Apocalipsis 2:5 - Nuevo Testamento Toba Sombrero Negro

⁵ Chane'eja auenache'ta ga'me eeta da'me at'oyaĝaqui ca'li 'uaechiñe, qa'a nayi ja ena'am dite da'me ena'am ta'le auachiyaqajeguem, qama'le nayi 'noota qom a'niyelaqaeyot ñe'me Dios, qaedi yitaĝa auauoyi da'me jo'ne 'uaechiñe at'onataĝanaĝaqui. Qalaĝaja qom ja auauoyi da'me dojo' qama'le ami jec'atalo qama'le jen ca'ae ga'me 'lachaqa' jaga'me adecoyadaĝanaqate, qom ja yitaĝa jetaque a'niyelaqaeyot ñe'me Dios.

Nuevo Testamento Toba Sur

⁵ Qaq ÿoqo'oyi 'auennate qome cam huaña da 'am 'auanajñi. Ime, qaq 'anadalaxat ca 'adataxac, nachi 'au'ot som hua'auchiguiñi co'ollaxa da 'au'ottac. Ten, qom saqaÿaloq da 'am ñoqo'ona, nachi seuotaxanec añi 'adcoÿadaxanaxaqui. Qalaxayi qom 'anadalaxat da 'adataxac, qaq sa ishit da seuotaxanec.

La'aqtaqa Ñim Lo'onatac 'Enauacna 2013

⁵ Qaq ỹoqo'oye 'auennate qome da 'auachegoqta'ague, ime, nache 'avi'eguelaxa da 'auauotec Ñim Lo'onatac 'Enauacna. 'Axaañi da 'auo'ottac da qauem, nache 'avi'eguelaxa da hua'auchiguiñi 'arataxac. Qaq da saishet da nache qonetec de'era, nache Aỹem 'am ñeqo'ona da sauo'o ca 'anhuaxanaguec, qataq ñeqochenaxat añi ncoỹaraxanaxaqui maye 'am hueto'ot.

Apocalipsis 2:5 Iomraidhean Croise

Mateo 5:14

“Nataq'aen ami lecoyadaĝanaqate jena'me aleua. Ga'me noic jo'ne nalegue ga'me qajoĝonaĝa 'me qayaje'mec ja yaqanatet ta'le nañoĝochiñe.

Mateo 5:15

Nale qoyetetoue jaga'me coyadaĝanaqate, ja 'noota ta'le qoyanaue ga'me yedapega't; dite da'me qoyanalegue ga'me qayaje'mec qaedi yecoyadelo'te ena'uaque gaa'me netedaue ga'me emec.

Marcos 12:9

“Chane'eja, ¿jach'e ga'me auepíchitapega da'me ya'uo qomle ñe'me ladipa ga'me nanaĝanaqa'? Ami ja'aĝatema queda'me naequena qama'le yala't gaa'me e'n yelodelegue ga'me lanaĝanaqa', nataq'aen ga'me uva lichidijat yanema gaa'me jiyaĝa'u laqaya'.

Lucas 1:17

Nach'eñe 'uau'tague ga'me dajo'tague ñe'me Jaliaĝanec, nataq'aen ue'tajop joñe'me Lepaqal choqoda'me lañoqotaĝanaĝac joñe'me, nach'e ena'am jo'me Dios 'laqataĝanaĝanec jo'ne Elías, qaedi netouenaĝanaĝa'n gaa'me net'al choqogaa'me c'oqo'te nataq'aen qaedi gaa'me qoleguetaĝanaĝaiquipi male yayate'n ta'le yoqochideta joñe'me Jaliaĝanec Dios. Naq'aeta da'me dojo' lajoĝoc da'me yivitaĝata't ga'me noic qaedi yacoteguet joñe'me.

Lucas 20:16

Ami ja'aĝatema queda'me naequena qomle qama'le yala't jogaa'me onataĝanaĝayaqa, nataq'aen ga'me uva lichidijat yanema gaa'me jiyaĝa'u laqaya'.” Mane'e ca'li domachita da'me dojo' jogaa'me, enapega't: —¡'Noota qom ja naq'aeta da'me dojo'!

Gálatas 5:4

Jogaa'me jo'ne eetedapega Dios yaconegueta queda'me que'teguelo daa'me namaĝajoĝonaĝaco, de'uotedapeguet da'me loqopich'i ñe'me Dios qama'le ja yemetede'eguet ñe'me Cristo.

Filipenses 2:15

qaedi yataqata ami ja 'nalo'te qama'le qaya'te 'uo ga'me ami yepoleguelo'te. Da'me ami mach'e Dios lec'oqo'tepi jo'ne qaya'te qoyen adaviyaĝajet, qalaĝaja queda'me oviyauelo ga'me aleua laje'pi jo'ne p'aguenataĝanaĝayaqa nataq'aen jiyaĝa'u jo'ne loeco lo'olpi, 'noota qom nach'e eta't aueñi di'yoq joga'me onaĝaic, aueñiya'ama gaa'me uaqachiñil da'me yecoyadelegue na'me 'lalaĝa.

Hebreos 10:32

Qalaĝaja da'me ami auenache'talo jaa'me noloqo'ote jo'ne yenoĝodegue joca'li da'me yemta auacoñiyeguet da'me yoqochiñe. Ua'a ca'li yataqata 'uo da'me adeloiquiaĝaqui let'adaic, qalaĝaja ja aĝañiñi da'me adepi'i, dite da'me 'uo da'me at'añaĝaqui da'me anapogaĝadeñiyeguet da'me adachoĝodequi.

2 Pedro 3:17

Chane'eja, ami yaqaya'olqa, da'me male joote auayachiñe da'me dojo' 'naqataĝanaĝac, 'noota qom yataqata anechilela't, qaedi ja ami 'te yauetegue da'me loqovinaĝanaĝa'j jogaa'me loeco lo'olpi, qama'le ja 'naĝat da'me chimaqachiñe jo'ne ami uetauelo.

Judas 1:24

Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.

Apocalipsis 1:20

Naa'me naajo' jo'ne ja di'yo't 'me siete uaqachiñil jo'ne auanalo da'me uetedaye jenjo' youaq jo'ne yayaten nataq'aen naa'me siete coyadaĝanaqatel jo'ne oro: jonaa'me siete uaqachiñil nach'enaua jo'ne piyem laje' 'me yelolo'te gaa'me siete tamenaĝaiqui', qama'le naa'me siete coyadaĝanaqatel jo'ne auanalo nach'enaua jo'ne siete naa'me tamenaĝaiqui'.

Apocalipsis 16:9

Chane'eja joga'me jiyaĝadipi male yaviyaĝat ga'me nipiyaĝac let'adaic, qalaĝaja nach'e ena'am ja jetaque 'viyelaĝadetot joñe'me Dios, nataq'aen da'me qaya'te li'yoĝodenataĝanaĝa'j joñe'me. Nach'edata da'me yemeda'a da'me nach'e eta't ye'uetedac joñe'me Dios, nach'eñe jo'ne 'uo da'me lañoqotaĝanaĝac yaqanatet da'me 'uo ga'me yamaĝa jogaa'me napite'nadi choqogaa'me 'lonataqa laqaya'.

Apocalipsis 2:16

Chane'eja a'niyelaqaeyot nayi ñe'me Dios yema da'me ami, qa'a qom ja naq'aeta da'me auauoyi, qama'le paja'a da'me ami jec'atalo qaedi jeloi'ye'to jogaa'me, qa'a 'uo na'me yedaĝanaĝat jo'ne chiyaqaue jena'me ñedegaĝat.

Apocalipsis 2:19

Joote jayaten yema da'me auauoyi, nach'e ena'am da'me jayaten da'me 'uo da'me adoqopich'ii choqoda'me adepi'i, choqoda'me ami chimadichidiñe, qama'le nach'e ena'am da'me nach'e eta't da'me oquitalegue da'me at'onataĝanaĝaqui, nataq'aen jayaten da'me jo'ne auauoyi nayi yataqata napacalegue da'me at'onataĝanaĝac jo'ne 'uaechiñe.

Apocalipsis 2:2

Joote jayaten yema da'me auauoyi, nataq'aen jayaten da'me 'uo da'me laqalaic da'me jo'ne at'onataĝanaĝaqui, choqoda'me nach'e eta't da'me ja aĝañiñi, nach'e ena'am jayaten da'me ja auaqanachichi ta'le anapogaĝadeñiyegueta jogaa'me jiyaĝa'u jo'ne ja 'noe'n, qama'le nach'e ena'am jayaten da'me analoqochiñe nale jogaa'me jo'ne eetapela'ajalo Dios lamaĝa's qalaĝaja ja naqaegaua, qama'le auanomiya'a da'me nach'egaua jo'ne pecayaqa.

Apocalipsis 3:19

Da'me jayem jachimaĝategue da'me 'loyaĝa'j yema jogaa'me jo'ne joqopitalo, nataq'aen japaĝaguenataĝa'n jogaa'me. Chane'eja 'noota qom yataqata a'nañaĝachi qama'le a'niyelaqaeyot ñe'me Dios.