Apocalipsis 22:6 - Nuevo Testamento Toba Sombrero Negro

⁶ Qama'le joñe'me piyem le'ec jayem dojapegue', enaac: “Naa'me naajo' 'naqataqa nach'enaua jo'ne ejoda nataq'aen da'me chiyaqayilo da'me nepe'e, qa'a joñe'me Jaliaĝanec Dios jo'ne yanema ca'li ñe'me Lepaqal dia'me 'laqataĝanaĝanaqa, nach'eñe jo'ne yamaĝalo nayi ñe'me mach'e lamaĝajec jo'ne piyem le'ec, qaedi yayatenaĝanaĝaneque jogaa'me uo'oe gaa'me jo'ne mach'e lalemaĝaje'te, queda'me paja'a da'me uo'oe qomle jogaa'me di'yo't.”

Nuevo Testamento Toba Sur

⁶ Ime, nachi so namaxashic aÿim 'enapega, 'eeta': –Ne'ena n'aqtacpi ÿataqta 'eesa, qaq namayipi ishit da qaipi'iÿa'a. Qaq ñim qadataxala' Dios mayi nachiñi ñi i'añaqchit nam l'aqtaxanaxanecpi, ñimayi namaq na lamaxashic, da yaqto' ÿachaxana na do'onataxaatacotpi ñimayi dam saqaÿaloq da yi'oq.

La'aqtaqa Ñim Lo'onatac 'Enauacna 2013

⁶ Ime, nache so namaxashec piguem le'ec aỹem 'enapega, 'eeta': «Ne'ena na'aqtacpi ỹataqta 'eesa, qaq namayepi ishet da qaipi'iỹa'a. Qaq Ñim Lo'onatac 'Enauacna maye Nataxala' Ñim ỹanem So Saqcha'a la'añaxac nam la'aqtaxanaxanecpi nacheñi Ñim namaq na lamaxashec da yaqto' ỹachaxana na lo'onataxanaxanecpi nam mashe nayeeta'a da yo'oq.» Nache So Jesús 'enapeco':

Apocalipsis 22:6 Iomraidhean Croise

Mateo 13:41

Jayem jo'ne jayem Jiyaĝaua Lec'oĝot ñamaĝatequena qomle gaa'me piyem laje' qaedi yacone'ualo yema gaa'me jo'ne yaueguedoue nale ga'me loe'j joga'me laqaya'olqa nataq'aen jogaa'me 'yetedac da'me ja no'en.

Lucas 1:70

Dojo' nach'eda Dios 'laqatac jo'ne 'yaeñi joca'li jalquijiyi, jo'ne en na'yalo gaa'me 'laqataĝanaĝanaqa jo'ne ja 'nalo'te.

Lucas 16:16

“Daa'me nedii's jo'ne lamaĝajoĝonaĝaco ñe'me Dios nataq'aen 'laqataĝanaĝa'j dia'me 'laqataĝanaĝanaqa qo'yaĝatetac chayovida'a ca'li novi' di'me Juan. Qalaĝaja nayi chiyoqotelegue di'me Juan da'me qo'yaĝatetac da'me 'naqataĝanaĝac jo'ne onaĝaic 'me 'yaĝatetac da'me lejaliaĝa ñe'me Dios, qama'le ena'uaque 'nañaĝate'tape qaedi tadoue joda'me.

Hechos 12:11

Chane'eja Pedro yayaten, qama'le enaac: “Nayi male yataqachiñe jayaten ñe'me Jaliaĝanec queda'me namaĝaquena jo'me piyem le'ec qaedi jayem yejoye nataq'aen jayem lochaqatenalegue yema ga'me jo'ne Herodes nataq'aen yema ga'me judiopi jetaque jayem qo'yetec.”

Hechos 3:18

Qalaĝaja naq'aeta ga'me qo'yetec qa'a Dios en yepaquichigui ga'me jo'ne joote 'yaĝatetac jo'ne en na'yalo gaa'me 'laqataĝanaĝanaqa: jo'ne 'noota da'me yeleu ñe'me Liquiyac.

Romanos 1:2

Dios naya'alo q'aen ca'li gaa'me 'laqataĝanaĝanaqa da'me yaqataĝañi da'me dojo' jo'ne 'uo ca'li.

1 Corintios 14:32

Ga'me jo'ne qoyanem da'me ja naqalataĝaic qaedi 'yaĝatetac da'me 'laqatac ñe'me Dios, 'noota qom naloqote'n gaa'me 'laqataqa,

1 Corintios 7:29

Ami yaqaya'olqa, ami jayataĝadeneque: ja cop'a qomle novideda'aquena gaa'me p'atedegue noloqo'ote. Chane'eja gaa'me jo'ne ja jamaĝayaqa, yataqachiñe 'noota ta'le yacoteguet da'me ena'am ga'me jamaĝaic.

2 Ts 1:7

Qama'le ami yichoĝode'n qomle, da'me ami jo'ne 'uo da'me adachoĝodequi nayi, qaedi qadalo'ta't da'me qo'mi yichoĝode'n, qom yovita ga'me nolo' da'me yitaĝa 'niyelaq joñe'me Qadejaliaĝanec Jesús chiyaqa'ague jodi'me piyem, da'me naquetaue joga'me ena'am ta'le dole' lauaq, nataq'aen naequetedapegue' jogaa'me piyem laje' jo'ne yataqata p'ajodaye.

Hebreos 12:9

Joca'li cha'li qo'mi ñoqolqapi, qama'le gaa'me mach'e qadet'al jo'ne uetedalegue jenjo' aleua qo'mi yapaĝague'n, qama'le da'me qo'mi yataqata joqochaĝalo. Qama'le ¿teua'atoqo' ta'le ja jetaque joqochaĝa ñe'me Qadet'a jo'ne na'ague di'me piyem, qaedi jovidaqa'a da'me qadec'alaĝa?

2 Pedro 1:21

Qa'a jogaa'me Dios 'laqataĝanaĝanaqa jo'ne uo'oe joca'li ja 'yaĝatetedac da'me jo'ne chiyaqayi da'me mach'e lelnataĝa'j, dite da'me nach'egaua joca'li jogaa'me paĝaguenataĝanaĝayaqa jo'ne quetegue joñe'me Dios, qama'le nach'eñe ñe'me Dios Lepaqal da'me yojaĝanaĝa'n.

2 Pedro 3:2

Anetoviñetaque jaa'me noloqo'ote laqaya' da'me 'yaĝatetedac dia'me Dios 'laqataĝanaĝanaqa jo'ne ja 'nalo'te; nataq'aen da'me lamaĝajoĝonaĝac joñe'me Qadejaliaĝanec mach'e Qadec'alaĝaiqui Jesucristo, da'me jo'ne joote ami yapaĝagueneque jogaa'me lamaĝa's.

Apocalipsis 1:1

Jenjo' jo'ne qoyen di'yoq, da'me jo'ne maliaĝa ja qoyayate'n jo'ne Dios yane'm joñe'me Jesucristo, qaedi yayatenaĝanaĝaneque jogaa'me mach'e lalemaĝaje'te ga'me jo'ne paja'a 'uo qomle, chane'eja jayem namaĝa ñe'me lamaĝajec jo'ne piyem le'ec qaedi jayem yayatenaĝanaĝan, da'me jayem Juan jo'ne mach'e jayem lalemaĝajet joñe'me.

Apocalipsis 18:20

“Male am matac nayi, am piyem, Qa'a yajouaĝat da'me ne'uaĝanaguec jena'me jenjo' noic, nataq'aen male ami made'tape, ami Dios lec'oqo'tepi jo'ne ami ja 'nalo'te, da'me ami Dios lamaĝa's nataq'aen da'me ami 'laqataĝanaĝanaqa joñe'me, qa'a nach'eñe ñe'me Dios jo'ne ye'uaĝan di'me noic let'adaic, qaedi ya'uo da'me en adajo'viyaĝaqui.

Apocalipsis 19:9

Qama'le jayem dojapegue' joñe'me piyem le'ec, enaac: “Nayi auediñe da'me dojo': «Made'tapolqa jogaa'me jo'ne joote qoyayatenaĝanaĝaneque ga'me neualaĝayaĝaiqui jo'ne 'lonaĝaiqui joñe'me 'Naĝanaĝate Lec'oĝot.»” Yem qama'le yitaĝa jayem noqoteteneque: “Naa'me naajo' 'naqataqa jo'ne yataqachiñe ejoda daa'me 'laqataqa joñe'me Dios.”

Apocalipsis 21:5

Chane'eja joñe'me jo'ne netañgui jañe'me je'onaĝaiqui enaac: —Piiya: male jadalaĝat yema naa'me naajo' jo'ne uo'oe. Yem qama'le jayem dojapegue', enaac: —Auedidiñe nayi naa'me naajo' 'yaqataqa, qa'a nach'enaua jo'ne yataqachiñe ejoda qama'le 'uo da'me nepe'e jo'ne chiyaqayilo.

Apocalipsis 21:9

Yem da'me dojo' qama'le jayem nec'ata jo'me piyem le'ec jo'ne chiyaqauelo jogaa'me siete piyem laje' 'me lajoqot'alo jaa'me siete yomaĝaiqui' jo'ne jaqachiguilo jena'me ne'uaĝanaĝanaĝaco, qama'le 'uo da'me jayem 'yaĝatem, enaac: —Cha'li auanaequena qaedi am jayatenaĝanaĝanec jañe'me nojaĝaua jo'ne nach'añe 'me loua joñe'me 'Naĝanaĝate Lec'oĝot.

Apocalipsis 22:1

Qama'le joñe'me piyem le'ec jayem yaloĝona di'me ñache jo'ne chichiñe jena'me noĝop jo'ne le'ec. Qama'le da'me 'loyaĝac di'me ñache ena'am ta'le cristal, nataq'aen da'me chiyoqotelegue ñe'me lejaliaqa' joñe'me Dios choqoñe'me 'Naĝanaĝate Lec'oĝot.

Apocalipsis 22:16

“Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”

Apocalipsis 22:7

“Chane'eja da'me jayem paja'a da'me yitaĝa 'ñiyelaq qomle, qama'le matac ga'me jo'ne yoqocha'alo naa'me 'naqataqa jo'ne napaĝaguenataĝanaĝaco, naa'me jo'ne qoyedidiñe 'me uetedalegue janjo' nede.”

Apocalipsis 4:1

Mane'e ca'li yem da'me dojo', qama'le jauana ga'me jom jo'ne 'nouatetaye da'me jeloje'ma di'me piyem, qama'le yitaĝa jomachiya ga'me najamaĝa jo'ne 'uaeñe da'me jomachiya ca'li, nataq'aen da'me ena'am jaga'me najeede qom qoyajediye, qama'le jayem dojapegue', enaac: “Auenidije'ma jena'me jenjo' qama'le am jaloĝonalo jogaa'me uo'oe qom'che jo'ne di'yo't qom yenoĝodegue naa'me naajo' jo'ne uo'oe nayi.”