Apocalipsis 22:10 - Nuevo Testamento Toba Sombrero Negro

¹⁰ Qama'le nach'e ena'am jayem 'yaĝatem da'me dojo': “Ena'te jetaque auoĝotetapiñe da'me napaĝaguenataĝanaĝac jo'ne joote uetalegue janjo' nede, qa'a male qoyoqo'ta ga'me nolo' da'me male yepaquichiguilo yemeda naa'me jo'ne joote qo'yaĝate'tape.

Nuevo Testamento Toba Sur

¹⁰ Qataq aÿim 'enapega, 'eeta': –Sa ishit qome da 'oxojñi de'eda l'aqtaxanaxac ñi Dios mayi nanettalec ana'ana nede. Cha'ayi mashi sa qaÿapeque yi laloqo' da ipacchiguilo naua qai'axa't.

La'aqtaqa Ñim Lo'onatac 'Enauacna 2013

¹⁰ Nataqa'en aỹem 'enapega, 'eeta': «Saishet qome da 'oxooñi de'era la'aqtaxanaxac Ñim Lo'onatac 'Enauacna maye nanettalec ana'ana nere. Cha'aye mashe saqaỹapeque ye laloqo' da ipacchiguilo naua nanettrañi.

Apocalipsis 22:10 Iomraidhean Croise

Apocalipsis 1:3

Matac ga'me jo'ne dojelegue jenjo' yediijec jo'ne 'yaĝate'tape gaa'me uo'oe nayi nataq'aen gaa'me jo'ne uo'oe jo' qomle, nataq'aen made'tape yema gaa'me jo'ne domachita qama'le yoqochideta na'me jo'ne qoyediñe, qa'a male qoyoqo'ta ga'me laloqo' qom yema qoyen di'yoq.

1 Pedro 4:7

Male qoyoqo'ta ga'me loiquiaqa't ena'uaque jogaa'me uo'oe. Chane'eja da'me ami 'noota qom aneloyitaye nataq'aen da'me ena'te aualajaĝañita da'me anetamenaĝaqui.

Apocalipsis 10:4

Mane'e ca'li yem da'me doje'y gaa'me siete 'loĝoyaĝaco jajo'me qajoĝonaĝa, qama'le da'me jayem te'me jetaque jediñe, qalaĝaja 'uo ga'me 'naqatac jo'ne jomachiya 'me chimaqapegue di'me piyem, jo'ne jayem enapega, eet'oi: “Ena'te auen di'yoq joda'me auomachiya jo'ne 'yaĝatetedac jaa'me siete 'loĝoyaĝaco jajo'me qajoĝonaĝa, qama'le ena'te auediñe.”

Mateo 10:27

Ga'me jo'ne ami ja'aĝatema nale 'naltapiye, qama'le aueñi taue ga'me nolo' da'me a'uaĝachetac; nataq'aen ga'me ja di'yoq 'me auomachiiya, qama'le aviyaĝañetac, auapiilo'te gaa'me emaqa da'me a'uaĝachetac.

Romanos 13:12

Joote qo'mi nedalo'te da'me pi'yaq, yamta'le da'me nete'. Chane'eja jaĝanaĝadiñi gaa'me 'lonataqa da'me 'lalaĝa, qama'le janaĝaiñe da'me yoqochiñe, ena'am ga'me coico le'ec yaqataĝata't nale 'uo ga'me nalada't.

Apocalipsis 22:16

“Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”

Apocalipsis 5:1

Ga'me louaq jo'ne yayaten joñe'me jo'ne netañgui jañe'me je'onaĝaiqui, jauana ga'me nenañejec jo'ne uedaye naa'me nedii's nach'e ena'am ga'me p'aye, nataq'aen da'me siete qoyetouoĝolegue jaga'me 'nanaĝanaqate.

2 Ts 2:3

Ena'te auajeñetem ta'le 'uo ga'me ami yoqovi'n. Ga'me nolo' cha'li ja novi', qa'a male 'uaeñe 'uo ga'me nalada't jo'ne p'ategue, qom yataqata qonautena joñe'me Dios, qama'le di'yo'quena ñe'me jiyaĝaua jo'ne etaĝaloĝoic, jo'ne qoyamaĝa'ña qomle ga'me napa'lpi 'lachaqa'.

Apocalipsis 22:20

Joñe'me jo'ne 'yaĝatetac da'me dojo', eetac: —Eja da'me jayem paja'a da'me 'ñiyelaĝaquena qomle. Qama'le nach'e naq'aeta da'me dojo'. Am Jaliaĝanec Jesús, ¡Auanaequena!

Romanos 13:11

Male jouaqatauelo naa'me noloqo'ote jo'ne p'atedegue, qalaĝaja da'me ami ena'am ta'le maliaĝa a'uochetac, qalaĝaja nayi 'noota ta'le aneloyiye, qa'a male qoyoqo'ta ga'me nolo' qomle joñe'me Dios male qo'mi nec'alaĝatedegue, ja ena'am ca'li yemta jep'iyaqa joñe'me Jesús.

Apocalipsis 1:11

Qama'le jayem enapega: “Auediñe da'me dojo' jo'ne auana jo' qomle, auachalegue jaga'me nede qaedi auamaĝalo jogaa'me siete tamenaĝaiqui', jogaa'me jo'ne napi'ñalo jogaa'me noyaqa jo'ne netedaue di'me aleua Asia: gaa'me noyaqa jo'ne Éfeso, Esmirna, Pérgamo, Tiatira, Sardes, Filadelfia nataq'aen di'me Laodicea.”

Apocalipsis 22:7

“Chane'eja da'me jayem paja'a da'me yitaĝa 'ñiyelaq qomle, qama'le matac ga'me jo'ne yoqocha'alo naa'me 'naqataqa jo'ne napaĝaguenataĝanaĝaco, naa'me jo'ne qoyedidiñe 'me uetedalegue janjo' nede.”

Apocalipsis 22:9

Qalaĝaja male jayem enapega: “Ena'te aua'uo da'me dojo', qa'a ch'e jayem lalemaĝajet joñe'me Dios, qama'le am jena'am, nach'e ena'ama di'me adaqaya' jo'ne Dios 'laqataĝanaĝanaqa nataq'aen ena'uaque jogaa'me jo'ne yoqocha'alo naa'me 'naqataqa 'me uetedalegue janjo' nede. Nach'edata da'me a'nonaĝachigui joñe'me Dios.”

Apocalipsis 22:18

Yemeda da'me ami jo'ne anaquiaĝañiyalo naa'me 'naqataqa jo'ne napaĝaguenataĝanaĝaco 'me qoyedetedalegue janjo' nede: male ami jaqataĝanaĝana'aque da'me qom 'uo ga'me anoqoteñegue naa'me naajo' 'naqataqa, qama'le Dios nach'e ena'am da'me en yaguegue qomle da'me en ane'uaĝanaguequi q'ae'n jogaa'me napite'nadi' jo'ne nach'egaua 'me qoyedetedalegue janjo' nede.