Apocalipsis 8:3 - Nuevo Testamento Toba Sombrero Negro

³ Qama'le novi' jo'me piyem le'ec laqaya jo'ne lajoqot'a jajo'me laviyoĝon lae't jo'ne oro, qama'le cha'li nechachiñe da'me dajo'taguet joga'me c'atoĝonaĝala', qama'le 'uo ga'me yaneuo jo'ne laviyoĝon 'me jalcote qaedi yapoteneguet da'me netamenaĝa'j joga'me Dios lec'oqo'tepi, qama'le yequetegaĝalegue ga'me p'ajeguem joga'me c'atoĝonaĝala' jo'ne oro 'me neta'ña ga'me dajoya'ya jaga'me je'onaĝaiqui jo'ne na'ña joga'me nejaliaqa'.

Nuevo Testamento Toba Sur

³ Ime, qataq anac so lÿa namaxashic piguem l'ec, lasoqta'a so lmala' na nchinaxanaxat mayi chigaqaigui na oro. Nachi nachatteu'a aso nca'atoxonaxalate. Nachi qoÿanem so ÿataqta qalota na nchinaxanaxat, da yaqto' ÿaneuo, lÿateuo naq'en da nqouagaxaunaxac 'enauac na lalamaxatpi ñi Dios, da ÿachalec aso nca'atoxonaxalate chigaqaigui na oro mayi netaña yi naloteuga so so'onqa'.

La'aqtaqa Ñim Lo'onatac 'Enauacna 2013

³ Ime, qataq anac so lỹa namaxashec piguem le'ec, nasoqta'a aso 'eeta'am ana ỹomaxaqui late'erai maye chegaqaigui na oro, qaq asomaye huetagui so qalota nchenaxanaxat maye ama na laita, da yaqto' ỹavigaxat da datato'ot aso nca'atoxonaxalate, lỹateuo naqa'en da nqouagaxaunaxac 'enauac na lalamaxatpi Ñim Lo'onatac 'Enauacna.

Apocalipsis 8:3 Iomraidhean Croise

Lucas 1:10

Mane'e ca'li qoyigoue ga'me jama ga'me laeta, qama'le ena'uaque joga'me jiyaĝadipi jo'ne cha'li ue'ta ga'me p'aye, da'me netame'tape ca'li.

Romanos 8:34

¿Jach'e ga'me yaqanatet da'me yamaĝadoue da'me ne'uaĝanague'j jogaa'me? Cristo Jesús nach'eñe yeleu ca'li; maliaĝa uoja'eda nach'eñe 'niyelaĝajeguem ca'li qama'le neta'ña yayaten ñe'me Dios, qo'mi nachoĝodetapelo'te.

Hebreos 7:25

Qo'che' yataqata yaqanatet ta'le nach'e eta't da'me nec'alaĝatedegue joga'me jiyaĝadipi, jogaa'me jo'ne 'yamaqate'n joñe'me da'me jetaque yec'adeta joñe'me Dios. Qa'a naqaeñe jo'ne nach'e eta't da'me nec'aletaye, qama'le nach'e eta't da'me nachoĝodetapelo'te jogaa'me.

Hebreos 9:4

nach'ega jo'ne ueta'ña ga'me nec'atoĝonaĝala' jo'ne oro, 'me 'lachaqa' da'me qoyigoue ga'me jo'ne jama ga'me laeta, nataq'aen jaga'me 'namaqatenataĝanaĝac lae't, jogaa'me lael ualo'te jaga'me oro. Nataq'aen di'me na'ña jaga'me 'namaqatenataĝanaĝac lae't uoja'e ga'me yomaĝaiqui jo'ne oro 'me uetañgui jaga'me maná, qama'le nach'e ena'am ga'me laje'l ñe'me Aarón, ga'me jo'ne nolel joca'li, nataq'aen jogaa'me nedaĝanaĝala'te jo'ne uetalo'te daa'me namaĝajoĝonaĝaco 'me chiyoqodayi da'me 'namaqatenataĝanaĝac.

Apocalipsis 10:1

Yem qama'le jauana jo'me piyem le'ec laqaya jo'ne 'uo da'me lañoqotaĝanaĝac, naquetaue jo'me piyem lo'oc da'me nenochiñe chiyaqaje'ma di'me piyem, na'me laqaic uetalegue jo'me uosac choqoda'me yaqaselec jo'me latajoĝoc ena'am ta'le ajeua lauaq, nataq'aen naa'me lotetadi ena'am ta'le dole'te qom noĝoneje'melo jena'me lauaq.

Apocalipsis 14:18

Qama'le yitaĝa 'uo ga'me piyem le'ec laqaya jo'ne chiyaqaue ga'me c'atoĝonaĝala', nach'ega jo'ne yaqanatet da'me yelolegue ga'me dole', qama'le netenec da'me 'laqatac da'me yiyaĝana ga'me jo'ne yachitac ga'me ledaĝanaĝat jo'ne yaec, eetac: “¡Avichaĝañi na'me adedaĝanaĝat, qama'le auen yichaĝadegue gaa'me lichidiqui jo'ne na'ñalo joga'me uva jala jo'ne uetalegue jena'me aleua, qa'a joote yi jena'me uva jala!”

Apocalipsis 5:8

Mane'e da'me yacona ga'me nenañejec, qama'le jogaa'me cuatro yejidi nataq'aen jogaa'me veinticuatro 'yaĝaicachidi male yejoidiñe naa'me leliquetel da'me dajoyeda'aguet joñe'me 'Naĝanaĝate Lec'oĝot. Yemeda jogaa'me da'me uo'oe gaa'me liviquil nataq'aen da'me yachi'tape jogaa'me yomaĝaiqui' jo'ne oro, jo'ne najaqachiguilo jena'me lavionaĝa. Nach'ena na'me lavionaĝa 'me netamenaĝaco ga'me lec'oqo'tepi joñe'me Dios.

Apocalipsis 6:9

Mane'e ca'li ñe'me 'Naĝanaĝate Lec'oĝot naqat jajo'me quinto 'nanaĝanaqate, qama'le jauanalo dia'me uetedo'ot ga'me p'añe ga'me nec'atoĝonaĝala', jodia'me jo'ne joote qoyala't ca'li, yajouaĝat da'me ja yaĝadiñi da'me 'yaĝatetedac joñe'me Dios.

Apocalipsis 7:2

Qama'le nach'e ena'am jauana jo'me piyem le'ec laqaya jo'ne chiyoĝogue jena'me nayapije'ma jañe'me ajeua, nach'ejo jo'ne ue'tajop jaga'me 'lanaĝanaqate joñe'me jo'ne nach'e eta't da'me nec'aletaye, nach'eñe joñe'me Dios. Qama'le joñe'me piyem le'ec neten da'me ya'uo da'me 'laqatac da'me yiyaĝalo'te jogaa'me cuatro piyem laje' laqaya' 'me joote qoyanema da'me lañoqotaĝanaĝac qaedi yauote ga'me 'yedetec jo'ne ja no'en jena'me aleua choqoga'me noĝop let'adaic,

Apocalipsis 8:4

Chane'eja jaga'me nemala' joga'me laviyoĝon nataq'aen da'me netamenaĝa'j joga'me Dios lec'oqo'tepi quijemegue joga'me louaq ga'me piyem le'ec da'me yec'adije'ma di'me lejaliaqa' joñe'me Dios.

Apocalipsis 8:5

Qama'le joñe'me piyem le'ec male yacona jaga'me laviyoĝon lae't, qama'le en najaqachigui jana'me poqo ga'me dole' jo'ne uetalegue joga'me c'atoĝonaĝala'. Yem qama'le yojouoĝolegue jena'me aleua, qama'le 'uo da'me 'loĝoyaĝac choqoda'me nejamaĝa nataq'aen da'me naqaselegaĝac qama'le deda jena'me aleua.

Apocalipsis 9:13

Ñe'me piyem le'ec laqaya, jo'ne dajoyalo'te ñaa'me cinco piyem laje', yajediye jaga'me mach'e lajeede, qama'le jomachiya ga'me 'naqatac jo'ne chimaqapiñgui ga'me laeñi jogaa'me cuatro lepeel ga'me nec'atoĝonaĝala' jo'ne oro 'me ueta'ña ga'me dajoya'ña joñe'me Dios.