Apocalipsis 20:2 - Nuevo Testamento Toba Sombrero Negro

² Jo'me piyem le'ec naviiñe ñe'me ñaĝadiaq polio', nach'eñe ñe'me nanaic jo'ne 'uaechiñe joca'li, joñe'me jo'ne lenaĝat qoyen da'me payac, nataq'aen da'me lenaĝat laqaya qoyen jo'ne Satanás, qama'le jo'me piyem le'ec yecoñe' joñe'me chayovida'a qom nalo'taguet mil na'me 'uoidi da'me en netaye lequet.

Nuevo Testamento Toba Sur

² Qaq se'eso namaxashic, somayi ÿaconeu'a so 'ico' da'ail'oc som l'atchiguiñi n'adaxanaq mayi nachiso so shiÿaxaua lma'na, l'enaxat Satanás, nachi icoñidai' mil vi'iyi.

La'aqtaqa Ñim Lo'onatac 'Enauacna 2013

² Qaq se'eso namaxashec, somaye loxonec so shiguiỹac maye 'eeta'am na na'araxanaq som la'atchiguiñi, maye ỹo'ot co'ollaxa da qauem somaye le'enaxat nataqa'en da pa'aguenataxanaxaic, nache icoñerai' mil vi'iye.

Apocalipsis 20:2 Iomraidhean Croise

Mateo 19:29

Nataq'aen ena'uaque gaa'me jo'ne queda'e ga'me 'lachaqa't, uotaĝa gaa'me laqaya'olqa, uotaĝa gaa'me let'al, uotaĝa gaa'me c'oqo'te uotaĝa 'naleua, qa'a jouaĝat da'me jayem quetegue, qama'le yitaĝa uoja'ega cien 'viyelaĝalegue da'me yitaĝa qoyanema qomle, nataq'aen nach'e ena'am qoyanema da'me 'loyaĝa'j 'me ja 'naidena'a.

Mateo 8:29

Qama'le 'yalaqa'tape: —¡Ena'te qo'mi aualequete'n, am Dios Lec'oĝot! ¿Qo'li auanaequena qaedi aua'uo qadachoĝodec qom maliaĝa ja jovitaĝa ga'me qadaloqo'?

Marcos 4:15

“Uo'oe gaa'me jiyaĝa'u jo'ne ena'ama gaa'me petal jo'ne tadi'ña ga'me naq'aec: jo'ne te'me domachita da'me 'naqataĝanaĝac, qalaĝaja qom yoĝo'yi da'me domachita qama'le novi' ñe'me payac jo'ne Satanás qama'le doĝotaĝanec ga'me jo'ne te'me qodanaĝanouelo naa'me lai'li.

Marcos 5:7

Eetojo' da'me 'lalaĝac: —¡Ena'te jayem auelequeten, am Jesús, jo'ne am Lec'oĝot ñe'me Dios jo'ne p'ajaye! ¡Am ñachoĝodenot qaedi ja jayem 'te auedaĝatelegue da'me yachoĝodec!

Juan 12:31

Nayi male 'uo da'me nec'ateneguec jena'me aleua laje'pi, male qoyamaĝaye ñe'me jo'ne damaĝajoĝonac jena'me aleua chayovida'a nayi.

Juan 16:11

Nataq'aen nach'eda da'me lec'atenaĝanaĝac ñe'me Dios: ñe'me jo'ne nejaliaĝatelegue jena'me aleua, joote 'uo da'me ne'uaĝanaguec.

Romanos 16:20

Qama'le ñe'me Dios jo'ne chiyoqo'ot da'me 'nemaĝac, paja'a yepataĝañi ñe'me qadauteua yacho'oto naa'me adapia'chidi'. Qama'le ñe'me Qadejaliaĝanec Jesucristo ami yanema qomle ga'me anichoĝodenataguequi.

Hebreos 2:14

Chane'eja queda'me yemeda gaa'me nec'oqo'te 'uo ga'me nejiyaĝauayaĝa'j, qama'le nach'e ena'am joñe'me Jesús da'me yaconeguet ca'li ga'me mach'e nejiyaĝauayaĝac, qaedi da'me leleuaĝa male en nomat ñe'me jo'ne 'uo da'me lañoqotaĝanaĝac da'me dalataĝan, nach'eñe ñe'me payac.

1 Pedro 5:8

Ena'te a'uochiitac, dite da'me a'nañaĝachela't, qa'a ñe'me adauteuai jo'ne payac ena'am ga'me jauaĝaic da'me 'loĝoyaĝac qama'le nomitetaque ga'me jetaque nolaĝachiñe.

2 Pedro 2:4

Dios ja yichoĝode'n joca'li jogaa'me piyem laje'pi jo'ne yauote da'me loe'j, dite da'me yamaĝadoue di'me ne'uaĝanaqa' qaedi yanetedaue joga'me 'lalaĝa, qama'le qoyajoqoteda'aguet ga'me nolo' p'ategue qom qoya'uo da'me nec'atenaĝanaĝac.

Judas 1:6

Nataq'aen anetoviñetac da'me uo'oe gaa'me piyem laje' jo'ne ja yiyamaĝatetedac joda'me mach'e 'lonataĝanaĝac, dite da'me queda'ae di'me yataqachiñe 'lachaqa't, qama'le Dios ye'tema ga'me necoñetague'j 'me ja 'naidena'a jo'ne 'lalaĝa, qaedi qoyajoĝoteda'a ga'me nolo' jo'ne p'ategue qom 'uo da'me ne'uaĝanague'j.

Apocalipsis 12:13

Ñe'me ñaĝadiaq polio', mane'e ca'li yauana da'me qonamaĝa'ña jena'me aleua, qama'le yecanac jañe'me yauo jo'ne 'uo ga'me lec'oĝot.

Apocalipsis 12:15

Ñe'me nanaic polio' nolec ga'me noĝop chayovida'a da'me ya'uo ga'me ñache qaedi yayoĝonegue jaga'me yauo,

Apocalipsis 12:17

Qama'le naqaeda 'me chiyaqayi da'me ma'ejama'le 'uo da'me lalemataic ñe'me ñaĝadiaq polio', yataqata nautena jañe'me yauo, qama'le ec qaedi deloiquitapegue'to jogaa'me yauo lec'oqo'te laqaya', naqaegaua jo'ne yoqochideta daa'me lamaĝajoĝonaĝaco joñe'me Dios, nataq'aen da'me yataqata quetede'egue na'me lapaĝaguenataĝanaĝac joñe'me Jesús.

Apocalipsis 12:3

Mane'e da'me yem da'me dojo', qama'le yitaĝa 'uo jo'me 'nanec laqaya jo'ne ua'ague di'me piyem: 'uo ga'me jiyac polio', jo'ne ena'am ta'le ñaĝadiaq da'me 'loyaĝac jo'ne tomaĝadaic. Uo'oe gaa'me siete laqai'go choqogaa'me diez gaa'me lepeel, qama'le onolqa'tape naa'me laqai'go uo'oe naa'me noqop'al.

Apocalipsis 12:4

Jena'me lauenec yauelegue onolec ga'me lae jena'me uaqachiñipi jo'ne nalo'taguet tres naa'me lael jo'ne netedot di'me piyem, qama'le yajaĝachi'ña jena'me aleua. Qama'le jo'me ñaĝadiaq polio' male neta'ña ga'me dajoya'ña jaga'me yauo jo'ne jetaque c'oe, qaedi yalic ga'me lec'oĝot da'me yemta niyiñe.

Apocalipsis 12:9

qama'le qoyamaĝaye ñe'me jiyac let'adaic jo'ne ena'am ta'le ñaĝadiaq da'me 'loyaĝac, nach'eñe ñe'me nanaic jo'ne 'uaechiñe 'uo joca'li jo'ne lenaĝat da'me Payac nataq'aen lenaĝat laqaya da'me Satanás, jo'ne yoqovi'n yema ga'me aleua laje'pi. Ñe'me Satanás nataq'aen ena'uaque jogaa'me mach'e lalemaĝajetpi male qonajaĝadi'ña jena'me aleua.

Apocalipsis 13:2

Jo'me jiyac polio' jo'ne jauana ena'am jena'me quedoc da'me 'loyaĝac, nataq'aen naa'me lapia'te ena'am ta'le potae lapia'te, qama'le jena'me nedegaĝat ena'am ta'le jauaĝaic nedegaĝat. Qama'le ñe'me ñaĝadiaq polio' yanem da'me 'lañaĝac jo'me jiyac polio', choqoga'me lañoqotaĝanaĝac let'adaic qaedi male 'uo da'me lejaliaĝa.

Apocalipsis 13:4

Chane'eja 'nonaĝachidegue ñe'me ñaĝadiaq polio', yajouaĝat da'me yanem da'me lañoqotaĝanaĝac ñe'me jiyac laqaya jo'ne diez naa'me laqai'go, qama'le nach'e ena'am da'me 'nonaĝachidegue ñe'me jiyac polio', qama'le eetapega't: “¿Jach'e ga'me nalo'te' jenjo' jiyac? ¿Jach'e ga'me yaqanate't ta'le delo'ye?”

Apocalipsis 20:10

Yem da'me dojo' qama'le joñe'me payac jo'ne yoqovi'n ena'uac joga'me jiyaĝadipi male nach'e ena'am da'me qoyajaĝañgui jaga'me limaĝañi jo'ne uetañgui joga'me dole' let'adaic, di'me jo'ne nach'e ena'am ua'ña da'me qoyajaĝa'ña joca'li joñe'me jiyac polio' choqoñe'me jiyaĝaua jo'ne ja eja da'me lapaĝaguenataĝanaĝac. Qama'le ua'ña da'me 'uo da'me lachoĝode'j yemeda naa'me pi'yaĝadi choqonaa'me noloqo'ote, qaya'te loiquiaqa'.

Apocalipsis 20:7

Mane'e qomle yenoĝodegue joga'me mil 'uoidi, qama'le ñe'me Satanás male yitaĝa qoyachiyoĝotaue da'me necoñetaĝanaĝaiqui da'me male yitaĝa qoyejoye,

Apocalipsis 9:11

Joñe'me jo'ne mach'e lejaliaĝane'j naa'me qojequioĝoil, nach'eñe ñe'me piyem le'ec jo'ne neteloqo't jaga'me limaĝañi lat'edai, da'me lenaĝat joñe'me Abadón, jo'ne 'laqata'j ga'me hebreopi, qama'le jogaa'me griego laje' da'me mach'e 'laqatac jo'ne Apolión, jo'ne eetojo' da'me “Lataĝanaĝaic.”