Apocalipsis 8:13 - Nuevo Testamento Toba Sombrero Negro

¹³ Mane'e ca'li yem da'me dojo', qama'le jelojeguem, qama'le jomachiya ga'me uole jo'ne uayotac, quetañgui laeñi di'me piyem, qama'le enaac da'me netenec da'me 'laqatac: “¡Degueja qomle da'me lachoĝode'j joga'me jiyaĝadipi jo'ne netedalegue jena'me aleua, da'me qom male dejedaĝa'n nayi jogaa'me piyem laje' laqaya' jo'ne tres!”

Nuevo Testamento Toba Sur

¹³ Qaq can ime, nachi qaltaq ñamatashiguem, nachi sa'axaÿa so namaxashic piguem l'ec huaÿotac, hueto'ot na piguem ÿataqta nlamaxaden da detaqtac. 'Eeta': –¡Aicoue! ¡Ÿataqta choxodaxaso' na netalec ana 'alhua, qom ivita da ÿashiiyigui aca nashiide caua lÿa't tres namaxa'shi piguem lashi'!

La'aqtaqa Ñim Lo'onatac 'Enauacna 2013

¹³ Qaq can ime de'era, nache sela'ague so vi'ic huaỹotac, queto'ot na piguem, nache sa'axaỹa so la'aqtac ỹataqta na'axannec 'eeta': «¡Ỹataqta qauem da taỹa'ague 'enauac nam huetalec ana 'alhua, qom ivita da ỹashiiyiguilo caua lasheerel caua lỹa't tres namaxa'she piguem lashe'!»

Apocalipsis 8:13 Iomraidhean Croise

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

Apocalipsis 11:14

Qama'le yenoĝonegue jo'me p'ategue jo'ne qaya'te nayamaĝa, qalaĝaja ja uayaloĝoguet da'me novitequena ga'me laqaya jo'ne tres.

Apocalipsis 12:12

Chane'eja ¡ami made'tape, yema da'me ami jo'ne oñe'tague di'me piyem! Qalaĝaja ami choĝodayaqolqa, ami jo'ne oñeta'ña jena'me aleua nach'e ena'ama ami jo'ne oñetañgui joga'me noĝop let'adaic, Qa'a ñe'me payac ami nenochi'ñalo. ¡Ami nautenalo, najaĝaye da'me lalemataic, Qa'a yayaten da'me male na'ta da'me loiquiaqa'!”

Apocalipsis 14:3

Qama'le t'onaĝa'tape, 'yotedac da'me nalac jo'ne dalaĝaic, da'me dajoteda'uo jaga'me Dios lejaliaĝaiqui jo'ne je'onaĝaiqui, qama'le dajoya'agueta jogaa'me cuatro yejidi jo'ne nec'aletedaye choqogaa'me 'yaĝaicachidi. Yataqata ja qoyayaten da'me dojo' nalac, mach'e e'n niyaqa'alo joga'me ciento cuarenta y cuatro mil jiyaĝadipi jo'ne joote qonec'alaĝatedegue, qoyachiyoĝotauelo jogaa'me neteda'ña jena'me aleua.

Apocalipsis 14:6

Yem qama'le jauana jo'me piyem le'ec laqaya da'me uayotapelegue di'me piyem laeñi, jo'ne yachitac da'me 'naqataĝanaĝac jo'ne nach'e eta't ja pal, qaedi 'yaĝatema yema joga'me jiyaĝadipi jo'ne neteda'ña jena'me aleua, jo'ne yodapecache naa'me 'laqataqa nataq'aen jogaa'me noyaqa choqogaa'me neqomyaĝaco.

Apocalipsis 19:17

Nataq'aen jauana jo'me piyem le'ec jo'ne nechatetot jañe'me ajeua, da'me yataqata 'nañaĝatelegue da'me liyaĝanaĝac queda'me yiyaĝalegue ena'uac jogaa'me mayodipi 'me uayodelegue di'me laeñi di'me piyem, enaac: “¡Auanaeyiquena qa'a 'uo da'me liqui'yaĝanataĝanaĝac let'adaic joñe'me Dios!

Apocalipsis 3:10

Da'me ami yataqata auoqochiya'a da'me 'yaqatac queda'me yataqata anapogaĝadeñi. Chane'eja yataqata ami ñetelalo qomle, qom yovita ga'me laloqo' qom 'uo ga'me lachoĝodaiqui' joga'me jiyaĝadipi, da'me qoyapiye'n yema joga'me aleua laje'pi.

Apocalipsis 8:2

Mane'e da'me yem qama'le jauanalo jaa'me siete piyem laje' jo'ne nechatetedañe, dajoteda'aguet joñe'me Dios, qama'le jaa'me yanema jaa'me siete najeedel.

Apocalipsis 9:1

Ñe'me piyem le'ec laqaya, jo'ne dajoyalo'te ñaa'me cuatro piyem laje', male yajediye jaga'me mach'e lajeede, qama'le jauana da'me 'naqañe jajo'me uaqachiñi, chiyaqaje'ma di'me piyem da'me talegue jena'me aleua, qama'le qoyanem jaga'me lo'o ga'me najom jaga'me limaĝañi lat'edai jo'ne necoñetaĝaiqui' jogaa'me nepaqa'li jo'ne ja 'noe'n.

Apocalipsis 9:12

Male yenoĝonegue jo'me 'uaechiñe jo'ne layaliaĝa'j jogaa'me jiyaĝa'u; qalaĝaja maliaĝa uo'oe gaa'me dos jo'ne nateda'aquena.