Apocalipsis 3:10 - Nuevo Testamento Toba Sombrero Negro

¹⁰ Da'me ami yataqata auoqochiya'a da'me 'yaqatac queda'me yataqata anapogaĝadeñi. Chane'eja yataqata ami ñetelalo qomle, qom yovita ga'me laloqo' qom 'uo ga'me lachoĝodaiqui' joga'me jiyaĝadipi, da'me qoyapiye'n yema joga'me aleua laje'pi.

Nuevo Testamento Toba Sur

¹⁰ Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.

La'aqtaqa Ñim Lo'onatac 'Enauacna 2013

¹⁰ 'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

Apocalipsis 3:10 Iomraidhean Croise

Mateo 24:14

Qama'le dojo' 'laqataĝanaĝac ñe'me Dios 'me 'yaĝatetac da'me lejaliaĝa qo'yaĝatapema qomle ena'uaque ga'me jiyaĝadipi jo'ne uetedalegue jena'me aleua qaedi yateto'n. Yem qama'le novi' ga'me loiquiaqa'.

Mateo 26:41

A'nañaĝachi qaedi aneloyitaye nataq'aen anetameñi, qaedi ja ami 'te noma't da'me anapiyenaguequi. Naa'me adai'lidi' 'uo da'me 'lañaĝa'j qalaĝaja choĝolaĝaic da'me anejiyaĝauayaĝaqui.

Mateo 6:13

Ena'te qo'mi auachalo'te da'me qanapiyenaguec, Dite da'me qo'mi auachiyoĝo'toto joñe'me ja no'en.»

Marcos 14:9

Eja da'me ami ja'aĝatema queda'me gamachaqaega ga'me ua'a da'me qo'yaĝatetac dojo' onaĝaic 'naqataĝanaĝac jena'me aleua, qama'le nach'e ena'am qo'yaĝatetac ga'me jo'ne jayem 'yetec janjo' yauo, qama'le naq'aeta da'me qonetouetapega.

Lucas 2:1

Jaajo' noloqo'ote joca'li, ñe'me Roma le'ec Augusto, jo'ne nec'atenoqo't di'me aleua, damaĝajoĝolegue ca'li da'me qaedi yema nedela't ga'me jiyaĝadipi jo'ne yelolegue.

Juan 17:6

“Jogaa'me adiquiyaqa jo'ne aleua laje', joote jen am yayate'n. Nach'egaua mach'e adalemaĝaje'te, nataq'aen da'me naqa'am jo'ne jayem auanema, qama'le joote yoqocha'alo naa'me at'aqataqa.

Romanos 1:8

Da'me 'uaeñe ja'aĝatetac, chiyaqayi ñe'me Jesucristo da'me janem yamaic ñe'me Dios jouaĝat onolqa'tape ami, qa'a yema qo'yaĝatetac da'me adepi'i.

1 Corintios 10:13

Nataq'aen qom 'uo da'me anapiyenaguequi, anetoviñetac queda'me jiyaĝa'u laqaya' nach'e ena'am joote tadoue ga'me napiyenague'j. 'Noota ta'le auep'iiya'a joñe'me Dios, qa'a ñe'me ja yajeta ta'le ami qo'yiyeneque ga'me jo'ne ja auaqanachichi ta'le anapogaĝadeñiyeguet, dite da'me ami yanema ga'me adadiqui nataq'aen ami yanema da'me at'añaĝaqui qaedi adaloi'taguet.

Efesios 6:13

Chane'eja, yataqata auañidiñe yemeda gaa'me mach'e qoye'n qat'euoĝonaqa'te, qaedi yataqata a'nañaĝachi qom male ami novitalo gaa'me noloqo'ote jo'ne yataqata ja 'noe'n, qama'le yataqata auaqanachichi ta'le ja anajeñe'tegueta gaa'me adaute'udi'.

2 Timoteo 2:12

Qom ñapogaĝadenaq nayi qama'le nataq'aen qo'mi lejaliaĝa'u qomle. Qom qanemanec joñe'me nayi, qama'le ñe'me nach'e ena'am qo'mi nemaneque qomle.

Santiago 3:12

Ami yaqaya'olqa, jaga'me higuera lichidic ja yaqanatet ta'le en jala jaga'me aceituna, nach'e ena'am jaga'me lichidic jaga'me uva ja yaqanatet ta'le jala jaga'me higo. Chane'eja nach'e ena'am jaga'me nopi'yaĝaiqui ja yaqanatet ta'le naje'ma ga'me noĝop jo'ne jama nataq'aen 'noua jena'me le'ec.

1 Pedro 4:12

Ami yaqaya'olqa, ena'te adoualiya'a ga'me anapiyenaguequi jo'ne ami novitalo, 'me ena'am ga'me dole' jo'ne ami yaviyaĝa't, da'me uotaĝa ami uañelo ga'me jo'ne ja qoyauana ca'li.

2 Pedro 2:9

Qama'le joñe'me Jaliaĝanec yaqanatet da'me nec'alaĝate'guejopa ga'me napiyenague'j jogaa'me jo'ne yataqachiñe nemetot joñe'me, nataq'aen da'me taya'a q'ae'n da'me ne'uaĝanague'j ga'me loeco lo'olpi chayovida'a qom yovita ga'me nolo' p'ategue qom qoya'uo da'me nec'atenaĝanaĝac.

Apocalipsis 1:9

Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

Apocalipsis 11:10

Jogaa'me jo'ne 'lachaqa't jodi'me aleua ja 'yamaqate'n jodia'me Dios 'laqataĝanaĝanaqa, qa'a eetedapega nach'ediaua dia'me jo'ne chiyaqayilo da'me layaliaqa'. Chane'eja yataqata netotec da'me leleuaĝa' jodia'me, yauote da'me lamai'j nataq'aen yache't gaa'me leyalaqataĝanaĝa'j gaa'me laqaya'.

Apocalipsis 13:10

“Jogaa'me jo'ne yeloteda'a da'me necoñetague'j, Nach'egaua gaa'me jo'ne qoyecoñe't qomle. Nataq'aen jogaa'me jo'ne yeloteda'a da'me yeletem ga'me liaĝa ga'me nedaĝanaĝat, Nach'ega ga'me nedaĝanaĝat liaĝa da'me yala't qomle.” Chane'eja male qoyauana da'me eeta da'me napogaĝadenaĝa'j joga'me lec'oqo'tepi joñe'me Dios choqoda'me lepi'iyaĝa'j.

Apocalipsis 13:14

Qama'le chiyaqayilo naa'me naajo' 'nanaqa jo'ne yauo'oe da'me ue'taguet ñe'me jiyac polio' jo'ne 'uaechiñe, male yaqanatet ta'le yejomaĝana'ape jena'me jiyaĝadipi jo'ne netalegue jena'me aleua, qama'le damaĝajoĝolo'te da'me qoya'uo ga'me qonetamenapecot jo'ne lequi'i ñe'me jiyac polio' laqaya jo'ne 'uo ga'me nedaĝanaĝat liñi qalaĝaja maliaĝa da'me nec'aletaye.

Apocalipsis 13:8

Chane'eja nach'eñe ñe'me jiyac polio' jo'ne 'uo da'me 'lamaqatenataĝanaĝa'j ena'uaque joga'me aleua laje'pi, ena'uaque jogaa'me jo'ne ja qoyedidiñe ca'li naa'me lenaqa'te joca'li yemta qoye'et jena'me aleua, da'me ja qoyededelegue jaga'me nede jo'ne uetaye da'me nec'alaĝa 'me loĝot joñe'me 'Naĝanaĝate Lec'oĝot jo'ne joote qoyalat.

Apocalipsis 14:12

¡Male qoyauana da'me eeta da'me napogaĝadenaĝa'j ga'me Dios lec'oqo'tepi, nach'egaua jo'ne yoqocha'alo naa'me lamaĝajoĝonaĝaco ñe'me Dios nataq'aen da'me ja yaĝadiñi da'me yataqata p'iida'a ñe'me Jesús!

Apocalipsis 14:6

Yem qama'le jauana jo'me piyem le'ec laqaya da'me uayotapelegue di'me piyem laeñi, jo'ne yachitac da'me 'naqataĝanaĝac jo'ne nach'e eta't ja pal, qaedi 'yaĝatema yema joga'me jiyaĝadipi jo'ne neteda'ña jena'me aleua, jo'ne yodapecache naa'me 'laqataqa nataq'aen jogaa'me noyaqa choqogaa'me neqomyaĝaco.

Apocalipsis 16:14

Naa'me naajo' jo'ne nenoĝodegue nach'enaua 'me payac lepaqa'li, jo'ne yauo'oe gaa'me 'nanaqa jo'ne yaloĝo'n, qama'le yapotena't ena'uaque jogaa'me lejaliaĝanaqa ga'me jiyaĝadipi, qaedi yeloiquiaĝa'n qom yovita ga'me nolo' 'me laloqo' da'me le'uaĝanaĝanaĝac ñe'me Dios jo'ne qaya'te yaqalaatac.

Apocalipsis 17:2

Qama'le jañe'me yauo yamaĝadoue gaa'me nejaliaĝanaqa jo'ne yelodelegue jena'me aleua da'me nequejeguetaĝa. Chane'eja joga'me jiyaĝadipi jo'ne netedalegue jena'me aleua nach'e ena'am e'n taĝaiquipi da'me nequejeguetaĝa, ena'am da'me uotaĝa qoniyomaĝañi ga'me lataĝa.”

Apocalipsis 17:8

Ñe'me jiyac polio' jo'ne auana, nach'eñe 'me 'uo joca'li qalaĝaja nayi male joote yeleu, qama'le yitaĝa nenoĝojeguem qom'che, qaedi male qoyen loiquiaqa' da'me qoyolaĝachigui. Chane'eja qom yauata da'me dojo' ga'me jiyaĝadipi jo'ne uetedalegue jena'me aleua, gaa'me jo'ne ja qoyedidiñe naa'me lenaqa'te qama'le ja uedalegue jaga'me nede jo'ne uetedalegue joga'me jiyaĝadipi jo'ne qonec'alaĝatedegue, chiyoqotelegue joca'li yemta qoye'et jena'me aleua, qama'le yataqata yoqochetem qom'che, da'me yitaĝa yauata di'me jiyac polio' jo'ne 'uo joca'li, qama'le nayi joote yeleu, qalaĝaja nach'edi 'me yitaĝa nec'atequena qom'che.

Apocalipsis 2:10

Ena'te at'oiya ga'me jo'ne qoyen adachoĝodequi qomle, queda'me nac qomle joñe'me payac da'me yanauelo jaga'me coñetaĝanaĝaiqui jogaa'me qayoĝode' da'me ami, qaedi ena'uac da'me ami qoyapiye'n, qama'le nach'e ena'am da'me qoye'n adachoĝodequi chayovida'a da'me yenoĝodegue gaa'me diez noloqo'ote. Chane'eja 'noota qom nach'e aueñeta't da'me oquitalegue da'me adepi'i jo'ne yataqatelegue chayovida'a qom adeleviyalegue, qama'le da'me jayem male ami janema da'me adec'alaĝaqui jo'ne adomataĝanaĝachi.

Apocalipsis 3:8

Joote jayaten yema da'me auauoyi, nataq'aen da'me mate mane'e ja jalcote 'uo da'me at'añaĝaqui, qalaĝaja ja aĝañiñi da'me auoqochiya'a da'me 'yaqataĝanaĝac, nataq'aen da'me ja jayem 'te anemañetapec. Chane'eja nayi cha'li auec'achiñe jena'me auajoitalegue, qa'a jen 'nouatetaye ga'me adadiquiiuo jo'ne qaya'te ta'le yaqanatet ta'le yapadiñgui.

Apocalipsis 6:10

Qama'le nete'n da'me yauote da'me 'laqata'j: “Am Qadejaliaĝanec jo'ne am ja 'nalegue nataq'aen am jo'ne am yataqatelegue, ¿jach'e ga'me quejetelegue da'me yovita ga'me laloqo' da'me auec'ate'n ga'me jiyaĝadipi jo'ne uetedalegue jena'me aleua qaedi qo'mi 'viyelaĝaque da'me qadeleuaĝa?”

Apocalipsis 8:13

Mane'e ca'li yem da'me dojo', qama'le jelojeguem, qama'le jomachiya ga'me uole jo'ne uayotac, quetañgui laeñi di'me piyem, qama'le enaac da'me netenec da'me 'laqatac: “¡Degueja qomle da'me lachoĝode'j joga'me jiyaĝadipi jo'ne netedalegue jena'me aleua, da'me qom male dejedaĝa'n nayi jogaa'me piyem laje' laqaya' jo'ne tres!”