Efesios 3:5 - Nuevo Testamento Toba Sombrero Negro

⁵ Jena'me jenjo' lelnataĝac joñe'me Dios ca'li dia'me 'uaediñe ja yayate'n, qalaĝaja nayi Dios male yaloĝonalo jogaa'me ja 'nalo'te jo'ne mach'e lamaĝa's nataq'aen gaa'me 'laqataĝanaĝanaqa, jouaĝat da'me 'uo ñe'me Lepaqal jo'ne uetauelo jogaa'me.

Nuevo Testamento Toba Sur

⁵ De'eda lataxac mayi saq cha'a sa ishit co'ollaxa da huo'o ca qaÿaÿajnaxanaxanec som hua'a'u vi'iyi. Qalaxayi nagui ñi Dios ÿachigoxotchigui so n'Espíritu da ÿaÿajnaxanaxanec nam iÿotaugapi mayi lamaxashicpi so Jesús qataq na l'aqtaxanaxanecpi.

La'aqtaqa Ñim Lo'onatac 'Enauacna 2013

⁵ De'era maye saqcha'a saishet co'ollaxa da huo'o ca qaỹaỹaanaxanaxanec som hua'au' vi'iye. Qalaxaye nagui Ñim Lo'onatac 'Enauacna ỹachegoxotchigui So Saqcha'a La'añaxac da ỹaỹaanaxanaxanec nam iỹotaugapi maye lamaxashecpi So Jesús qataq na la'aqtaxanaxanecpi.

Efesios 3:5 Iomraidhean Croise

Judas 1:17

Qalaĝaja ami yaqaya'olqa, anetoviñetac da'me 'laqata'j gaa'me lamaĝa's joñe'me Qadejaliaĝanec Jesucristo,

2 Pedro 3:2

Anetoviñetaque jaa'me noloqo'ote laqaya' da'me 'yaĝatetedac dia'me Dios 'laqataĝanaĝanaqa jo'ne ja 'nalo'te; nataq'aen da'me lamaĝajoĝonaĝac joñe'me Qadejaliaĝanec mach'e Qadec'alaĝaiqui Jesucristo, da'me jo'ne joote ami yapaĝagueneque jogaa'me lamaĝa's.

Efesios 2:20

Da'me ami aueñiya'am ga'me lae ga'me emec let'adaic jo'ne qo'noĝotapejeguem, qama'le quetede'egue jogaa'me ledii's gaa'me paĝaguenataĝanaĝayaqa 'uaediñe jo'ne Jesús lamaĝa's nataq'aen gaa'me Dios 'laqataĝanaĝanaqa, qama'le nach'eñe joñe'me Jesucristo jo'ne ena'am ga'me qa' 'me t'añiyapeguet ga'me emec.

Efesios 3:9

Nataq'aen jayem qo'yelopec qaedi ja'aĝatetac yema joga'me en ta'tegue jena'me jenjo' lelnataĝac ñe'me Dios jo'ne naqaeñe mach'e 'lonatac jena'me aleua. Yema jena'me jenjo' jo'ne ami ja'aĝatapema nayi, yataqata qaya'te yayaten ca'li, qalaĝaja Dios male yaloĝon da'me jo'ne chiyoĝoteguet jaa'me 'uoidi toye's.

Hechos 10:28

Pedro enaac: —Da'me ami auayachiñe ga'me judiopi lepe'e' queda'me ja qoyaje'tem ga'me ja 'lachaqaena ta'le dojapegue' uotaĝa taue ga'me 'lachaqa'. Qalaĝaja Dios jayem yapaĝaguenec queda'me ja jetaque jen 'te aĝanataĝanaĝaic uotaĝa jen paĝachigui gamachaqaega.

Lucas 10:24

qa'a ami ja'aĝatema queda'me qayoĝode' joca'li gaa'me Dios 'laqataĝanaĝanaqa nataq'aen jaliaĝanaqa jo'ne jetaque yauata da'me dojo' jo'ne ami auec'achiñetac, qalaĝaja ja yauata; jetaque domachita ga'me jo'ne nayi auomachiiya, qalaĝaja ja domachita.”

Juan 14:26

qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

Mateo 13:17

Eja ami ja'aĝatema queda'me qayoĝode' gaa'me Dios 'laqataĝanaĝanaqa nataq'aen jiyaĝa'u jo'ne chimadichidiñe jetaque yauata da'me dojo' jo'ne nayi auañiya, qalaĝaja ja yauata; jetaque domachita dojo' jo'ne nayi auomachiiya, qalaĝaja ja domachita.

Romanos 16:25

'Noota qom 'ñonaĝataĝaye ñe'me Dios, jo'ne yaqanatet da'me ami t'añidañe q'ae'n. Nach'e naq'aeta da'me onaĝaic 'naqataĝanaĝac jo'ne ami ja'aĝatema nataq'aen da'me napaĝaguenataĝanaĝac jo'ne 'yaĝatetac ñe'me Jesucristo. Dojo' uaĝayet da'me jo'ne Dios yaloĝon, jo'ne ja yaloĝonapiye't, nach'eda qoyoĝochiñe chiyoqo'teguet joca'li maliaĝa qaya jena'me aleua.

Juan 16:13

Qalaĝaja qom novi' ñe'me Dios Lepaqal jo'ne yataqatelegue, nach'eñe jo'ne ami yauegouelo yema naa'me naajo' jo'ne ejoda, qa'a ja 'yaĝatetac da'me mach'e 'naĝatetapela't, dite da'me 'yaĝatetac yema ga'me jo'ne domachiya, nataq'aen ami yayatenaĝanaĝaneque gaa'me uo'oe jo'ne di'yo't qomle.

Mateo 23:34

Jouaĝat da'me dojo' nayi ami ñamaĝalo daa'me Dios 'laqataĝanaĝanaqa 'me yatenaĝanaĝayaqa nataq'aen paĝaguenataĝanaĝayaqa. Qalaĝaja ami aualachi' qomle nataq'aen uo'oe gaa'me auep'eñiyajeguem, gaa'me laqaya' a'uaĝañe'tape da'me uetauelo gaa'me ademaĝaiqui', nataq'aen laqaya' yapiyetapegouelo gaa'me noyaqa da'me auecaañi'tape.

Lucas 11:49

“Qo'che' da'me layatenaĝanaĝac ñe'me Dios enaac: «Jamaĝalo gaa'me 'yaqataĝanaĝanaqa nataq'aen yamaĝa's, qama'le jogaa'me uo'oe gaa'me qoyala't nataq'aen qoyecaa'tape jogaa'me laqaya'.»

1 Corintios 2:10

Chane'eja ñe'me Dios Lepaqal 'me ja 'nalegue joote qo'mi e'n di'yoĝoma ga'me jo'ne qoyoĝochiñe joca'li, qa'a ñe'me Lepaqal yataqachiñe nemitaque yema da'me lelnataĝaco joñe'me Dios.

Mateo 20:7

Jogaa'me 'yadeteguet: «Qa'a qaya'te qo'mi 'yonataĝanaĝa'n.» Chane'eja enapegalo: «Jamoyi, nach'e ena'am auec'achiya di'me yanaĝanaqa' qaedi a'uonataĝañi.»