Efesios 2:8 - Nuevo Testamento Toba Sombrero Negro

⁸ Chane'eja ami joote qonec'alaĝatedegue, jouaĝat da'me auacoñiyeguet da'me loqopich'i ñe'me Dios. Qaya'te da'me ami 'uo ga'me eetapega dajelaĝanec da'me nec'alaĝa; ja naq'aeta, yejamaq da'me ch'e qo'mi qoyanema, ñe'me Dios yataqata qo'mi paquetapegalo.

Nuevo Testamento Toba Sur

⁸ Cha'ayi nachida da lqouagaxanaqtaic ñi Dios da huo'o mshi qami' nca'alaxatreec, cha'ayi huo'o da qadpi'iÿaxaqui ñimayi. Qaq damayi sa ishit da qami' chigoqchiguilo, cha'ayi damayi maichi lachitaqtaxanaxat ñi Dios.

La'aqtaqa Ñim Lo'onatac 'Enauacna 2013

⁸ Cha'aye nachera da lqouagaxanaqtaic Ñim Lo'onatac 'Enauacna da huo'omshe qami' nca'alaxatre'c, cha'aye huo'o da qarpi'iỹaxaqui Ñimaye. Qaq damaye saishet da qami' chegoqchiguilo, cha'aye damaye maiche lachetaqtaxanaxat Ñim Lo'onatac 'Enauacna.

Efesios 2:8 Iomraidhean Croise

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Mateo 20:9

Chane'eja yovi't gaa'me jo'ne t'onataĝa'n da'me javit tachi'ña cinco jaga'me hora, qama'le onolqa'tape yacoteguet jaga'me onole denario jo'ne lajo'vi da'me onolec nolo'.

Marcos 16:16

Joga'me jo'ne p'iya'a nataq'aen qonachilaĝan, naqaega yataqachiñe qonec'alaĝategue; qalaĝaja ga'me jo'ne ja p'iya'a, naqaega 'uo da'me naviyaqataguec.

Lucas 7:50

Qalaĝaja Jesús noqotetenegue ga'me 'laqatac jo'ne yanem jañe'me yauo: —Jouaĝat da'me adepe'e am qonec'alaĝategue; jamo, male oc, auen machiñe q'aen.

Juan 3:36

Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

Juan 4:10

Jesús 'yateguet: —Ta'le auayaten ga'me jo'ne Dios am yanem nataq'aen jayem auayaten da'me am jiyaĝatapecot qaedi jayem aniyomaĝan, qama'le ga'me aviyaĝanaque qama'le am janem ga'me noĝop jo'ne nec'alaĝaiqui.

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Juan 6:35

Jesús 'yategueta jogaa'me: —Naqayem jo'ne pan 'me jayem chiyaqayi da'me nec'alaĝa. Qama'le ga'me jo'ne jayem nec'ata ja yitaĝa 'uo da'me loqouaĝa, nataq'aen joga'me jayem p'iya'a ja yitaĝa ta'le yelinquip.

Juan 6:37

Ena'uaque gaa'me jiyaĝa'u jo'ne jayem yanema joñe'me Taĝadena', jayem nec'adeta qama'le da'me jayem ja je'uotapegueta.

Juan 6:40

Qa'a da'me lelnataĝac joñe'me Taĝadena', yemeda jogaa'me jo'ne jayem yauata da'me jayem Lec'oĝot ñe'me Dios, nataq'aen da'me jayem p'iida'a, qama'le jetaque yauata da'me lec'alaĝa'j jo'ne qaya'te loiquiaqa'. Qa'a da'me jayem male 'ñiyelaĝachidijeguem jogaa'me qom yovita ga'me nolo' jo'ne p'ategue.

Juan 6:44

Qaya'te ta'le yaqanatet jayem nec'ata, qom ja jayem 'te novidaĝa'ta joga'me joñe'me Taĝadena' jo'ne jayem namaĝaquena, qama'le naqayem da'me 'ñiyelaĝachijeguem qom yovita ga'me nolo' jo'ne p'ategue.

Juan 6:65

Qama'le ua'a ca'li male ya'uo da'me loqotetenaĝanaĝac: —Qo'che' naq'aeta da'me dojo' ñenaĝategue da'me qaya'te yaqanatet ta'le jayem nec'ata, qom ñe'me Taĝadena' ja jayem 'te novidaĝa'ta joga'me.

Hechos 13:39

Qa'a ena'uaque ami jo'ne ja auaqanachichi ta'le auachiyoĝochiyaye da'me namaĝajoĝonaĝac jo'ne chiyoqo'ot ñe'me Moisés da'me qoyapalaĝa't jogaa'me adoecodi', nayi ami yachimaĝachichidiñe queda'me nach'eñe ñe'me Jesús jo'ne chiyaqayi da'me male qoyapalaĝa't daa'me loeco ena'uaque gaa'me jo'ne p'iida'a.

Hechos 14:27

Ca'li yovideta di'me Antioquía, yemata'a'ajalo gaa'me jo'ne 'uo da'me lepe'e' qama'le 'yaĝatetapema ena'uaque gaa'me p'ajodaye uo'oe 'me Dios 'yetaĝanaĝaneque ca'li jogaa'me, nataq'aen da'me eeta ca'li ñe'me Jaliaĝanec ya'uo ladiideuo joga'me jo'ne ja judiopi, nach'e ena'am jogaa'me p'iida'a.

Hechos 15:11

Ja 'noota da'me dojo', qa'a ja'amaqatenaq da'me qadec'alegue nach'edata da'me chiyaqayi da'me lichoĝodenataĝanaĝac ñe'me Qadejaliaĝanec Jesús, qama'le nach'e ena'ama jogaa'me ja judiopi.

Hechos 16:14

'Uo jaga'me lenaĝat Lidia; nach'aga jo'ne 'lachaqa' di'me Tiatira nataq'aen yemanac ga'me ualoq jo'ne yataqata no'en 'me yemalaqalegue da'me 'loyaĝac. Janjo' yauo jo'ne 'nonaĝachigui joñe'me Dios nataq'aen jo'ne naquiaĝan ca'li, joñe'me Jaliaĝanec yataqachiñe yedaĝat ca'li qama'le naquiaĝatelegue ga'me jo'ne Pablo 'yaĝatetac.

Hechos 16:31

Jogaa'me 'yadeteguet: —Auep'iya'a ñe'me Jaliaĝanec Jesús qama'le anec'alegue, da'me am choqogaa'me jo'ne neteda'ña ga'me at'achaqa'.

Romanos 10:14

Qalaĝaja ¿teua'atoqo' 'yaĝatetedac, qom ja p'iida'a joñe'me? Nataq'aen ¿teua'atoqo' p'iida'a joñe'me, qom ja domachita da'me qo'yaĝatetac joñe'me? Nataq'aen ¿teua'atoqo' domachita, qom qaya'te ga'me jo'ne 'yaĝatetapema da'me 'naqataĝanaĝac?

Romanos 10:17

Chane'eja da'me niyiñe da'me nepe'e yajouaĝat da'me qodomachiya da'me 'naqataĝanaĝac, qama'le da'me 'naqataĝanaĝac chiyoĝoguet daa'me 'laqataqa ñe'me Cristo.

Romanos 4:16

Qo'che' da'me 'naqatac 'me qoyanem di'me Abraham ja qaya da'me lajo'viyaĝac 'me qoyanema qomle gaa'me c'oqo'tepi, nach'eda ch'e qoyanem 'me qaya'te lajo'vi, chiyaqalegue da'me lepe'e'. Dojo' 'naqatac yelo'teguet da'me nach'edata yiyamaĝatem ena'uaque jogaa'me jo'ne yoqotelo'te daa'me namaĝajoĝonaĝaco, dite da'me nach'e ena'am ena'uaque gaa'me jo'ne yoqotedelegue da'me nepe'e, ena'am di'me Abraham. Qama'le nach'eda naq'aeta da'me ena'uaque qo'mi mach'e qadet'a jodi'me.

Romanos 4:5

Qalaĝaja qom 'uo ga'me p'iya'a ñe'me Dios jo'ne yataqatelegue q'aen ga'me loeco lo'o, qama'le da'me lepe'e yovidalegue da'me Dios yiyamaĝaden qama'le yataqatelegue q'aen, mate mane'e qaya'te 'lonataqa 'me yotaua'n da'me 'uo ga'me niyamaĝadenataguec.

Romanos 9:16

Chane'eja ja naqaega chiyaqayi ga'me jiyaĝaua yepaquetapega uotaĝa 'nañaĝatetac, dite da'me naqaeñe ñe'me Dios da'me yichoĝoden joga'me.

Gálatas 3:14

Qo'che' da'me Dios 'yaĝatem ca'li di'me Abraham jo'ne 'nonaĝachigui qomle ñe'me, nach'e ena'am qoyeloĝonaĝachiguilo jogaa'me jo'ne ja judiopi. Chane'eja naq'aeta, qom jep'iyaqa ñe'me Cristo, nach'e ena'am jaconaĝaguet ñe'me Lepaqal, 'me Dios joote qo'mi 'yaĝatema.

Gálatas 3:22

Qalaĝaja joda'me nedii's 'yaĝatetac queda'me yema jogaa'me aleua laje'pi yapadelo'te gaa'me loeco, qaedi ga'me ch'e jetaque qaneme q'aen ñe'me Dios jo'ne joote yaqataĝañi da'me 'laqatac ñe'me, nach'edata tachiguilo gaa'me jo'ne p'iida'a ñe'me Jesucristo.

Efesios 1:19

'Noota qom yataqata auayachiñe joda'me lañoqotaĝanaĝac joñe'me, nale qo'mi lecochiyalo yemeda naa'me noloqo'ote, qaya'te yiyota'ya da'me lañoqotaĝanaĝac yataqata qaya'te loiquiaqa'.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Efesios 2:5

Temaq'aen da'me jenaqa'am da'me joote qadeleu ca'li jouaĝat jogaa'me qadoeco, male nayi Dios joote qo'mi yanema da'me qat'oyaĝac qa'a jouaĝat da'me joqo'taqataguet joñe'me Cristo. Chane'eja male 'uo da'me qadec'alaĝa qa'a jouaĝat da'me loqopich'i ñe'me Dios.

Filipenses 1:29

Joote ami qoyaje'tema ta'le ami lalemaĝaje'te joñe'me Cristo, qama'le nayi male auep'iiya'a joñe'me, uotaĝa qom 'uo joga'me qoyen adachoĝodequi jouaĝat joñe'me.

Colosenses 2:12

Ca'li ami qonachilaĝa'n qama'le ami qoyijediñijop joñe'me Cristo, nataq'aen ca'li 'niyelaĝajeguem qama'le nach'e ena'am a'niyelaqaejeguem, qa'a auep'iiya'a joñe'me Dios jo'ne 'uo da'me lañoqotaĝanaĝac qaedi 'niyelaĝachijeguem joñe'me.

2 Ts 1:9

Nataq'aen male yataqata qoyapalaĝa't jo' qomle, nataq'aen da'me qoyiyota'alo, yataqata ja yaqanate't ta'le ueteda'ajop joñe'me Jaliaĝanec, uotaĝa ta'le yauata da'me 'lonaĝac choqoda'me lañoqotaĝanaĝac t'adaic.

Hebreos 6:4

Qa'a ga'me jo'ne joote 'yamaqaten da'me eja jo'ne chiyaqayi joñe'me Dios choqoda'me joote yaconeguet da'me leyalaqataĝanaĝac joñe'me, nataq'aen joote uetaue ñe'me Dios Lepaqal 'me ja 'nalegue,

1 Pedro 1:5

Yajouaĝat da'me adepi'i jo'ne ami uetauelo, joñe'me Dios jo'ne 'uañaĝaic yataqata ami de'uolo'te, qaedi ami yovidaĝateda'a da'me nec'alaĝa jo'ne mach'e liyamaqatac, jenjo' jo'ne qoyaloĝon jo' qom'te jogaa'me noloqo'ote jo'ne p'atedegue.