Efesios 4:2 - Nuevo Testamento Toba Sombrero Negro

² Ena'te ami 'yoĝodenaĝayaqa, dite da'me 'noota qom yataqata ami joĝodayaqa naa'me adai'lidi' nataq'aen da'me anapogaĝadeñi. 'Noota qom auodenataĝañetac nale, chiyaqayi da'me adoqopich'ii.

Nuevo Testamento Toba Sur

² Qataq sa ishit qome da qami' n'amqajnaxaiqa. Chaqdata da qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ÿataqta ichoxoden ca lÿa da huo'o ca camachaqca.

La'aqtaqa Ñim Lo'onatac 'Enauacna 2013

² Ỹataqta qami' huesote' qataq qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ỹataqta ỹauotec ca lỹa qataq itauan.

Efesios 4:2 Iomraidhean Croise

Mateo 11:29

'Noota qom auacoñiyeguet jena'me yepiñejec jo'ne ami janema, nataq'aen 'noota qom jayem auayachiñe queda'me 'uo da'me ñapogaĝadenaĝac nataq'aen joĝodaic jena'me yeuel; nach'eda eeta da'me male 'nomategue jonaa'me adai'lidi'.

Marcos 9:19

Jesús 'yategueta jogaa'me: —¡Yataqachiñe ami jiyaĝadipi jo'ne qoleguetaĝanaĝaiquipi! ¿Jach'e jogamaĝa ua'a da'me cha'li ami jouetauelo? ¿Jach'e jogamaĝa ua'a da'me cha'li ami ñeualaĝae'to? ¡Yaĝa, anedoyiquena ga'me notolec!

Hechos 20:19

Yemeda naa'me noloqo'ote da'me jo'onataĝatape'uo ñe'me Jaliaĝanec yemalegue q'aen jena'me yeuel, jalcote jaga'me yachi' nataq'aen qayoĝode' gaa'me ñapiyenagueco 'me jouetauelo jo'ne jetaque jayem 'yedetec joga'me judiopi.

Romanos 15:1

Qo'mi jo'ne joote 'uañaĝaic da'me qadepe'e, 'noota qom jaconaĝagueta daa'me lachoĝolaĝaco gaa'me jo'ne maliaĝa ja 'uañaĝaic da'me lepi'iyaĝa'j, nataq'aen ja jelaqaque ga'me mach'e qo'mi ja'amaqatenaq.

1 Corintios 13:7

Ga'me jo'ne 'uo da'me loqopich'i yema napogaĝadeneguet, nataq'aen ja neli'ñejop da'me 'yamaqaten da'me eja, nach'e eta't 'uo da'me leuataqataĝanaĝac, nataq'aen nalo'oguet yema.

Gálatas 6:2

Qom 'uo ga'me auaqalañitac qama'le anecochiyapega't, qa'a nach'eda naq'aeta da'me 'loyaĝac da'me qodique'teguelo da'me lamaĝajoĝonaĝac ñe'me Cristo.

Efesios 1:4

Ca'li maliaĝa ja di'yoq jena'me aleua, Dios joote en qo'mi liquiyaqa qaedi qolaĝague ñe'me mach'e Liquiyac Jesucristo, da'me en jajoyaqa'aguet joñe'me Dios, male yataqata ja qo'mi 'te 'nalo'te, qaya'te qanaviyaqataguec. Dios yataqata qo'mi noqopitalo,

Colosenses 1:11

Jajelaĝanoqot joñe'me qaedi en chiyaqayi da'me p'ajaye lañoqotaĝanaĝac da'me ami 'yañaqate't, qaedi naq'aeta da'me auaqanachichi ta'le anapogaĝadeñiyeguet ena'uac nataq'aen 'uo da'me at'añaĝaqui choqoda'me adamaiqui.

1 Timoteo 6:11

Qalaĝaja da'me am Dios nejoĝonec, 'noota ta'le oca'ae naa'me naajo' ja qoyiyamaĝade'n. Nach'e eta't auen yataqatelegue da'me anejiyaĝauayaĝac, auen yelo'ta joñe'me Dios, nataq'aen aua'uo da'me adepe'e, auaconeguet da'me adoqopich'i, da'me am 'uañaĝaicolec nataq'aen da'me yataqata am joĝodaic.

2 Timoteo 2:25

'Uo da'me lapaĝaguenataĝanaĝac jo'ne ja 'yoĝodenaĝaic yanema jogaa'me jo'ne te'me nautetapegalo, qa'a uotaĝa yaloĝolo'te ñe'me Dios qaedi 'ñemaĝadiñe, 'niyelaĝadetot joñe'me nataq'aen male yataqachiñe qoye'n yateto'n da'me eja,

Santiago 1:21

Chane'eja da'me ami, 'noota qom aniyochela't, aĝañidiñi yema gaa'me jo'ne paĝachiguilo, nach'e ena'ama gaa'me etaĝaloĝoco jo'ne ja najataĝayaqa, qama'le da'me ami ooyaĝayaqa, 'noota qom auacoñiyeguet da'me dojo' napaĝaguenataĝanaĝac jo'ne joote qoyaañi, qa'a da'me dojo' napaĝaguenataĝanaĝac nach'eda jo'ne 'uo da'me lañoqotaĝanaĝac qaedi ami e'n nec'alaĝategue.

1 Pedro 3:15

Nach'edata da'me a'nonaĝachiyegui joñe'me Cristo mach'e Adejaliaĝanequi. Nataq'aen nach'e eta't aniyamaĝacheta't da'me a'uachiyegueta ena'uaque gaa'me jo'ne denataĝatapelegue da'me jo'ne adeuataqataĝanaĝaqui 'me joote ami uetauelo.

1 Pedro 3:8

Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa.