Apocalipsis 3:4 - Nuevo Testamento Toba Sombrero Negro

⁴ Qalaĝaja di'me noic Sardes, maliaĝa uo'oe jogaa'me ja lama'y jo'ne ja e'n 'te paĝachiguilo jonaa'me louo: nach'egaua jo'ne jayem quetedapegue' qomle, qama'le yatedañe jona'me louo dalaĝayaqa jo'ne pagaĝayaqa, qa'a naq'aeta da'me naloteguet.

Nuevo Testamento Toba Sur

⁴ Qalaxayi huo'o na shiÿaxauapi na netaña na Sardes na sa ishit da ishipaxanaqchi't na alogo. Qaq namayipi aÿim hueta'aguet qome, ÿaatrañi caua lapagaxaiqa alogo, cha'ayi nachi lataxac.

La'aqtaqa Ñim Lo'onatac 'Enauacna 2013

⁴ Qalaxaye na nỹecpi na Sardis huo'o na netaña shiỹaxauapi na saishet da ỹo'ottac na qauem. Qaq ỹoqo'oye namayepi Aỹem hueta'aguet qome, ỹaatrañi caua alogo lapagaxaiqa maye naigui da dauegaxan, qataq da qui'itta lataxac. Qaq namayepi ỹataqta taiguet da qoỹami'.

Apocalipsis 3:4 Iomraidhean Croise

Mateo 10:11

“Qom auec'achiya gamachaqaega noic uotaĝa 'nachaqa', qama'le aueloyaque ga'me jiyaĝaua jo'ne chimaqachiñe qaedi nach'ega oviya'ajop chayovida'a qom mach'e oquiya'ae ga'me noic.

Marcos 16:5

Mane'e ca'li tadoue ga'me napa'l lae't 'uo ga'me yauata jo'ne nejoqolec neta'ña ga'me p'aye ga'me yayaten, yatedañe ga'me leuo jo'ne pagaĝayaqa 'me yededañe. Gaa'me yauo' t'oi'y ca'li,

Lucas 20:35

qalaĝaja jogaa'me jo'ne Dios yayate'n da'me naloteda'aguet da'me qoyiyala'aque qomle da'me 'niyelaĝadijeguem qaedi yacoteguet da'me 'loyaĝa'j jo'ne ja 'naidena'a, naqaegaua male ja yitaĝa 'uona't,

Lucas 21:36

'Noota qom a'vicheta't nataq'aen anetameñetac yemeda naa'me noloqo'ote, qaedi maqachaĝa ami yaĝa'n ena'uaque naa'me naajo' uo'oe qomle nataq'aen qaedi auaqanachichi ta'le auec'aeche'uo qama'le auajoyiya'aguet ñe'me Jiyaĝaua Lec'oĝot.”

Hechos 1:15

'Uo ga'me ua'a ca'li yenoĝodegue gaa'me noloqo'ote, Pedro ñijeguem ca'li uañe laeñi jogaa'me laqaya'olqa jo'ne yema'a't, nach'egaua nalo'taguet ciento veinte ga'me jiyaĝadipi, qama'le enaac:

2 Ts 1:5

Nach'ena yataqata eja da'me male yaloĝon queda'me qaya'te lepatenaĝanaĝac ñe'me Dios, nach'eñe jo'ne yataqachiñe eja da'me lec'atenaĝanaĝac, qama'le ami yela'a da'me yataqata adaloyeguet da'me male ovitaue da'me lejaliaĝa joñe'me Dios: yajouaĝat da'me dojo' cha'li 'uo ga'me qoyen adachoĝodequi.

Judas 1:23

Gaa'me laqaya' anec'alaĝachidegue, auachiyoĝochiyauelo joga'me dole' jo'ne ne'uaĝanague'j. Nataq'aen avichoĝodeñi' jogaa'me laqaya', mate mane'e at'oiya'agueta nale jogaa'me, ena'am ta'le a'uaqaiquiya'agueta joga'me louo qa'a yidayelo da'me ja no'en jo'ne nejiyaĝauayaĝa'j.

Apocalipsis 1:11

Qama'le jayem enapega: “Auediñe da'me dojo' jo'ne auana jo' qomle, auachalegue jaga'me nede qaedi auamaĝalo jogaa'me siete tamenaĝaiqui', jogaa'me jo'ne napi'ñalo jogaa'me noyaqa jo'ne netedaue di'me aleua Asia: gaa'me noyaqa jo'ne Éfeso, Esmirna, Pérgamo, Tiatira, Sardes, Filadelfia nataq'aen di'me Laodicea.”

Apocalipsis 11:13

Qama'le paja'a da'me 'uo jo'me nedaĝac let'adaic, qama'le di'me noic let'adaic ena'uaque gaa'me diez 'nachaqa'te male 'uo ga'me onolec jo'ne iyiñe, qama'le nach'e ena'ama joga'me jiyaĝadipi jo'ne yele'u nalo'taguet siete mil. Chane'eja jogaa'me jo'ne maliaĝa uo'oe male 'uo da'me loqolanaqa' qama'le 'nonaĝachidegue joñe'me Dios jo'ne ne'tague di'me piyem.

Apocalipsis 14:4

Naqaenaua jo'ne jamaĝaiquipi, jo'ne ja 'nalegue da'me 'loyaĝa'j; qama'le nach'e eta't da'me quetedapegue' ñe'me 'Naĝanaĝate Lec'oĝot, ta'ya ga'me ta'ya. Naa'me naajo' jo'ne joote qonec'alaĝatedegue, qoyachiyoĝotauelo jogaa'me jiyaĝa'u, qama'le 'uaetede'eguet da'me qoyen najaqaje's jo'ne qoyanem ñe'me Dios choqoñe'me 'Naĝanaĝate Lec'oĝot.

Apocalipsis 19:14

Quetedapegue' ena'uaque jogaa'me mach'e nejoĝonaqapi, jo'ne yatedañe naa'me louo jo'ne onaĝayaqa da'me 'loyaĝa'j, yoqovite' choqoda'me pagaĝayaqa, qama'le nach'e ena'ama netalo'te jogaa'me pega' jo'ne pagaĝayaqa.

Apocalipsis 19:8

Chane'eja nayi qoyaje'tema da'me yaidiñe jogaa'me louo Jo'ne 'loyaĝa'j da'me ualoq jo'ne yataqata yapagaq nataq'aen da'me yaqaselec.” Qa'a nach'enaua naa'me nouo jo'ne yelo'teguet da'me chimaqachiñe jo'ne 'lonataqa joga'me jiyaĝadipi jo'ne ja 'nalo'te.

Apocalipsis 3:18

Qo'che' 'uo da'me ami jaqatalo nayi: jayem anec'achiya qaedi aneuodeñiya jaga'me oro jo'ne yoqovita q'aen ga'me dole' lauaq, qaedi male ami yataqatelo'te neuoyaĝadi, nataq'aen jayem anec'achiya qaedi aneuodeñiyalo gaa'me nouo jo'ne pagaĝayaqa, qama'le auaiñidiñe qaedi auapadiñelegue da'me adepocoqoilegue da'me adajaleuaĝa, qama'le nach'e ena'am aneuodeñiya ga'me natadenataĝanaĝat qaedi auachiyañilo naa'me at'aechidi' qama'le yitaĝa aneloitegue.

Apocalipsis 3:5

Jogaa'me jo'ne yovidedeta da'me noma't joga'me ja no'en, nach'egaua jo'ne naq'aete' da'me pagaĝayaqa na'me louo, qama'le ja japalaĝa't naa'me lenaqa'te jo'ne yededelegue ca'li jaga'me nede jo'ne uetaye da'me nec'alaĝa, dite da'me ja'aĝatot ñe'me Taĝadena' choqoñaa'me lamaĝa's jo'ne piyem laje' queda'me nach'egaua jo'ne jayem yemetede'eguet.

Apocalipsis 4:4

Nach'e ena'am ga'me jo'ne equejop jaga'me neje'onaĝaiqui jo'ne lejaliaĝaiqui jauanalo gaa'me laqaya' jo'ne veinticuatro nejaliaĝaiqui' 'me je'onaĝaiqui', nach'egaua jo'ne netañelo jogaa'me veinticuatro 'yaĝaicachidi: yatedañe gaa'me louo jo'ne pagaĝayaqa choqogaa'me yanetayelo naa'me laqai'go gaa'me noqop'al jo'ne oro.

Apocalipsis 6:11

Qama'le yema jogaa'me qoyanema jaa'me nouo jo'ne pagaĝayaqa, qama'le qo'enapegalo da'me maliaĝa cada'ac da'me 'nomatedegue, chayovida'a qom male nalo'ta't jogaa'me laqaya'olqa jo'ne nach'e ena'am t'onataĝatedape'uo joñe'me Dios, qama'le nach'e ena'am da'me qoyaje'tema da'me qoyala't jo' qom'te.

Apocalipsis 7:9

Mane'e ca'li yem da'me dojo' qama'le jauana ga'me jiyaĝadipi let'adaic jo'ne qaya'te yaqanatet ta'le noloqoten, jo'ne qoyachiyoĝotauelo yemeda jogaa'me noyaqa let'adayaqa nataq'aen yodapecache da'me neqomyaĝa'j nataq'aen yodapecache naa'me 'loyaĝaco naa'me 'laqataqa. Qama'le jauanalo da'me nechatetedañe ena'uac da'me dajotauo jaga'me je'onaĝaiqui jo'ne nejaliaĝaiqui, qama'le nach'e ena'ama dajoteda'aguet joñe'me 'Naĝanaĝate Lec'oĝot. Qama'le uo'oe naa'me louo jo'ne pagaĝayaqa nataq'aen da'me yachi'y jaa'me chaic layoqote, onolqa'tape jogaa'me jiyaĝa'u da'me lajoqot'alo.