Apocalipsis 20:4 - Nuevo Testamento Toba Sombrero Negro

⁴ Ca'li yem qama'le yitaĝa jauanalo jogaa'me jiyaĝa'u laqaya' jo'ne netauelo gaa'me nejaliaĝaiqui', qa'a joote yacoteguet da'me lañoqotaĝanaĝa'j qaedi male dec'atenaĝa'n nataq'aen da'me daloqotenaĝa'n. Jogaa'me jiyaĝa'u jo'ne jauanalo nach'ediaua dia'me jo'ne joote yele'u da'me qoyichaĝadegue naa'me laqai'go, yajouaĝat da'me 'yaĝatetedac joca'li joñe'me Jesús, nataq'aen da'me dapaĝaguenataĝatedapec da'me 'laqatac joñe'me Dios. Jodia'me ja jetaque netametot ca'li ñe'me jiyac polio' choqoga'me mach'e lequi'i, qama'le nach'e ena'am da'me ja naje'teguet ta'le qoyanayelo naa'me laqai'go jaga'me 'nanaĝanaqate, uotaĝa ta'le qoyanayelo naa'me loua'. Qama'le jauanalo da'me yitaĝa nec'aledegue jogaa'me, qama'le ueteda'ajop joñe'me Cristo da'me qoyanema da'me lejaliaĝa'j chayovida'a qom yenoĝodegue ga'me mil 'uoidi.

Nuevo Testamento Toba Sur

⁴ Qaq can ime, nachi sela'a aso nso'onaxaquipi na nta'a. Qaq asomayipi nachi nso'ootangui som qoÿanem da nmit na nasouaxashitpi. Nataq'en sela'a na lqui'ipi nam qaipeteguec na lqaic co'ollaxa souaxat da i'axattac da l'aqtac ñi Dios mayi 'itchiguiñi naq'en so Jesús. Somayipi nachiso so sa ishit da ÿi'oxoden so shiguiÿac qataq som n'enaqtac lqui'i, qataq sa ishit da nashinguet aso l'anaxanaqte da yaqto' qai'an na latap, huo'otaq na lhuaq. Qaq sela'a somayipi da qaltaq qanca'alaxateec, nachi ltaua so Cristo da nta'alpi que'ecaua mil vi'iyi.

La'aqtaqa Ñim Lo'onatac 'Enauacna 2013

⁴ Qaq can ime, nache sela'a aso so'onaxaquipi. Qaq asomayepi nso'ootangui som qaỹalauatpi co'ollaxa, souaxat da saishet da ỹaxanec da lpi'iỹaxac So Jesús, qataq da la'aqtaxanaxac Ñim Lo'onatac 'Enauacna. Somayepi nacheso so saishet da ỹo'oxoren so shiguiỹac leguemaxaic qataq som ne'enaqtac maye lqui'i somaye, qataq saishet da nasheneguet aso la'anaxanaqte da yaqto' qaỹa'an na latap, qataq na lhuaq. Qataq sela'a somayepi da qaltaq nca'alec, nache Ñim Lo'onatac 'Enauacna ỹami' da lo'onataxanaxaua Ñim Lca'aguishec Ñimaye, choche iviraxattraue'c caua mil vi'iye.

Apocalipsis 20:4 Iomraidhean Croise

Mateo 19:28

Jesús 'yategueta jogaa'me: —Eja ami ja'aĝatema queda'me qom yovita ga'me nolo' laloqo' da'me ena'uac qoyadalaĝat, qom jayem jo'ne Jiyaĝaua Lec'oĝot jonaue ga'me p'ajaye yañoqotaĝanaĝac, ami jo'ne jayem oquitapegue' nach'e ena'am oñiyañelo qomle ga'me doce je'onaĝaiqui' 'me nejaliaĝaiqui qaedi ami lo'ol da'me auajoyiya'agueta da'me animichii' gaa'me chiyoĝogueta gaa'me doce Israel c'oqo'tepi.

Mateo 24:10

Qomle gaa'me noloqo'ote qayoĝode' gaa'me nematedapec qomle da'me lepe'e', nataq'aen ja neuotena't nataq'aen onolqa'tape p'ayapega't jogaa'me.

Marcos 6:16

Qalaĝaja ca'li domachiya da'me dojo' ñe'me Herodes queda'me qo'yaĝatetac joñe'me Jesús, qama'le enaac: “Nach'ena na'me Juan jo'ne jamaĝajoĝolegue ca'li qaedi qoyichaĝaye ga'me laqaic, qama'le jeetapega yitaĝa 'niyelaĝajeguem chiyaqauelo jogaa'me jo'ne joote yele'u.”

Marcos 6:27

Chane'eja paja'a yamaq jo'me coico le'ec qaedi yedouo ga'me laqaic ñe'me Juan. Ec ga'me coico le'ec yec'ata jaga'me coñetaĝanaĝaiqui, qama'le yichaĝaye ga'me laqaic ñe'me Juan,

Marcos 9:11

Qama'le yena't joñe'me Jesús: —¿Toqoch'e ga'me judiopi napaĝaguenoqo'tpi eetedapega da'me 'uaeñe novi' qomle jo'me Elías?

Lucas 1:17

Nach'eñe 'uau'tague ga'me dajo'tague ñe'me Jaliaĝanec, nataq'aen ue'tajop joñe'me Lepaqal choqoda'me lañoqotaĝanaĝac joñe'me, nach'e ena'am jo'me Dios 'laqataĝanaĝanec jo'ne Elías, qaedi netouenaĝanaĝa'n gaa'me net'al choqogaa'me c'oqo'te nataq'aen qaedi gaa'me qoleguetaĝanaĝaiquipi male yayate'n ta'le yoqochideta joñe'me Jaliaĝanec Dios. Naq'aeta da'me dojo' lajoĝoc da'me yivitaĝata't ga'me noic qaedi yacoteguet joñe'me.

Lucas 14:14

Qama'le qomle yataqachiñe 'uo da'me adamaic, qa'a mate mane'e jogaa'me ja yaqanate't ta'le am yejete'n, qalaĝaja 'uo qomle da'me anejetenaguec ga'me nolo' qomle 'niyelaĝadijeguem dia'me yataqatelo'te.

Lucas 22:30

qama'le ami ñeuanaĝa'u nataq'aen ami ñiyomaĝa'u qom auajoyiyalegue di'me yiqui'yaĝala' qom novi' da'me yejaliaĝa qomle, nataq'aen oñiyañelo ga'me nejaliaĝaiqui qaedi ami nec'atenoqo't ga'me jiyaĝadipi jo'ne chiyoĝogueta dia'me doce c'oqo'te di'me Israel.”

Juan 14:19

Qomle male ja jayem 'te yauata ga'me aleua laje'pi, qalaĝaja da'me ami qamqa'me yitaĝa jayem auañiya qomle, nataq'aen da'me adec'aletedaye qomle qa'a nach'e ena'am da'me jayem yitaĝa jec'aletaye qomle.

Romanos 11:15

Qa'a qom da'me qoyemaĝaeta ga'me judiopi chiyaqayi da'me qonauela'ajalo joga'me aleua laje'pi da'me 'viyelaĝatot joñe'me Dios, ¿Qo'li ja nauela'ajalo gaa'me jo'ne qoyaconegueta? ¡Ja ch'e jaleca da'me 'lonaĝa'j qomle gaa'me jo'ne joote yele'u!

Romanos 8:17

Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.

2 Timoteo 2:12

Qom ñapogaĝadenaq nayi qama'le nataq'aen qo'mi lejaliaĝa'u qomle. Qom qanemanec joñe'me nayi, qama'le ñe'me nach'e ena'am qo'mi nemaneque qomle.

Apocalipsis 1:2

Chane'eja male jechoĝot yema da'me jo'ne jauana, nach'edaua daa'me 'laqataĝanaĝaco joñe'me Dios, jo'ne 'yaĝatetedac joñe'me Jesucristo.

Apocalipsis 1:9

Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

Apocalipsis 11:11

Qalaĝaja qom yenoĝodegue jaa'me tres noloqo'ote nataq'aen jo'me laeñi jo'me nolo' laqaya, qama'le joñe'me Dios yajedelo'te jodia'me qaedi yitaĝa 'niyelaĝachidijeguem. Chane'eja yitaĝa ñidijeguem, qama'le ena'uaque jogaa'me jiyaĝa'u jo'ne yauata da'me dojo', male najaĝayelo da'me loqolanaqa'.

Apocalipsis 11:15

Ñe'me piyem le'ec laqaya jo'ne dajoyalo'te ñaa'me seis piyem laje' male yajediye jaga'me mach'e lajeede, qama'le qodomachiya ga'me nejamaĝa let'adaic jo'ne chimaqapegue di'me piyem jo'ne eetac: “Joñe'me jo'ne mach'e Qadejaliaĝanec Male nejaliaĝatelo'te yema jena'me aleua laje'pi Choqoñe'me Liquiyac joñe'me Qadet'a, Qama'le nach'eñe ñe'me jo'ne qaya'te ta'le loiquiaqa' da'me lejaliaĝa.”

Apocalipsis 11:3

Qama'le jamaĝalo'te qomle gaa'me dos 'yaqataĝanaĝanaqa jo'ne uo'oe gaa'me louo jo'ne napidalo'te, qaedi 'yaĝatetedac na'me 'yaqataĝanaĝac chayovida'a qom nalo'taguet da'me mil doscientos sesenta naa'me noloqo'ote.”

Apocalipsis 11:7

Qalaĝaja qom male yoma't ena'uaque da'me 'laqataĝanaĝa'j, qama'le joñe'me jiyac polio' male nenoĝojeguem chiyaqañgui jaga'me limaĝañi jo'ne qaya'te loiquiaqa', qama'le paja'a da'me deuo'yalo, qama'le noma't chayovida'a da'me male yala't.

Apocalipsis 12:11

Da'me lomataĝanaĝa'j jogaa'me qadaqaya'olqa chiyoĝotayi jaga'me letauo' joñe'me 'Naĝanaĝate Lec'oĝot, jaga'me letauo' jo'ne naliñi qoyen ca'li yeleu, Choqonaa'me 'naqataqa jo'ne 'yaĝate'tape. Ja t'oita da'me qoyalatalo'te, Dite da'me najetede'eguet da'me leleuaqa'.

Apocalipsis 14:11

Jana'me nemala' jo'ne layaliaĝac qoyen nach'e eta't da'me nenoĝojeguem, qaya'te loiquiaqa', qama'le gaa'me pi'yaĝadi choqogaa'me noloqo'ote qaya'te 'nomataĝaiqui' jogaa'me jo'ne netametot ñe'me jiyac polio' uotaĝa jaga'me lequi'i, nataq'aen jogaa'me jo'ne yacoteguet jaga'me 'lanaĝanaqate jo'ne uaye da'me lenaĝat.”

Apocalipsis 15:2

Nach'e ena'am jauana jaga'me qa'em lat'edai jo'ne yataqata chichiñe joga'me noĝop jo'ne yaleeguet ga'me dole' lauaq. Qama'le ga'me na'ña jaga'me qa'em lat'edai uo'oe ga'me jiyaĝadipi, naqaegaua jo'ne noma't ca'li ñe'me jiyac polio' choqoga'me jo'ne mach'e lequi'i, nach'eñe ñe'me jiyac polio' jo'ne 'uo ga'me naloqotenec jo'ne lenaĝat q'aen.

Apocalipsis 17:8

Ñe'me jiyac polio' jo'ne auana, nach'eñe 'me 'uo joca'li qalaĝaja nayi male joote yeleu, qama'le yitaĝa nenoĝojeguem qom'che, qaedi male qoyen loiquiaqa' da'me qoyolaĝachigui. Chane'eja qom yauata da'me dojo' ga'me jiyaĝadipi jo'ne uetedalegue jena'me aleua, gaa'me jo'ne ja qoyedidiñe naa'me lenaqa'te qama'le ja uedalegue jaga'me nede jo'ne uetedalegue joga'me jiyaĝadipi jo'ne qonec'alaĝatedegue, chiyoqotelegue joca'li yemta qoye'et jena'me aleua, qama'le yataqata yoqochetem qom'che, da'me yitaĝa yauata di'me jiyac polio' jo'ne 'uo joca'li, qama'le nayi joote yeleu, qalaĝaja nach'edi 'me yitaĝa nec'atequena qom'che.

Apocalipsis 2:26

Jogaa'me jo'ne yovidedeta da'me noma't joga'me ja no'en, nataq'aen da'me nach'e eta't quetalo'te daa'me mach'e 'yonataqa chayovida'a ga'me nolo' jo'ne p'ategue, qama'le janema qomle da'me je'n nejaliaĝatelo'te yema jogaa'me noyaqa.

Apocalipsis 20:6

Chane'eja ¡made'tapolqa nayi jogaa'me jo'ne uetedaue da'me dojo' 'me 'uaechiñe da'me yitaĝa qo'niyelaĝachidijeguem, qa'a nach'egaua jo'ne joote loqo'te ga'me noic 'me ja 'nalegue! Ga'me neleuaĝa jo'ne p'ategue qaya'te 'uo ga'me ee'teque jogaa'me, qa'a naqaegaua mach'e letaĝayaĝanaĝanaqa joñe'me Dios nataq'aen ñe'me Cristo, qama'le ueteda'ajop joñe'me da'me 'uo da'me lejaliaĝa'j chayovida'a qom yenoĝodegue joga'me mil 'uoidi.

Apocalipsis 22:5

Di'me 'nachaqa' jo'ne qaya'te pi'yaq, chane'eja jogaa'me jo'ne neteda'ña ja youetedaque ga'me lauaq jaga'me coyadaĝanaqate, uotaĝa ga'me ajeua lauaq, qa'a joñe'me Dios jo'ne Jaliaĝanec nach'eñe jo'ne yanema da'me yoqochiñe, qama'le nach'e ena'am da'me en uetedaue da'me lejaliaqa' yemeda naa'me 'uoidi.

Apocalipsis 3:21

Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.

Apocalipsis 4:4

Nach'e ena'am ga'me jo'ne equejop jaga'me neje'onaĝaiqui jo'ne lejaliaĝaiqui jauanalo gaa'me laqaya' jo'ne veinticuatro nejaliaĝaiqui' 'me je'onaĝaiqui', nach'egaua jo'ne netañelo jogaa'me veinticuatro 'yaĝaicachidi: yatedañe gaa'me louo jo'ne pagaĝayaqa choqogaa'me yanetayelo naa'me laqai'go gaa'me noqop'al jo'ne oro.

Apocalipsis 6:9

Mane'e ca'li ñe'me 'Naĝanaĝate Lec'oĝot naqat jajo'me quinto 'nanaĝanaqate, qama'le jauanalo dia'me uetedo'ot ga'me p'añe ga'me nec'atoĝonaĝala', jodia'me jo'ne joote qoyala't ca'li, yajouaĝat da'me ja yaĝadiñi da'me 'yaĝatetedac joñe'me Dios.

Apocalipsis 7:3

enaac: “¡Ena'te auauoyi ga'me a'vichiyec jo'ne ja no'en jena'me aleua uotaĝa ga'me noĝop let'adaic uotaĝa jogaa'me ep'a, chayovida'a qom yem da'me ja'anaq naa'me nepel jogaa'me jo'ne mach'e lalemaĝaje'te ñe'me Qanedios!”