Apocalipsis 2:9 - Nuevo Testamento Toba Sombrero Negro

⁹ Joote jayaten da'me adachoĝodequi nach'e ena'am jayaten da'me qaya'te adeuoyaĝaqui, mate mane'e ena'am ta'le yataqata ami neuoyaĝadi, qama'le nach'e ena'am jayaten da'me eeta da'me ami dachinataĝalo'te jogaa'me jo'ne eetapela'ajalo lec'oqo'tepi joñe'me Dios. Qalaĝaja nach'egaua jo'ne ja p'etaqadayaqa, dite da'me chiyoqodayi da'me lemaĝac joñe'me Satanás.

Nuevo Testamento Toba Sur

⁹ Aÿim saÿaten 'enauac nam 'au'ottacpi qataq 'enauac na 'anque'ejnaxaguesat qataq dam 'adachoxoyic, nai'ctaxa da ÿataqta 'am sallaxanec. Qataq saÿaten da ÿataqta qauema naua ltaxaÿaxaco da 'am detaxaÿa nam 'eetega da judiopi, qalaxayi sa ishit da 'en. Chaqdata da namayipi i'amaqteetac so Satanás.

La'aqtaqa Ñim Lo'onatac 'Enauacna 2013

⁹ Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.

Apocalipsis 2:9 Iomraidhean Croise

Mateo 4:10

Qalaĝaja Jesús 'yateguet: —Am payac Satanás, jayem oca'e, qa'a da'me Dios 'laqatac enaac: «A'nonaĝachigui joñe'me Adejaliaĝanec jo'ne Anedios nataq'aen nach'eñeta a'uonataĝaneuo'o joñe'me.»

Lucas 12:21

Naq'aeta ga'me nauaneguet nale ga'me jiyaĝaua jo'ne ya'uo laponaqa' da'me leuoyaĝaco jo'ne jetaque mach'e yiyamaĝam, qalaĝaja ñe'me Dios en choĝodaq ga'me.”

Lucas 22:65

Qama'le ne'uenaĝatedapiye, gamachaqaega qo'yetec da'me qoye'uetac.

Lucas 4:18

“Joñe'me Lepaqal ñe'me Jaliaĝanec jayem ue'tajop, qa'a jayem yiyota'a qaedi ja'aĝatema da'me onaĝaic 'naqataĝanaĝac jogaa'me choĝodayaqolqa. Jayem namaĝaquena qaedi ja'aĝatetac da'me male qoyejodegue jogaa'me necoñetae's nataq'aen qaedi male jen yauana'ape jogaa'me qana'mi; nataq'aen qaedi male jen uojotedañi gaa'me jo'ne qoya'uo ga'me lachoĝode'j da'me qonejaliaĝatelo'te;

Lucas 6:20

Jesús yelochiguilo jogaa'me jiyaĝadipi jo'ne quetedapegue', qama'le yapaĝague'tape, enaac: “Ami made'tapolqa, ami jo'ne choĝodache, qa'a adeyamaqae'teguet da'me lejaliaĝa joñe'me Dios.

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

Hechos 26:11

Nach'e eta't jalate'tape nale jogaa'me qaedi jen nematedapec da'me lepe'e'. Qama'le nach'eda dojo' je'eteque ena'uaque jogaa'me nemaĝaiqui', nataq'aen yataqachiñe jalematatapalo jogaa'me qama'le jecaa'tape chayovida'alo gaa'me noyaqa jo'ne p'adegue.

Romanos 12:12

Ami made'tape nale qa'a 'uo da'me adajoĝonataĝanaĝaqui 'me ami uetauelo; 'noota qom auacoñiyeguet da'me at'añaĝaqui nale uo'oe gaa'me adachoĝodequi; ena'te anaĝañiyañi da'me anetamenaĝaqui.

Romanos 2:17

Am a'naĝatapela't judiopi le'ec auep'iya'alo daa'me namaĝajoĝonaĝaco jo'ne yepota'n ca'li ñe'me Moisés, nataq'aen ani'yoĝodetapiye ñe'me Dios.

Romanos 5:3

Nataq'aen ja jaldata da'me dojo', dite da'me nach'e ena'am ñi'yoĝodetapela't da'me uo'oe gaa'me qadachoĝodeco; qa'a jayatenaq queda'me qadachoĝodec qo'mi yanema da'me qadalo'oguet da'me qanapogaĝadenaĝac.

Romanos 8:35

¿Jach'e ga'me yaqanatet da'me qo'mi yaĝayaĝa'n qaedi qolaqa'e da'me loqopich'i ñe'me Cristo? ¿Qo'li yaqanatet ga'me qadachoĝodec, uotaĝa gaa'me qadaqalaico, uotaĝa ga'me qanaqanaguec, uotaĝa ga'me qadoqouat, uotaĝa qaya'te qadoĝot 'me janaĝaiñe, uotaĝa qom 'uo ga'me chaqae'ta uotaĝa neleuaĝa 'me qo'mi qoyalateque?

Romanos 9:6

Qalaĝaja ja naqaeda ta'le qaya da'me lajo'viyaĝa'j daa'me 'laqataqa ñe'me Dios jo'ne yanema gaa'me Israel c'oqo'tepi, dite da'me ja eja ta'le yemeda gaa'me lolelaĝaiquipi di'me Israel yataqachiñe c'oqo'te di'me Israel.

2 Corintios 6:10

Ena'am ta'le qo'mi totelo'te, qalaĝaja nach'e eta't qo'mi made'tape. Ena'am ta'le qo'mi choĝodache, qalaĝaja qayoĝode' gaa'me jenaĝa neuoyaĝadi. Ena'am ta'le qaya'te jauanaĝa, qalaĝaja joote yema jauanaĝa.

2 Corintios 8:2

Temaqaedi da'me joote tauelo gaa'me qayoĝode' laqalaico, qalaĝaja nach'e eta't made'tape jogaa'me. Mate mane'e choĝodache, qalaĝaja jaga'me lajaqaje' ena'am ta'le neuoyaĝadi.

2 Corintios 8:9

Ami auayachiñe ñe'me Qadejaliaĝanec Jesucristo yataqachiñe neuoyaq ca'li, qalaĝaja queda'me ami noqopitalo qama'le nec'ata jena'me aleua, yaconeguet da'me lachoĝodec qaedi ami auovidiya'a da'me ami neuoyaĝadi.

1 Ts 3:4

Nach'e ena'am ca'li cha'li ami jouaqatauelo, joote ami ja'aĝatapema queda'me gamachaqaega nolo' male jaĝaue ga'me qadachoĝodec, qama'le nayi naqaena male 'uo, qalaĝaja joote auayachiñe.

1 Timoteo 1:13

qa'ejole ca'li ja 'noe'n nale gaa'me ñenaĝatedegue jo'ne je'n yeloteda'a nale ñe'me Jesús, jecaa'tape jogaa'me lalemaĝaje'te nataq'aen da'me je'ue'tape, jeetapegalo ja 'noe'n. Qalaĝaja ñe'me Jesús yataqata jayem yichoĝoden, qa'a yajouaĝat da'me maliaĝa ja jep'iya'a joñe'me, nataq'aen yataqata ja jayaten joga'me jauotac, yataqata jejomac.

1 Timoteo 6:18

Nataq'aen a'uaĝatema qaedi yauote da'me 'noota, qa'a da'me onaĝayaqa 'lonataqa ena'am ta'le yataqata neuoyaĝaco. Nataq'aen 'noota ta'le ja jemataqayaqa, nataq'aen onaĝaicaloec.

Apocalipsis 1:9

Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

Apocalipsis 2:13

Joote jayaten da'me oñiita'ña di'me na'ña joga'me lejaliaqa' ñe'me Satanás, qalaĝaja da'me ami nach'edata da'me jayem oquitalegue, ja anemachiyapec da'me jayem auep'iiya'a, temaqaedi da'me qoyalat joca'li di'me Antipas, 'yaqataĝanaĝanec jo'ne yataqatelegue, nach'edi jo'ne ua'ña di'me noic jo'ne neta'ña ñe'me Satanás.

Apocalipsis 2:2

Joote jayaten yema da'me auauoyi, nataq'aen jayaten da'me 'uo da'me laqalaic da'me jo'ne at'onataĝanaĝaqui, choqoda'me nach'e eta't da'me ja aĝañiñi, nach'e ena'am jayaten da'me ja auaqanachichi ta'le anapogaĝadeñiyegueta jogaa'me jiyaĝa'u jo'ne ja 'noe'n, qama'le nach'e ena'am jayaten da'me analoqochiñe nale jogaa'me jo'ne eetapela'ajalo Dios lamaĝa's qalaĝaja ja naqaegaua, qama'le auanomiya'a da'me nach'egaua jo'ne pecayaqa.

Apocalipsis 2:24

Qama'le da'me ami Tiatira laje' jo'ne ja oqui'tegue da'me dojo' napaĝaguenataĝanaĝac jo'ne ja eja, qama'le ja auovidiya'a da'me auayachiñe da'me jo'ne qoyetapega joga'me ja di'yoq jo'ne chiyaqayi joñe'me payac Satanás, ami ja'aĝatema da'me qaya'te 'uo ga'me ami jachalo'te nayi,

Apocalipsis 3:9

Auec'achiñe da'me jo'ne je'eteque jogaa'me jo'ne chiyoqodayi da'me lemaĝac ñe'me Satanás, jogaa'me jo'ne pecayaqa da'me eetapela'ajalo nach'egaua jo'ne lec'oqo'tepi joñe'me Dios, qalaĝaja ja naqaegaua: jen qomle da'me ami yec'atalo qaedi yejoidiñe naa'me leliquetel da'me ami dajo'tagueta, qama'le yataqata yayate'n da'me jayem eja da'me ami joqopitalo.

Apocalipsis 7:14

Qama'le ja'ateguet: “Negue't. Naqa'am jo'ne auayaten, am jaliaĝanec.” Qama'le jayem 'yaĝatem: “Naa'me naajo' jo'ne nach'enaua 'me chiyoqodaue da'me lachoĝode'j let'adaic, nach'enaua jo'ne joote yiyo'y naa'me louo, yataqata yapaga't q'ae'n, yajouaĝat da'me yiyoĝotec jaga'me letauo' joñe'me 'Naĝanaĝate Lec'oĝot.