Efesios 1:5 - Nuevo Testamento Toba Sombrero Negro

⁵ qama'le 'uo da'me lamaic da'me namaĝaquena joñe'me c'oĝot Jesucristo qaedi qo'mi ee'teque qo'mi liaqataqa, nach'ena jena'me jenjo' joote en lelnataĝac ca'li yemta.

Nuevo Testamento Toba Sur

⁵ Qaq nal'ena co'ollaxa da qomi' ÿaqataxaatai'salo da ÿauo'oi qomi' llalqa, souaxat da lsoxoyic. Qaq damayi ÿachigoxotchigui so Jesucristo, cha'ayi nachida da ÿaÿamaxadeeta ñimayi qataq maichi 'eetapeguec.

La'aqtaqa Ñim Lo'onatac 'Enauacna 2013

⁵ ỹoqo'oye namaq So Jesucristo da yaqto' Ñimaye ỹauo'oi qomi' llalqa, cha'aye nachera da maiche 'eetapeguec.

Efesios 1:5 Iomraidhean Croise

Mateo 1:25

Qama'le jona'li ue'tajop chayovida'a ca'li niyiñe ga'me c'oĝot jaga'me, qama'le José ya'uo lenaĝat Jesús.

Mateo 11:26

Eja da'me dojo', am Taĝadena', qa'a naq'aeta da'me mach'e auepaquetapega.

Lucas 10:21

Qanach'ega ua'a ca'li, ñe'me Dios Lepaqal najaqachigui q'aen ñe'me Jesús da'me lamaic, qama'le enaac: “Am 'ñonaĝachigui, Taĝadena', Jaliaĝanec di'me p'ajeguem piyem nataq'aen jena'me aleua, qa'a aualoĝonalo dojo' jogaa'me ja t'añi'y gaa'me uo'oe jo'ne auoĝochi'ñejopa gaa'me yatenaĝanaĝayaqa nataq'aen tadenataĝa'n. Eja, Taĝadena', qa'a naq'aeta da'me jo'ne auepaquetapega.

Lucas 11:32

Nach'e ena'ama gaa'me Nínive laje', jo'ne 'viyelaĝadetot ñe'me Dios ca'li domachita da'me lapaĝaguenataĝanaĝac di'me Jonás. Qalaĝaja, ga'me jo'ne 'uo nayi eja napacalegue di'me Jonás, qama'te jena'me jenjo' jiyaĝadipi ja jetaque 'niyelaĝadetot joñe'me Dios. Chane'eja, qom 'uo da'me Dios lec'atenaĝanaĝac, qama'le ñidijeguem gaa'me Nínive laje' qaedi yepoledelegue jena'me jenjo' jiyaĝadipi da'me 'uo da'me ne'uaĝanague'j.

Lucas 12:32

“Ena'te at'oiyi, ami yaqaya'olqa; ja ami 'te lama'ejoda, qalaĝaja ñe'me Adet'ai yepaquetapega ta'le ami yanema da'me lejaliaĝa.

Juan 1:12

Qalaĝaja uo'oe gaa'me jo'ne yacoteguet joñe'me, nataq'aen da'me p'iida'a, qama'le yanema da'me yaqanate't q'ae'n da'me e'n Dios lec'oqo'tepi.

Juan 11:52

Qalaĝaja ja nach'edata da'me yiyamaĝam ga'me judiopi, dite da'me qaedi yapotena't ena'uac jogaa'me nelagaĝa ga'me neteda'ña jo'ne Dios lec'oqo'tepi.

Juan 20:17

Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

Hechos 13:48

Ga'me jo'ne ja judiopi, ca'li domachita da'me dojo' male made'tapolqa nataq'aen paja'a 'yaĝatetedac da'me 'laqataĝanaĝac ñe'me Jaliaĝanec yataqachiñe 'noota, qama'le p'iida'a ena'uaque jogaa'me jo'ne joote qoyen tachiguilo da'me 'loyaĝa'j jo'ne ja 'naidena'a qomle.

Romanos 8:23

Nataq'aen ja jaldata da'me 'uo ga'me lachitataic jaga'me, dite da'me nach'e ena'am qo'mi, jo'ne joote ua'ajopa ñe'me Dios Lepaqal jo'ne qane'uauaĝat queda'me 'uo ga'me uoja'ega qo'mi qoyanema qomle. Yataqachiñe qaya'ñgui da'me qadachoyaĝac, jediajoqo'taguet ga'me nolo' qom ñe'me Dios qo'mi yaconegueta da'me male lec'oqo'tolqa, nach'eda male qoyejodegue naa'me qadoje'.

1 Corintios 1:1

Jayem Pablo, jo'ne jayem qoyiyaĝana qaedi jayem lamaĝajec joñe'me Cristo Jesús —naq'aeta da'me mach'e loequenataĝanaĝac joñe'me Dios— choqoñe'me qadaqaya Sóstenes,

1 Corintios 1:21

Dios yauanalo ga'me aleua laje'pi queda'me ja yacota da'me mach'e layatenaĝanaĝa'j qaedi yateto'n joñe'me, chane'eja ñe'me jetaque t'onataĝana da'me qat'aqataĝanaĝac jo'ne ena'am ta'le chiyoĝojoĝoc qaedi nec'aledegue gaa'me jo'ne p'iida'a.

2 Corintios 6:18

Jayem Adet'ai qomle qama'le ami yalaqapi qomle nataq'aen yalelpi. Dojo' jayem ja'aeñi, jayem Anedios 'me ñapacalegue ena'uac.”

Gálatas 3:26

Ami joote auep'iiya'a ñe'me Jesucristo, qo'che' ena'uaque ami joote ami Dios lec'oqo'tepi,

Efesios 1:11

Da'me 'uo ñe'me Cristo, Dios male en qo'mi liquiyaqa ca'li yemta da'me 'lonataĝanaĝac, qaedi yataqata en qo'mi lec'oqo'te, qaedi male jaconaĝaguet yema joga'me 'yaĝatetac ca'li. Nach'ena jena'me jenjo' Dios lelnataĝac jo'ne qo'mi yanema, nach'eñe jo'ne ja yoqovin joga'me 'laqatac uotaĝa 'lonataĝanaĝac.

Efesios 1:9

qama'le qo'mi yaloĝonalo jena'me jenjo' lelnataĝac jo'ne ja di'yoq ca'li yemta 'uo jena'me jenjo' aleua, ga'me jo'ne jetaque ya'uo 'me chiyaqayi da'me qoyalat ñe'me mach'e Liquiyac.

Filipenses 2:13

Qa'a nach'eñe joñe'me Dios jo'ne ami yanouelo da'me nelnataĝaco jo'ne onaĝayaqa nataq'aen ami yanema da'me at'añaĝaqui qaedi aueñi di'yoq da'me yepaquetapega joñe'me.

Colosenses 1:19

Qa'a ñe'me Dios jetaque yanaue joñe'me Lec'oĝot ena'uac da'me nediosyaĝac,

2 Ts 1:11

Nataq'aen yemeda naa'me noloqo'ote da'me ami jajelaĝanaĝalo'te, da'me ñachoĝodenoqot joñe'me Dios qaedi ami e'n adaloyeguet da'me 'noyaĝac jo'ne auacoñiyeguet ca'li ami qoyiyaĝanalo, nataq'aen qaedi ami yanema ena'uaque daa'me 'noote' jo'ne auepaquitapegalo, qaedi yataqata ami onaĝayaqa nataq'aen qaedi auomachi' gaa'me at'onataqadi' 'me chiyoqodayi da'me adepi'i, qa'a nach'eñe jo'ne qaya'te yaqalaatac.

Hebreos 2:4

Joñe'me Dios nach'e ena'am yauo'oe gaa'me 'lanaqa jo'ne qo'mi naloĝolo'te, gaa'me 'lanaqa onaĝayaqa choqoda'me ye't daa'me ja di'yo't nach'e ena'am da'me jalcote ja qoyauanalo, qama'le ñe'me Dios Lepaqal male qo'mi yanema gaa'me nañoqotaĝanaĝaco jo'ne yodapecache, qa'a nach'e naq'aeta da'me dojo' jo'ne mach'e 'lamaqatenataĝanaĝac joñe'me.

1 Juan 3:1

Piiya, ¡yataqachiñe qo'mi noqopitalo joñe'me Dios jo'ne Qadet'a, qama'le jetaque qo'mi e'n lec'oqo'tolqa! Qama'le eja da'me dojo'; qo'che' gaa'me aleua laje'pi ja qo'mi 'te yateto'n, qa'a ja yateto'n joñe'me Dios.

Apocalipsis 21:7

Gaa'me yaqanate't da'me noma't naa'me ja 'noe'n, nach'egaua jo'ne yacoteguet qomle yema da'me dojo' jo'ne qoyen lomataĝanaĝa'j, qa'a naqayem mach'e Nedios, nataq'aen jogaa'me mach'e yalaqa.