Efesios 2:3 - Nuevo Testamento Toba Sombrero Negro

³ Nach'e ena'am da'me qo'mi: ca'li yataqata naq'aeta da'me mach'e qanejiyaĝauayaĝac, jauoqo joga'me ch'e qadelnataĝac uotaĝa qadamanaĝanaĝac jo'ne yataqata ja no'en, qama'le yataqata jouaqatoue joga'me lalemataic ñe'me Dios, jenaqa'ama gaa'me jiyaĝa'u laqaya' jo'ne ja 'noe'n.

Nuevo Testamento Toba Sur

³ Qaq nataq'en 'enauac da shinaqta nachi shinaqta'am namayipi som hua'a'u vi'iyi, da qolaqtague' nam maichi shinaqtapeguecpi, qataq so'otaqtac dam lqopitaxanaqtaic da qadapachiyaxac qataq nam maichi qadhuennataxacpi. Qaq ÿoqo'oyi ÿataqta 'itchiguiñi da qomi' huetalguete da qaica ca 'en'am lchic lalemataic ñi Dios da shinaqta'am 'enauac nam laÿipi shiÿaxauapi.

La'aqtaqa Ñim Lo'onatac 'Enauacna 2013

³ Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

Efesios 2:3 Iomraidhean Croise

Marcos 4:19

qalaĝaja 'uo da'me lipi'chi' daa'me leuoyaĝaco jena'me aleua, nataq'aen da'me loqovinaĝanaĝac da'me neuoyaĝac, nataq'aen gaa'me nepitaqataĝanaĝaco gamachaqaegaua jo'ne uedapi'ña jena'me aleua. Nach'enaua jo'ne yep'aĝadiñe da'me dojo' 'naqataĝanaĝac, qama'le ja yauote jalayaĝa'j.

Juan 1:13

Chane'eja nach'egaua jo'ne yataqachiñe lec'oqo'tepi joñe'me Dios, qama'le ja naqaeda da'me ch'e nejiyaĝauayaĝa'j jo'ne chiyaqayi da'me niyidiñe q'ae'n, choqonaa'me mach'e lamaico gaa'me jiyaĝa'u, dite ñe'me Dios, nach'eñe jo'ne chiyoqodayi.

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Hechos 14:16

Mate mane'e gaa'me 'uaechidiñe noloqo'ote Dios yajeta joca'li da'me onolqa'tape equegue ga'me mach'e paquetapegue',

Romanos 1:24

Qo'che' ñe'me Dios yaje'tema ta'le tadoue da'me lelnataĝaco jo'ne paĝachiguilo 'me uetauelo naa'me lai'li jogaa'me, qama'le onolqa'tape da'me yeda'ape na'me lo'oc qama'le naqaeda chiyaqayi da'me lepocoĝoc.

Romanos 11:30

Gaa'me noloqo'ote 'me yenoĝodegue joca'li, ja auauoyi ga'me yepaquetapega ñe'me Dios, qa'a ja auoqochiiya. Qalaĝaja nayi jogaa'me judiopi, queda'me ja yoqochideta joñe'me, male Dios ami yichoĝode'n.

Romanos 13:14

Ena'te jelaqaque joga'me neloiquiaĝac, dite da'me janaĝaiñe da'me Jaliaĝanec Jesús nataq'aen ena'te ñetaqaque gaa'me aleua lamaico.

Romanos 2:14

Qa'a qom gaa'me ja judiopi nataq'aen ja uetedaue da'me namaĝajoĝonaĝaco, qom ch'e naeda'ac da'me ye't ga'me damaĝajoĝolegue daa'me naqataĝaco, qama'le mach'e chiyaqayilo naa'me lai'li da'me que'teguelo daa'me namaĝajoĝonaĝaco.

Romanos 5:10

Qa'a joñe'me Dios, ca'li maliaĝa qo'mi laute'upi joñe'me mach'eñe qo'mi yadalaĝateque da'me yitaĝa qo'mi yaconegueta.

Romanos 5:9

Qama'le nayi, Dios joote qo'mi e'n yataqatelo'te q'ae'n chiyaqayi da'me yeleu ca'li ñe'me Cristo, qama'le p'ajaye eja da'me qo'mi qonec'alaĝatedegue ga'me nolo' p'ategue 'me 'uo da'me nec'atenaĝanaĝac jo'ne na'ya q'aen joñe'me.

Romanos 6:12

Chane'eja, ena'te anajeñe'teguet ta'le gaa'me adapa'chidi' lamaico nach'e eta't ami noma't, qa'a ami netayelo da'me adoiquiaqa'yaĝaqui, nataq'aen ta'le adapa'chidi' ami yepagaqatetapeque qaedi a'vichi.

Romanos 7:18

Qa'a jayaten ga'me jayem netaye, dojo' yelo'teguet da'me ch'e nejiyaĝauayaĝac 'me netaye da'me loecoyaĝac, qaya'te 'noota 'me netaye; qa'a temaqaedi jediaĝalegue da'me je'et ga'me 'noota, qalaĝaja ja jañoĝot.

Romanos 9:22

Ñe'me Dios jetaque di'yoq q'aen da'me ya'uo ga'me le'uaĝanaĝanaĝac, nataq'aen yaloĝon da'me lañoqotaĝanaĝac, jalcote da'me neualaĝae'to nataq'aen loyaĝanate'tape jogaa'me jo'ne ta'tegueta da'me qoyamaĝadoue ga'me ne'uaĝanague'j choqoda'me taida'ague da'me lejomaĝa'j.

1 Corintios 4:7

Jega, am yaqaya, ¿qo'li qoyen anapacalo'te jogaa'me adaqaya'olqa? Qalaĝaja ¡yema da'me dojo' jo'ne am ua'ajop nach'eñe Dios am yanem! Ta'le naq'aeta qom Dios am yanema naa'me naajo' uo'oe, qama'le qaya'te ladic ga'me at'aqatac ta'le auenapela't am 'noota jo'ne anapacalo'te ga'me adaqaya'.

2 Corintios 7:1

Ami yaqaya'olqa, Dios joote qo'mi yaqataĝana'aque da'me 'laqatac. Qo'che' 'noota qom ja jauoqo ga'me ja no'en, dite da'me nach'e eta't jenaĝa qaya'a ga'me qadoec qaedi Dios qo'mi yaconegueta. 'Noota qom 'ñonaĝataĝaye ñe'me Dios, nataq'aen 'noota qom ja'aedenaqatac da'me ja 'nalegue ena'am joñe'me.

Gálatas 3:22

Qalaĝaja joda'me nedii's 'yaĝatetac queda'me yema jogaa'me aleua laje'pi yapadelo'te gaa'me loeco, qaedi ga'me ch'e jetaque qaneme q'aen ñe'me Dios jo'ne joote yaqataĝañi da'me 'laqatac ñe'me, nach'edata tachiguilo gaa'me jo'ne p'iida'a ñe'me Jesucristo.

Efesios 2:2

Da'me anejiyaĝauayaĝaqui yataqata ja no'en ca'li, oqui'teguelo gaa'me jiyaĝa'u jo'ne ja 'noe'n, nataq'aen oquitapegue' joñe'me payac lepaqal jo'ne nejaliaĝatelo'te yemeda gaa'me payagodipi, nach'eñe jo'ne 'yañaqate't jogaa'me ja p'iida'a joñe'me Dios.

Efesios 4:22

Chane'eja ena'te yitaĝa auacoñiyeguet ga'me at'oyaĝaqui toijec jo'ne te'me ami 'naĝa't ca'li, jouaĝat gaa'me namaico jo'ne ja ejoda.

Colosenses 1:21

Da'me ami ena'am ta'le ami qaya'alo ca'li, da'me ja auatetoñi joñe'me Dios nataq'aen naa'me adai'lidi' nautetedapega joñe'me, yajouaĝat da'me uo'oe gaa'me ja 'noe'n 'me a'viche'tape.

1 Ts 4:13

Ami yaqaya'olqa, ja qadelnataĝac ta'le ja auayachiñe ga'me ladiquiyaĝa'j jogaa'me joote yele'u, qaedi ja ami 'te totelo'te, da'me ja aueñiya'ama jogaa'me jo'ne qaya'te lajoĝonataĝanaĝa'j.

1 Ts 5:6

Chane'eja 'noota ta'le ja jo'ochaq, ena'te jadenaĝataq joga'me ochaĝayaqa, dite da'me nach'e eta't ñeloqotaye nataq'aen yataqata jeloqo'tegue da'me qadadiquiyaĝac.

1 Timoteo 6:9

Qalaĝaja jogaa'me jetaque neuoyaĝadi, yataqata ja naloteguet joda'me napiyenague'j, qama'le tadoue joga'me 'lonaĝanaĝaiqui joñe'me ja yataĝalegue, male ja onolec ga'me yepiteda'a, chayovida'a qom yataqata ja no'en. Qama'le nach'eda da'me dojo' yajouaĝa't gaa'me jiyaĝadipi da'me tadoue ga'me lachoĝode'j let'adaic nataq'aen jena'me neleuaĝa.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

1 Pedro 1:14

Ena'am ga'me nec'oĝot jo'ne yoqochiyeguet da'me namaĝajoĝoc, ena'te auauoyapiye jonaa'me adamaicodi' 'me jalchi'ena ami uetauelo joca'li jona'li auatetoñi joñe'me Dios,

2 Pedro 2:14

Qaga'te yauo ta'le ja yepiteda'a; ja noua'l da'me yauote da'me loe'j. Gamachaqaega nenaĝatedegue qaedi gaa'me jo'ne choĝolaĝaic da'me lepe'e' male e'n made'tape q'ae'n; qa'a yayate'n da'me mach'e latenataĝanaĝa'j; nach'egaua jiyaĝadipi jo'ne uetedalegue da'me let'adaic ne'uaĝanague'j.

2 Pedro 2:18

Nataq'aen da'me 'uo da'me lajamaĝa let'adaic ga'me jo'ne 'yaĝatetedac qalaĝaja qaya'te ta'le chiyaqayi, nataq'aen yejomaĝana'ape naa'me mach'e lamaico choqonaa'me lamanaĝanaĝaco da'me ch'e nejiyaĝauayaĝa'j naa'me jo'ne yemta yañoĝo't da'me ca'ae jogaa'me jo'ne uetedaue da'me lepatenaĝanaĝa'j.

1 Juan 2:16

Qa'a yema gaa'me lamaico jogaa'me jiyaĝadipi jo'ne ja 'noe'n ja chiyoqodaje'ma joñe'me Qadet'a, dite da'me mach'e chiyaqayilo jogaa'me jiyaĝadipi. Naajo' yepitaqate'tape 'lonataqa jo'ne ja 'noe'n gaa'me jiyaĝadipi: daa'me ja 'noe'n lamaico 'me nejiyaĝauayaĝaco, nataq'aen da'me yepiteda'a ga'me jo'ne yauata, nataq'aen daa'me ni'yoĝodenaĝaco da'me neuoyaĝac.

1 Juan 2:8

Qalaĝaja dojo' namaĝajoĝonaĝac nach'e ena'am dalaĝaic, jo'ne yataqachiñe netaye joñe'me Cristo, nataq'aen ami netayelo. Yataqachiñe dalaĝaic qa'a maqachaĝa yenoĝotaye nayi ga'me 'lalaĝa nataq'aen male edañgui ga'me yoqochiñe jo'ne yataqatelegue.