Apocalipsis 3:8 - Nuevo Testamento Toba Sombrero Negro

⁸ Joote jayaten yema da'me auauoyi, nataq'aen da'me mate mane'e ja jalcote 'uo da'me at'añaĝaqui, qalaĝaja ja aĝañiñi da'me auoqochiya'a da'me 'yaqataĝanaĝac, nataq'aen da'me ja jayem 'te anemañetapec. Chane'eja nayi cha'li auec'achiñe jena'me auajoitalegue, qa'a jen 'nouatetaye ga'me adadiquiiuo jo'ne qaya'te ta'le yaqanatet ta'le yapadiñgui.

Nuevo Testamento Toba Sur

⁸ Aÿim saÿaten 'enauac nam 'au'ottacpi. Qaq aÿim 'am sanem ñi 'ico' lasom ÿauattaigui mayi sa ishit da huo'o ca ÿapogui. Cha'ayi nai'ctaxa da saqalligueme da 'ad'añaxac, qalaxayi ÿataqta 'aualaxalec da i'aqtac, qataq sa ishit da aÿim 'ancoqtapeguelec.

La'aqtaqa Ñim Lo'onatac 'Enauacna 2013

⁸ ‹Aỹem saỹaten 'enauac nam 'auo'ottacpi, qataq saỹaten da Aỹem 'aualaxaguet qataq saishet da qonetega saq Aỹem 'auauatton, na'aictaxa da qaica ca la'amaqchec da 'ara'añaxac. Qaq ỹoqo'oye Aỹem 'ana'axaỹaxana: Aỹem 'am sanem da 'ardaqa' da Aỹem 'auo'onataxanot qataq qaica ca ishet da 'am nqanaxat. Aỹem 'am saconeguet, qaq ỹoqo'oye qaica ca ishet da 'am ỹapo'oguet.

Apocalipsis 3:8 Iomraidhean Croise

Lucas 12:9

Qalaĝaja, ga'me jo'ne jayem nematapec nale dajoya'agueta ga'me jiyaĝadipi, qamqa'me qonemanec qom dajoya'agueta jogaa'me piyem laje' jo'ne lamaĝa's ñe'me Dios.

Juan 15:20

Anetoviñetac da'me jo'ne joote ami ja'aĝatema: «Qaya'te namaĝajec ta'le napacalegue joga'me lejaliaĝanec.» Qom naqayem da'me 'uo da'me ñecanaguec, qama'le nach'e ena'am ami 'uo da'me anecanaguequi, nataq'aen qom qoyoqocha'alo naa'me 'yaqataqa qama'le nach'e ena'am qoyoqocha'alo naa'me mach'e at'aqataqadi'.

Juan 17:6

“Jogaa'me adiquiyaqa jo'ne aleua laje', joote jen am yayate'n. Nach'egaua mach'e adalemaĝaje'te, nataq'aen da'me naqa'am jo'ne jayem auanema, qama'le joote yoqocha'alo naa'me at'aqataqa.

Hechos 14:27

Ca'li yovideta di'me Antioquía, yemata'a'ajalo gaa'me jo'ne 'uo da'me lepe'e' qama'le 'yaĝatetapema ena'uaque gaa'me p'ajodaye uo'oe 'me Dios 'yetaĝanaĝaneque ca'li jogaa'me, nataq'aen da'me eeta ca'li ñe'me Jaliaĝanec ya'uo ladiideuo joga'me jo'ne ja judiopi, nach'e ena'am jogaa'me p'iida'a.

1 Corintios 16:9

qa'a 'nouategue ga'me yadic qaedi jepitaqatenac da'me je'et ga'me 'yonatac jo'ne yataqachiñe p'ajaye, mate mane'e uo'oe qayoĝode' gaa'me qo'mi nautenalo.

2 Corintios 2:12

Ca'li jec'ata di'me noic jo'ne Tróade qaedi ja'aĝatetac da'me onaĝaic 'laqataĝanaĝac ñe'me Cristo, yataqachiñe qo'youategue ga'me yadic qaedi jepitaqatenac da'me je'et da'me 'lonatac ñe'me Jaliaĝanec.

Filipenses 4:13

Nach'eñe ñe'me Cristo jo'ne ya'uo joga'me 'yañaĝac qaedi male jeloquetape'to naa'me naajo' qat'oyaĝaco da'me jouaqa'ta jena'me aleua.

Colosenses 4:3

Nach'e ena'am qo'mi auajelaĝañilo'te, qaedi ñe'me Jaliaĝanec 'youatedegue gaa'me qadadico da'me japaĝaguenataĝanaqatapec da'me 'naqataĝanaĝac nataq'aen jechoĝotaqatac da'me 'lonataĝanaĝac ñe'me Cristo, qa'a nach'eda jouaĝat da'me jayem qoyecoñe'.

1 Timoteo 5:8

Qalaĝaja qom 'uo ga'me ja netela ga'me qoyen loĝot, uotaĝa ja netela ga'me mach'e layi, male joote nemanec ga'me lepe'e nataq'aen yataqata qoyen 'naja napacalo'te jogaa'me ja p'iida'a da'me 'noota.

2 Timoteo 4:7

Qa'a joote yem da'me yeloiquiaĝac jo'ne yataqata onaĝaic, nataq'aen da'me yataqata jomat da'me 'yonataĝanaĝac, nataq'aen da'me qaya'te ua'a ta'le jaĝañi da'me jep'iya'a uotaĝa ja joqoch'a ñe'me Dios.

Judas 1:4

Qa'a uo'oe gaa'me jo'ne ch'e ami yeuomaĝanouelo joda'me loqovinaĝanaĝaco qaedi ami tauelo. Nach'egaua jo'ne joote uaqatetelo'te daa'me nedii's jo'ne Dios 'laqataqa joca'li, queda'me joote qoyeloĝonaĝateda'a da'me Dios le'uaĝanaĝanaĝac, nach'egaua ga'me jiyaĝadipi jo'ne yataqachiñe etaĝaloĝoiquipi. Nataq'aen ch'e yacoteguet da'me lichoĝodenataĝanaĝac joñe'me Dios qama'le ena'am ta'le ch'e yayaquiaĝa'n qaedi 'yete'tape naa'me mach'e loeco jo'ne lequejeguetaĝa. Nataq'aen nematedapec joñe'me Qadadipa mach'e Qadejaliaĝanec Jesucristo.

Apocalipsis 2:13

Joote jayaten da'me oñiita'ña di'me na'ña joga'me lejaliaqa' ñe'me Satanás, qalaĝaja da'me ami nach'edata da'me jayem oquitalegue, ja anemachiyapec da'me jayem auep'iiya'a, temaqaedi da'me qoyalat joca'li di'me Antipas, 'yaqataĝanaĝanec jo'ne yataqatelegue, nach'edi jo'ne ua'ña di'me noic jo'ne neta'ña ñe'me Satanás.

Apocalipsis 2:2

Joote jayaten yema da'me auauoyi, nataq'aen jayaten da'me 'uo da'me laqalaic da'me jo'ne at'onataĝanaĝaqui, choqoda'me nach'e eta't da'me ja aĝañiñi, nach'e ena'am jayaten da'me ja auaqanachichi ta'le anapogaĝadeñiyegueta jogaa'me jiyaĝa'u jo'ne ja 'noe'n, qama'le nach'e ena'am jayaten da'me analoqochiñe nale jogaa'me jo'ne eetapela'ajalo Dios lamaĝa's qalaĝaja ja naqaegaua, qama'le auanomiya'a da'me nach'egaua jo'ne pecayaqa.

Apocalipsis 22:7

“Chane'eja da'me jayem paja'a da'me yitaĝa 'ñiyelaq qomle, qama'le matac ga'me jo'ne yoqocha'alo naa'me 'naqataqa jo'ne napaĝaguenataĝanaĝaco, naa'me jo'ne qoyedidiñe 'me uetedalegue janjo' nede.”

Apocalipsis 3:1

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Sardes: «Da'me ami jo'ne oñiya'ña di'me Sardes, ami janema nayi jenjo' 'yaqatac, mach'e jayem jo'ne ñejaliaĝatelo'te jogaa'me siete nepaqa'li jo'ne chiyoqo'ot joñe'me Dios nataq'aen yajoqot'a gaa'me siete uaqachiñil: Joote jayaten yema da'me auauoyi jo'ne chiyaqayi da'me a'naqataguequi da'me yataqata anec'aliitaye, qalaĝaja ja naq'aeta, dite da'me ena'am ta'le joote adelevi.

Apocalipsis 3:10

Da'me ami yataqata auoqochiya'a da'me 'yaqatac queda'me yataqata anapogaĝadeñi. Chane'eja yataqata ami ñetelalo qomle, qom yovita ga'me laloqo' qom 'uo ga'me lachoĝodaiqui' joga'me jiyaĝadipi, da'me qoyapiye'n yema joga'me aleua laje'pi.

Apocalipsis 3:15

Joote jayaten yema da'me auauoyi, da'me ja ami 'te omta nach'e ena'am da'me ja ami 'te p'e. ¡Quiliajaĝa da'me naq'aeta da'me ami omta, uotaĝa ami p'e!

Apocalipsis 3:7

“Nach'e ena'ama auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Filadelfia: «Da'me ami jo'ne oñiya'ña di'me Filadelfia, ami janema nayi jenjo' 'yaqatac, mach'e jayem jo'ne jayem ja 'nalegue, jayem yataqatelegue nataq'aen jayem ue'tajop da'me lañoqotaĝanaĝac ñe'me jaliaĝanec David, qama'le qom jen 'nouategue, qaya'te yaqanatet ta'le yapadiñgui, nach'e ena'am da'me qom japadiñgui, qaya'te yaqanatet ta'le 'youategue: