Apocalipsis 4:2 - Nuevo Testamento Toba Sombrero Negro

² Qanach'e ua'a da'me jayem ua'ajop da'me lañoqotaĝanaĝac ñe'me Dios Lepaqal, qama'le jauana di'me nejaliaqa' jo'ne na'ague di'me piyem, nataq'aen da'me 'uo ñe'me jo'ne ñichiñe netaue ñe'me nejaliaĝaiqui.

Nuevo Testamento Toba Sur

² Huaña, nachi aÿim souaigui da l'añaxac so Espíritu Santo, nachi sela'a aso nta'a nso'onaxaqui neto'ot na piguem. Qaq asa'aso so'onaxaqui huo'o so nso'ootangui.

La'aqtaqa Ñim Lo'onatac 'Enauacna 2013

² Qaq nache saqaỹaloq da souaigui da la'añaxac So Saqcha'a Na'añaxac Qui'itta, nache sela'a aso 'eeta'am ana nso'onaxaqui na nta'a, neto'ot na piguem. Qaq asa'aso so'onaxaqui huo'o so nso'ootangui.

Apocalipsis 4:2 Iomraidhean Croise

Mateo 22:43

Chane'eja Jesús enaac: —Qama'te ¿toqoch'e David yiyaĝanaĝatapec lejaliaĝanec ca'li yojaĝanaĝan ñe'me Dios Lepaqal? Qa'a David enaac:

Hebreos 8:1

Chane'eja da'me qat'aqatac jo'ne yaguegue da'me lajo'viyaĝac, nach'eda da'me dojo', eet'oi: yataqata 'uo ñe'me Qadetaĝayaĝanaĝanec jo'ne ne'tague di'me piyem nayi, da'me male na'ña da'me loec joga'me lejaliaĝaiqui joñe'me Dios.

Apocalipsis 1:10

Ca'li jouetoue jo'me nolo' jo'ne laloqo' joñe'me Jaliaĝanec da'me qo'nonaĝachigui, qama'le jayem ua'ajop da'me lañoqotaĝanaĝac ñe'me Dios Lepaqal. Chane'eja jomachiya ga'me lejamaĝa da'me chimaqapegue jena'me jachiyoĝogue jo'ne netenec da'me 'laqatac, ena'am jaga'me najeede qom qoyajediye.

Apocalipsis 12:5

Qama'le jaga'me yauo male c'oe, 'uo ñe'me lec'oĝot jo'ne le'em, joñe'me jo'ne qoyanem qomle da'me lañoqotaĝanaĝac let'adaic qaedi nejaliaĝatelo'te ena'uaque joga'me aleua laje'pi. Qampaja'a da'me qodoĝotaĝanec ñe'me c'oĝot qama'le qoyauegot joñe'me Dios da'me dajoyalegue qoyen da'me nejaliaĝaiqui jo'ne neje'onaĝaiqui.

Apocalipsis 17:3

Chane'eja 'uo da'me yem da'me jo'ne jayem yec'atenaĝanaĝanec ñe'me Dios Lepaqal, da'me jayem qoyauegue di'me aleua jo'ne totapega't. Qama'le jauana jañe'me yauo jo'ne netalegue ñe'me jiyac polio' jo'ne tomaĝadaic da'me 'loyaĝac, ñe'me jo'ne uetedalegue yema jena'me lo'oc naa'me nenaqa'te jo'ne ye'uetedac joñe'me Dios, ñe'me jiyac jo'ne siete naa'me laqai'go choqonaa'me lepeel nach'e ena'am da'me diez.

Apocalipsis 19:4

Qama'le joga'me veinticuatro 'yaĝaicachidi nataq'aen jogaa'me cuatro yejidi jo'ne nec'aletedaye, naqapaĝateguet jena'me aleua, da'me 'nonaĝachigui joñe'me Dios jo'ne neta'ña di'me lejaliaqa', qama'le enapega't: “¡Jaja'a, nach'e naq'aeta! ¡yataqata am qa'nonaĝachigui nayi!”

Apocalipsis 20:11

Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

Apocalipsis 21:10

Da'me maliaĝa jouetaue jo'me yichoĝonaĝac 'me jayem yaloĝona joñe'me Dios Lepaqal, qama'le jo'me piyem le'ec male jayem yauegue ñe'me qajoĝonaĝa let'adaic jo'ne qayaje'mec, da'me jayem yaloĝona di'me noic let'adaic jo'ne ja 'nalegue, di'me jo'ne mach'e lenaĝat da'me Jerusalén, da'me nenochiñe, chiyoqo'ot joñe'me Dios jo'ne ne'tague di'me piyem.

Apocalipsis 21:5

Chane'eja joñe'me jo'ne netañgui jañe'me je'onaĝaiqui enaac: —Piiya: male jadalaĝat yema naa'me naajo' jo'ne uo'oe. Yem qama'le jayem dojapegue', enaac: —Auedidiñe nayi naa'me naajo' 'yaqataqa, qa'a nach'enaua jo'ne yataqachiñe ejoda qama'le 'uo da'me nepe'e jo'ne chiyaqayilo.

Apocalipsis 3:21

Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.

Apocalipsis 4:10

qama'le jogaa'me veinticuatro 'yaĝaicachidi yejoidiñe naa'me leliquetel da'me dajoyeda'aguet joñe'me qama'le yatem da'me loqopich'i nataq'aen da'me yajaĝadi'ña jogaa'me noqop'al joga'me dajoya'ña jaga'me neje'onaĝaiqui qama'le yo'o'n:

Apocalipsis 4:5

Jaga'me nejaliaĝaiqui chiyaqapiñegui jena'me lauaq jo'ne yaqaselec, choqona'me nejamaĝa nataq'aen na'me 'loĝoyaĝac, nataq'aen ga'me dajoya'ña jaga'me neje'onaĝaiqui edetañguilo gaa'me siete coyadaĝanaqate' jo'ne dole', nach'egaua jo'ne siete lepaqa'li joñe'me Dios.

Apocalipsis 4:9

Chane'eja nale jogaa'me yejidi 'nonaĝachidegue joñe'me jo'ne ñichiñe netañgui jaga'me je'onaĝaiqui, nach'eñe ñe'me jo'ne nach'e eta't da'me nec'aletaye, nataq'aen da'me yatem da'me lamai'j,

Apocalipsis 5:1

Ga'me louaq jo'ne yayaten joñe'me jo'ne netañgui jañe'me je'onaĝaiqui, jauana ga'me nenañejec jo'ne uedaye naa'me nedii's nach'e ena'am ga'me p'aye, nataq'aen da'me siete qoyetouoĝolegue jaga'me 'nanaĝanaqate.

Apocalipsis 5:13

Qama'le nach'e ena'am jomachilegue da'me ena'uac jogaa'me uo'oe jo'ne ueteda'ague jodi'me piyem nataq'aen jogaa'me uetedalegue jena'me aleua, qama'le nach'e ena'am jogaa'me uetedaue di'me p'añe jenjo' aleua nataq'aen jogaa'me uetañguilo gaa'me qa'mi lat'edail, naq'aeta da'me 'yotedac: “¡'Noota qom qo'nonaĝachigui joñe'me jo'ne netañgui jañe'me je'onaĝaiqui Choqoñe'me 'Naĝanaĝate Lec'oĝot, Jouaĝat da'me 'uo da'me li'yoĝodenataĝanaĝa'j nataq'aen da'me 'lonaĝac Choqoda'me lañoqotaĝanaĝac let'adaic!”

Apocalipsis 6:16

Qama'le yiyaĝatedapecot ga'me qajoĝonaĝa choqogaa'me qadi let'adayaqa jo'ne lael gaa'me qajoĝonaĝadi', eet'oi: “¡Anaqaeñi qaedi qo'mi auapadiñelo'te, qama'le qo'mi auoĝochidiñe qom qo'mi nec'atalo ñe'me jo'ne ñichiñe netañgui ñe'me nejaliaĝaiqui nataq'aen da'me lalemataic ñe'me 'Naĝanaĝate Lec'oĝot!