Efesios 3:3 - Nuevo Testamento Toba Sombrero Negro

³ Dios male jayem yaloĝona jena'me jenjo' lelnataĝac jo'ne te'me qoyoĝochiñe ca'li, nach'ena jo'ne male jedetapiñe nayi.

Nuevo Testamento Toba Sur

³ Cha'ayi ñi Dios ÿachaxan da lataxac da lapaxañi co'olloxochiyi mayi saq cha'a da aÿim ÿaÿajnaxanaxanec. Qaq damayi sogote da shiyiñi da cada'ac sa'axatapec.

La'aqtaqa Ñim Lo'onatac 'Enauacna 2013

³ Ñim Lo'onatac 'Enauacna aỹem ỹaỹaanaxanaxanec da 'eetapeguec maye saqcha'a, qaq damaye shiyiñi co'ollaxa da qami' samaxalo qalaxaye saxanaxa da ỹataqta sa'axatta.

Efesios 3:3 Iomraidhean Croise

Hechos 22:17

“Ca'li ji'iyelaĝa di'me Jerusalén, jec'ata ñe'me tamenaĝaiqui qaedi ñetamen, qama'le 'uo ga'me jayem qoyaloĝona.

Hechos 22:21

Qalaĝaja ñe'me Jaliaĝanec enaac: «Jamo, oc, qa'a am jamaĝayelo gaa'me ale'u jo'ne qaya'aguelo.»”

Hechos 23:9

Qama'le ena'uaque jogaa'me niyaĝatedapejeguem, nataq'aen uo'oe gaa'me judiopi napaĝaguenoqo'tpi jo'ne quetedapegue' da'me lelnataĝa'j joga'me fariseopi, ñedijeguem ca'li qama'le enapega't: —Jenjo' jiyaĝaua qaya'te gamachaqaega ja no'en ta'le ya'uo; uotaĝa naqaega ga'me nepaqal uotaĝa piyem le'ec ga'me yojaĝanaĝan.

Romanos 11:25

Ami yaqaya'olqa, jepaquetapega ta'le ami auayachiñe da'me yoequenataĝanaĝac 'me ja yaloĝonapiye't ñe'me Dios; qaedi ja a'naĝachitapela't ami yatenaĝanaĝayaqa; joga'me Israel c'oqo'tepi ja yemeda jogaa'me ta'le ja damite', ch'e lae jogaa'me, qalaĝaja jaldata qom ena'uaque yenoĝodeuo jogaa'me jo'ne ja Israel c'oqo'tepi.

Romanos 16:25

'Noota qom 'ñonaĝataĝaye ñe'me Dios, jo'ne yaqanatet da'me ami t'añidañe q'ae'n. Nach'e naq'aeta da'me onaĝaic 'naqataĝanaĝac jo'ne ami ja'aĝatema nataq'aen da'me napaĝaguenataĝanaĝac jo'ne 'yaĝatetac ñe'me Jesucristo. Dojo' uaĝayet da'me jo'ne Dios yaloĝon, jo'ne ja yaloĝonapiye't, nach'eda qoyoĝochiñe chiyoqo'teguet joca'li maliaĝa qaya jena'me aleua.

2 Corintios 12:1

Qaya'te 'lomataĝanaĝac ga'me mach'ega 'nonaĝa'tape naa'me 'laqataqa, qalaĝaja youetaque ta'le ja'uo da'me dojo'. Chane'eja nayi ami ja'aĝatema ga'me yauanaĝanaĝac jo'ne jayem qoyanem, ga'me jo'ne Jaliaĝanec Jesucristo jayem yatetonaĝanec.

Gálatas 1:12

Ja naqaeda ta'le ch'e jayem yep'iquin gamachaqaega jiyaĝaua 'me aleua le'ec uotaĝa ta'le jayem yapaĝaguenec, dite da'me naqaeñe ca'li ñe'me Jesucristo nach'eñe jayem naloĝoneguet.

Efesios 1:17

Nataq'aen ñachoĝodenot joñe'me Nedios ñe'me Qadejaliaĝanec Jesucristo, ñe'me mach'e Qadet'a jo'ne onaĝaicaloec, qaedi ami yanema joñe'me Lepaqal jo'ne ja 'nalegue, qaedi ami yatenaĝanaĝayaqa nataq'aen male yataqata at'amaqayec joñe'me Dios.

Efesios 3:4

Chane'eja qom auec'achiñe jena'me jenjo' yediijec, male auayachiñe jena'me jenjo' ja'aĝatetac jo'ne Dios lelnataĝac, jo'ne nataq'aen joote ye'et ca'li ñe'me Jesucristo.

Efesios 3:6

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

Efesios 3:9

Nataq'aen jayem qo'yelopec qaedi ja'aĝatetac yema joga'me en ta'tegue jena'me jenjo' lelnataĝac ñe'me Dios jo'ne naqaeñe mach'e 'lonatac jena'me aleua. Yema jena'me jenjo' jo'ne ami ja'aĝatapema nayi, yataqata qaya'te yayaten ca'li, qalaĝaja Dios male yaloĝon da'me jo'ne chiyoĝoteguet jaa'me 'uoidi toye's.

Efesios 6:19

Nach'e ena'am jayem auajelaĝañilegue, qaedi joñe'me Dios jayem yanem da'me 'yañaĝac da'me ja'aĝatetac da'me mach'e 'laqataĝanaĝac jo'ne ja di'yoq ca'li.

Colosenses 2:2

Jeloquitac qaedi 'uo da'me 'lañaĝa'j naa'me adai'lidi' nataq'aen qaedi a'nañaĝachiyec da'me noqopich'i jo'ne ami nalotapega't q'ae'n nataq'aen nejaqachiguilo da'me yataqatelegue netadenataĝanaĝac, qaedi auaqanachichi ta'le auatetoñi joda'me lelnataĝac ñe'me Dios jo'ne ja di'yoq joca'li, jo'ne nach'eñe ñe'me Cristo.

Colosenses 4:3

Nach'e ena'am qo'mi auajelaĝañilo'te, qaedi ñe'me Jaliaĝanec 'youatedegue gaa'me qadadico da'me japaĝaguenataĝanaqatapec da'me 'naqataĝanaĝac nataq'aen jechoĝotaqatac da'me 'lonataĝanaĝac ñe'me Cristo, qa'a nach'eda jouaĝat da'me jayem qoyecoñe'.

Hebreos 13:22

Ami yaqaya'olqa, ami ñachoĝodenoto da'me auacoñiyeguet jenjo' yaqataĝac 'me ami jamaĝalo nayi, qa'a ch'e jaleca da'me jo'ne jediñe.

1 Pedro 5:12

Joñe'me Silvano mach'e yaqaya jo'ne yataqatelegue, nach'eñe joñe'me jo'ne jayem lecochiya qaedi jediñe jenjo' yediijec. Qama'le nayi ami jamaĝalo jenjo' jo'ne jaqaloq qaedi ami jaqatalo nataq'aen qaedi ami japaĝagueneque da'me yataqachiñe eja jo'ne lichoĝodenataĝanaĝac joñe'me Dios, nach'eda jo'ne joote auacoñiyeguet qaedi oqui'tegue.

2 Pedro 3:15

Anetoviñetac da'me napogaĝadenaĝac ñe'me Qadejaliaĝanec, queda'me qo'mi yeuate'talo qaedi 'uo da'me mach'e qadec'alaĝac. Naqaeda jo'ne joote ami 'yaĝatema ñe'me jo'ne mach'e qadaqaya Pablo, da'me joote ami yamaĝalo gaa'me ledii's, da'me jo'ne chiyaqayi da'me layatenaĝanaĝac 'me Dios yanem ca'li.