Apocalipsis 7:4 - Nuevo Testamento Toba Sombrero Negro

⁴ Qama'le nach'e ena'am jomachilegue jena'me liñi jogaa'me jo'ne joote nayelo da'me 'nanaĝanaĝac: qama'le nalo'taguet ciento cuarenta y cuatro mil, da'me mach'e nedo'ta't jena'me chiyoĝogueta jogaa'me doce lec'oqo'tepi ñe'me Israel.

Nuevo Testamento Toba Sur

⁴ Ime, qaq aÿim sa'axaÿa so lcata yi ivi' na n'anguishicpi. 'Eeta': ciento cuarenta y cuatro mil da ima'a't na n'anguishic na llalaqpi so Israel.

La'aqtaqa Ñim Lo'onatac 'Enauacna 2013

^4-8 Ime, qaq aỹem sa'axaỹa da qanasaqtauec na le'enaqa'ate soua doce llalqa so Israel soomaye nachesoua soua Judá, Rubén, Gad, Aser, Neftalí, Manasés, Simeón, Leví, Isacar, Zabulón, José, qataq so Benjamín. Qaq ñi 'oonolec se'esoua doce ñalqa, nache qaỹa'an so doce mil nam chegoxoguet soomaye, yaqto' da ima'a't, nache ivi' ciento cuarenta y cuatro mil.

Apocalipsis 7:4 Iomraidhean Croise

Mateo 19:28

Jesús 'yategueta jogaa'me: —Eja ami ja'aĝatema queda'me qom yovita ga'me nolo' laloqo' da'me ena'uac qoyadalaĝat, qom jayem jo'ne Jiyaĝaua Lec'oĝot jonaue ga'me p'ajaye yañoqotaĝanaĝac, ami jo'ne jayem oquitapegue' nach'e ena'am oñiyañelo qomle ga'me doce je'onaĝaiqui' 'me nejaliaĝaiqui qaedi ami lo'ol da'me auajoyiya'agueta da'me animichii' gaa'me chiyoĝogueta gaa'me doce Israel c'oqo'tepi.

Lucas 14:22

Qaale copa'ague, ñe'me nalemaĝajet enaac: «Jaliaĝanec, joote ja'uo da'me jo'ne jayem auamaĝalegue, nataq'aen maliaĝa 'uo ga'me jec'ata laqaya.»

Lucas 22:30

qama'le ami ñeuanaĝa'u nataq'aen ami ñiyomaĝa'u qom auajoyiyalegue di'me yiqui'yaĝala' qom novi' da'me yejaliaĝa qomle, nataq'aen oñiyañelo ga'me nejaliaĝaiqui qaedi ami nec'atenoqo't ga'me jiyaĝadipi jo'ne chiyoĝogueta dia'me doce c'oqo'te di'me Israel.”

Hechos 26:7

Nataq'aen ena'uaque joga'me lec'oqo'tepi joga'me doce Jacob c'oqo'te jo'ne nach'egaua israelpi let'al, 'uo da'me leuataqataĝanaĝa'j ta'le di'yoĝoma da'me dojo' qo'yaĝatema joca'li: qo'che' pi'yaĝadi nataq'aen noloqo'ote da'me 'nonaĝachidegue nataq'aen t'onataĝadeuo'o joñe'me Dios. Nach'eda dojo' neuataqataĝanaĝac, am jaliaĝanec Agripa, joga'me judiopi jayem yaviyaĝatedapec nayi.

Romanos 9:27

Qama'le gaa'me israelpi, ca'li enapegalo ñe'me Isaías, enaac: “Mate mane'e qayoĝode' gaa'me c'oqo'tepi di'me Israel ena'am ga'me pogaĝanaĝa ga'me ñache lae, jalgate' gaa'me ja lama'y jogaa'me yovidedalegue da'me lec'alaĝa'j qomle.

Santiago 1:1

Jayem Santiago jo'ne jayem lalemaĝajet ñe'me Dios choqoñe'me Qadejaliaĝanec Jesucristo, yamaic ami jamaĝalo, yema da'me ami jo'ne ami Dios lec'oqo'tepi 'me auachiyoĝoyegueta jogaa'me doce Israel lec'oqo'tepi 'me laedelegue yema jena'me aleua.

Apocalipsis 14:1

Yem da'me dojo' qama'le yitaĝa jelojeguem, qama'le jauana ñe'me 'Naĝanaĝate Lec'oĝot da'me petalegue ga'me qajoĝonaĝa jo'ne lenaĝat da'me Sión. Qama'le uo'oe gaa'me naequetedapegue' jo'ne ciento cuarenta y cuatro mil ga'me jiyaĝadipi, gaa'me jo'ne qoyedetalo'te jana'me nepe da'me lenaĝat joñe'me 'Naĝanaĝate Lec'oĝot choqoda'me lenaĝat ñe'me Let'a.

Apocalipsis 14:3

Qama'le t'onaĝa'tape, 'yotedac da'me nalac jo'ne dalaĝaic, da'me dajoteda'uo jaga'me Dios lejaliaĝaiqui jo'ne je'onaĝaiqui, qama'le dajoya'agueta jogaa'me cuatro yejidi jo'ne nec'aletedaye choqogaa'me 'yaĝaicachidi. Yataqata ja qoyayaten da'me dojo' nalac, mach'e e'n niyaqa'alo joga'me ciento cuarenta y cuatro mil jiyaĝadipi jo'ne joote qonec'alaĝatedegue, qoyachiyoĝotauelo jogaa'me neteda'ña jena'me aleua.

Apocalipsis 7:5

Qama'le naa'me naajo' jo'ne qo'yaneque nalo'taguet doce mil jena'me mach'e lec'oqo'tepi joñe'me Judá, nach'e ena'am ñe'me Rubén nalo'taguet doce mil jena'me mach'e lec'oqo'tepi, choqoñe'me Gad doce mil jena'me mach'e lec'oqo'tepi,

Apocalipsis 9:16

Qama'le jomachilegue jena'me liñi joga'me coico laje'pi jo'ne netalo'te ga'me pegaĝadipi: nalo'taguet doscientos milliones.