n yataqatelo'te jogaa'me jo'ne 'uo da'me lepe'e', ja uenate'ta ta'le netayelo uotaĝa ja netayelo ga'me nichaĝajoĝonaĝac.

1 Corintios 1:13

Qalaĝaja ¡nach'eda naq'aeta da'me aueñe'tem ta'le neyotapecache da'me 'loyaĝac ñe'me Cristo! ¿Qo'li jayem qoyep'enajeguem jouaĝat ami? Uotaĝa ca'li ami qonachilaĝa'n, ¿qo'li auechoĝochetac da'me jayem adejaliaĝanequi?

1 Corintios 1:2

ami janema da'me qadamaic, ami jo'ne yataqachiñe Dios lec'oqo'tolqa 'me oñiya'ña di'me Corinto, ami jo'ne joote yoqovite' qa'a auacoñiyeguet ñe'me Cristo Jesús, nataq'aen ami qoyiyaĝanalo qaedi ami qoyapetenegueta joga'me Dios lec'oqo'tepi 'me ja 'nalo'te nach'e ena'ama ena'uaque jogaa'me jo'ne napi'ñalo naa'me ale'u lael 'me 'yaĝatetedac da'me lenaĝat ñe'me Jesucristo mach'e Qadejaliaĝanec nataq'aen joga'me Dios lec'oqo'tepi 'me ja 'nalo'te.

1 Corintios 12:13

Qa'a joca'li qo'mi qonachilaĝa'n, nach'eñe ñe'me Dios Lepaqal qo'mi 'yeteque da'me ena'am ta'le onolec da'me qat'oyaĝac, joga'me griegopi nach'e ena'am joga'me judiopi, jogaa'me nelataqa nataq'aen jogaa'me yiyamaqachidiñe, qama'le Dios qo'mi ena'uac yecodelo'te nach'eñe ñe'me mach'e Lepaqal.

1 Corintios 12:5

Uo'oe gaa'me yodapecache 'netagueco da'me qot'onataĝaneuo'o joñe'me, qalaĝaja nach'eñe ñe'me Jaliaĝanec yanema da'me 'nelopague'j ena'uaque jogaa'me.

1 Corintios 8:6

qalaĝaja qo'mi qamqa'me jayatenaq queda'me 'uo ñe'me Dios jo'ne onolec, mach'e Qadet'a jo'ne 'netoqo't ena'uaque gaa'me uo'oe, nataq'aen qo'mi yanema da'me qat'oyaĝac jeloqot'ot joñe'me. Nach'e naq'aeta queda'me onolec ñe'me Jaliaĝanec Jesucristo nach'eñe necochoqo't ñe'me Dios joca'li ye'et jena'me aleua nataq'aen ena'uaque gaa'me uo'oe, qama'le da'me qo'mi joda'me qat'oyaĝac chiyoĝoguet joñe'me.

2 Corintios 11:4

Qa'a da'me ami nale gamachaqaega ami yovida'alo jo'ne 'yaĝatetac ñe'me Jesús qalaĝaja ja ena'am ga'me joote ami ja'aĝataĝama, qanach'e paja'a 'uo da'me adamaiqui da'me auacoñiyeguet. Ñe'me Dios Lepaqal 'me ja 'nalegue 'me auacoñiyeguet joote ami uetauelo, qalaĝaja auacoñiyeguet nale ga'me nepaqal laqaya jo'ne yaqa'a, nataq'aen 'naqataĝanaĝac laqaya jo'ne ja ena'am ga'me joote auacoñiyeguet.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

Efesios 4:13

Qom naq'aeta qama'le yema da'me qo'mi qadalo'ta't da'me qademalegue jena'me onaĝaic qadepe'e ladic, qaedi yataqata jatetonaq joñe'me Dios Lec'oĝot, nataq'aen male yemta jovitaĝa da'me qo'mi p'etaqadayaqa jo'ne chimadichidiñe, chayovida'a da'me qadalaje'ma da'me 'loyaĝac joñe'me Cristo jo'ne yataqata ja 'nalegue.

Filipenses 2:11

qaedi male yema qo'yaĝatetedac queda'me nach'eñe joñe'me Jesucristo naqaeñe jo'ne Qadejaliaĝanec. Qama'le naq'aeta da'me yataqata qo'nonaĝachigui joñe'me Dios mach'e Qadet'a.

Filipenses 3:8

Qama'le yema jo'me 'yonataĝanaĝac ca'li, yataqata jaĝañi nayi, qa'a jouaĝat da'me male yataqata jateton joñe'me Jesucristo mach'e Yejaliaĝanec, qama'le nach'ena na'me yatetonaĝanaĝac jo'ne yataqata onaĝaic. Chane'eja joote jaĝañi yema da'me 'yonataĝanaĝac ca'li, qa'a yataqata jen ja no'en, qaedi jepitaqatenac da'me male joue'tajop joñe'me Cristo

Tito 1:1

Jayem Pablo, jo'ne lalemaĝajet ñe'me Dios, nataq'aen jayem Jesucristo lamaĝajec qaedi jeda'alo da'me 'laqataĝanaĝac jogaa'me jo'ne joote yiyota'alo ñe'me Dios, qaedi p'iida'a joñe'me, nataq'aen qaedi yateto'n da'me yataqatelegue. Nach'eda jo'ne yapaĝagueneque jogaa'me da'me qaedi ye't ga'me jo'ne yepaquetapega joñe'me Dios,

Tito 1:4

Yamaic am janem am Tito, am jo'ne ena'am ta'le yataqachiñe am yalec qa'a qademaye da'me dojo' qadepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanem da'me anichoĝodenataguec nataq'aen da'me at'emaĝac.

Hebreos 13:7

Anetoviñetaque ñaa'me mach'e adajoĝola'chidi', naqaeñaua jo'ne ami 'yaĝatema ca'li daa'me 'laqataqa ñe'me Dios. Auenachelegue da'me jo'ne chiyaqayi da'me 'loyaĝa'j joñaa'me, qama'le oqui'tegue da'me ee'tec da'me mach'e lepi'iyaĝa'j.

Hebreos 6:6

qalaĝaja da'me male yaĝañi da'me lepe'e, nach'ega ga'me jiyaĝaua jo'ne ja yaqanatet ta'le yitaĝa 'ñemaĝañi. Ja yaqanatet ta'le yitaĝa 'niyeloqot joñe'me Dios qa'a ena'am ta'le naqaega jo'ne yitaĝa yep'elegue jaga'me nesodoso joñe'me Dios Lec'oĝot da'me yataqata ye'uetac joñe'me.

Santiago 2:18

Qama'le 'uo ga'me jo'ne eetac: “Am, 'uo da'me adepe'e, qama'te da'me jayem, 'uo jena'me 'yonataĝanaĝac. Chane'eja jayem aualoĝona da'me adepe'e jo'ne qaya'te 'lonataĝanaĝac, qama'le da'me jayem am ji'iyelaĝateguet da'me am jaloĝona da'me mach'e yepe'e jo'ne en uo'oe naa'me 'yonataqa.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

2 Pedro 1:1

Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

Judas 1:20

Qalaĝaja ami yaqaya'olqa, nach'e aueñeta't a'nañaĝachiyec da'me jo'ne ja 'nalegue 'me adepi'i, nataq'aen anajeñe'teguet ñe'me Dios Lepaqal da'me ami yauequeteda'ague joda'me anetamenaĝaqui.

Judas 1:3

Ami yaqaya'olqa, jayem jalcote da'me yamaic ta'le jediñe joda'me lajoĝoc da'me qat'oyaĝac 'me dalaĝaic jo'ne joote ena'uaque qo'mi uetauelo. Qalaĝaja nayi male jela'a da'me qoyouetaque da'me ami jamaĝalo da'me dojo' qaedi ami ñachoĝodenouelo da'me aueloquiaĝanaĝañi da'me adepi'i, da'me jo'ne qoye'uauaĝanouelo joca'li ga'me lec'oqo'tepi joñe'me Dios.