Efesios 4:1 - Nuevo Testamento Toba Sombrero Negro

¹ Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

Nuevo Testamento Toba Sur

¹ Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

La'aqtaqa Ñim Lo'onatac 'Enauacna 2013

¹ Qaq ỹoqo'oye aỹem, maye aỹem qaicoñettai' souaxat da so'onataxaatacot So Cristo, nagui qami' ñachoxoreetoiguilo da ỹataqta qoquiitegue da lataxac nam qaiỹaxanapi maye 'eeta'ama qami', da ỹalegoigui qanqa'en nam lalamaxatpi Ñim Lo'onatac 'Enauacna.

Efesios 4:1 Iomraidhean Croise

Hechos 9:31

Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.

Romanos 11:29

Qa'a ga'me jo'ne Dios yanegue, ja yitaĝa doĝotaĝanec, uotaĝa ta'le 'yiyelaĝat da'me liyaĝanaĝac.

Romanos 12:1

Chane'eja, ami yaqaya'olqa, yajouaĝat da'me lichoĝodenataĝanaĝac ñe'me Dios, ami ñachoĝodenouelo da'me 'noota qom mach'e ami auec'achiya joñe'me Dios ena'am ta'le najaqajec jo'ne nec'aletaye, ja 'nalegue jo'ne jama ga'me laetayaĝac 'me qoyanem ñe'me Dios. Naqaena jena'me 'nemaĝac 'me yataqatelegue auañem joñe'me.

1 Corintios 4:16

Qama'le ami ñachoĝodenoto queda'me oquiyegue ga'me jayem auec'achiñiyec.

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

2 Corintios 5:20

Chane'eja nach'e qo'mi lamaĝa's ñe'me Cristo qaedi ja'aĝataqatac joñe'me, nataq'aen ena'am ta'le nach'eñe ñe'me Dios ami nachoĝodetapecoto qaedi anaquiaĝañiya da'me qat'aqataĝanaĝac. Qama'le ñe'me Cristo qo'mi 'yelopeque da'me ami ñachoĝodenaqatapecoto qaedi auacoñiyeguet da'me 'lemaĝac ñe'me Dios jo'ne ami yanema.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

Gálatas 4:12

Ami yaqaya'olqa, ami ñachoĝodenoto qaedi jayem auadenaĝachi, nach'e naq'aeta da'me ami jadenaĝa't ca'li ami jouetauelo. Ami ja naqaeda ta'le ami chiyaqayilo ga'me ja no'en 'me jayem a'vichiyec.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Efesios 3:1

Jayem Pablo jo'ne jayem necoñetaejec jouaĝat da'me je'etetac da'me Jesucristo en 'yonatac da'me en jayem anapaĝaguenoqo't, da'me ami jo'ne ja ami 'te judiopi.

Efesios 4:17

Da'me jayem lamaĝajec ñe'me Qadejaliaĝanec, qama'le nayi jenjo' ami ja'aĝatema: ami jachitatatapegalo ta'le ja auadenaĝachi gaa'me jo'ne ja p'iida'a joñe'me Dios, jo'ne que'teguelo gaa'me ch'e lelnataĝaco jo'ne ja 'noe'n.

Efesios 4:4

Qa'a jena'me Dios lec'oqo'tepi onolec da'me 'loyaĝac, nataq'aen onolec ñe'me Dios Lepaqal jo'ne qo'mi uetauelo, nataq'aen onolec da'me jepagaqatapega, nach'eda da'me nec'alaĝac jo'ne Dios qo'mi yiyaĝanalo qaedi jaĝaue.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Filipenses 1:27

Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.

Filipenses 3:14

Qama'le yataqachiñe 'ñañaĝat da'me yataqata ja jaĝañi jenjo' jelo'tegue jo'ne 'yonatac ladic, qaedi joñe'me Dios male jayem yanem joga'me ñomataĝanaqate, nach'ega jo'ne jayem yiyaĝana qaedi jona'ague di'me piyem, jouaĝat da'me yataqata jeme'teguet joñe'me Jesucristo.

Colosenses 1:10

Qaedi auaqanachichi ta'le 'noota ga'me auauoyi, nach'e naq'aeta ga'me yauote nale jogaa'me quetegue joñe'me Jaliaĝanec, nach'e eta't auauoyi ga'me jo'ne yiyamaĝaden joñe'me, auauoyi jala gaa'me yodapecache 'me onaĝayaqa at'onataqadi', nataq'aen aueñi nichiquetaye da'me yataqata auatetoñi joñe'me Dios.

Colosenses 2:6

Queda'me joote auacoñiyeguet joñe'me Jesucristo jo'ne Adejaliaĝanequi, qama'le 'noota qom yataqachiñe oquiyegue joñe'me.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

1 Ts 2:12

Qama'le ga'me qadet'ayaĝac 'noota ta'le yataqata ami ejoda auauoyi ga'me yataqata qoyiyamaĝaden ga'me yataqata Dios lec'oqo'te joga, jo'ne nach'egaua male yaqanate't da'me uedaue ga'me lejaliaqa' jo'ne yataqata ja 'nalegue nataq'aen da'me qaya'te loiquiaqa' da'me qo'nonaĝachigui.

2 Ts 1:11

Nataq'aen yemeda naa'me noloqo'ote da'me ami jajelaĝanaĝalo'te, da'me ñachoĝodenoqot joñe'me Dios qaedi ami e'n adaloyeguet da'me 'noyaĝac jo'ne auacoñiyeguet ca'li ami qoyiyaĝanalo, nataq'aen qaedi ami yanema ena'uaque daa'me 'noote' jo'ne auepaquitapegalo, qaedi yataqata ami onaĝayaqa nataq'aen qaedi auomachi' gaa'me at'onataqadi' 'me chiyoqodayi da'me adepi'i, qa'a nach'eñe jo'ne qaya'te yaqalaatac.

2 Timoteo 1:9

Dios joote qo'mi nec'alaĝatedegue nataq'aen nach'eñe qo'mi yiyaĝanalo qaedi jouaqauelo gaa'me lec'oqo'te jo'ne ja 'nalo'te. Jouaĝat taĝa da'me qat'onataĝanaĝac, mac joñe'me Dios nach'eñe lelnataĝac da'me dojo', qa'a joote qo'mi noqopitalo ca'li maliaĝa ja ye'et jena'me aleua, qama'le qo'mi yamaĝalo joñe'me Cristo Jesús.

Tito 2:10

'Noota qom ja decachiyoto, dite da'me yaloĝo'n queda'me yataqachiñe eja yalemaqate'. Nach'e naq'aeta yema ga'me yauote qoyauanalo queda'me yataqachiñe 'noota da'me napaĝaguenataĝanaĝac 'me chiyoĝogue joñe'me Dios mach'e Qadec'alaĝaiqui.

Hebreos 13:21

Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.

Hebreos 3:1

Chane'eja, ami yaqaya'olqa, da'me ami jo'ne ami liquiyaqa joñe'me Dios qaedi male en mach'e ami lec'oqo'tepi, 'noota qom auenache'ta joñe'me Jesús jo'ne Lamaĝajec joñe'me Dios, nataq'aen nach'eñe ñe'me Qadejaliaĝanec mach'e Qadetaĝayaĝanaĝanec jo'ne dajo'tot joñe'me Dios.

1 Pedro 2:11

Ami yaqaya'olqa, ami jo'ne aueñiya'ama jogaa'me ja 'lachaqa'tena 'me ch'e oquitalegue jenjo' aleua, ami ñachoĝodenoto da'me ena'te auauoyi ledaqa't naa'me lamaico ga'me anejiyaĝauayaĝaqui jo'ne deloiquitedapegue' da'me at'oyaĝaqui.

1 Pedro 3:9

Ena'te a'viyelaĝachiyeguet ga'me ja no'en joga'me ja no'en jo'ne ami qo'yeteque, uotaĝa ga'me anejouenaguequi, dite da'me a'viyelaĝachiyeguet da'me adichoĝodenataĝanaĝaqui, qa'a joñe'me Dios ami yiyaĝanalo joca'li qaedi auacoñiyeguet da'me mach'e lichoĝodenataĝanaĝac.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

2 Pedro 1:3

Joñe'me Jesús joote en chiyaqayi da'me mach'e lañoqotaĝanaĝac da'me qo'mi yanema yema ga'me jo'ne youetaque da'me qat'oyaĝac qaedi yataqata qolaqatapegue' joñe'me. Qama'le qo'mi yatetonaĝanaĝaneque joñe'me Qadet'a, nach'eñe jo'ne qo'mi yiyaĝanalo qaedi jaĝaue da'me 'lonaĝac choqoda'me lejaliaĝa jo'ne ja 'nalegue.

2 Juan 1:5

Nayi, am yaqayole, am ñachoĝodenot queda'me 'noota ta'le onolqa'tape qo'mi ñoqopitaqapega't. Jenjo' 'yaqatac jo'ne am janem ja namaĝajoĝonaĝac jo'ne dalaĝaic, dite da'me nach'eda da'me Dios lamaĝajoĝonaĝac jo'ne jaconaĝaguet ga'me chiyoĝogueta gaa'me noloqo'ote ca'li jep'iyaqa.