Apocalipsis 19:10 - Nuevo Testamento Toba Sombrero Negro

¹⁰ Chane'eja te'me jejoidiñe naa'me yeliquetel, jejocoto naa'me lapia'te joñe'me piyem le'ec queda'me te'me 'ñonaĝachigui, qalaĝaja jayem uaqata: “Ena'te aua'uo da'me dojo', qa'a naqayem jo'ne ch'e jayem Dios lalemaĝajet, qama'le nach'e am jena'am, choqogaa'me adaqaya'olqa jo'ne nach'e eta't da'me 'yamaqate'n naa'me 'laqataqa joñe'me Jesús. Nach'eñeta ñe'me Dios jo'ne a'nonaĝachigui.” Qa'a naa'me 'laqataqa joñe'me Jesús, nach'enaua jo'ne 'yañaqate't joñaa'me Dios 'laqataĝanaĝanaqa.

Nuevo Testamento Toba Sur

¹⁰ Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

La'aqtaqa Ñim Lo'onatac 'Enauacna 2013

¹⁰ Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Apocalipsis 19:10 Iomraidhean Croise

Mateo 4:10

Qalaĝaja Jesús 'yateguet: —Am payac Satanás, jayem oca'e, qa'a da'me Dios 'laqatac enaac: «A'nonaĝachigui joñe'me Adejaliaĝanec jo'ne Anedios nataq'aen nach'eñeta a'uonataĝaneuo'o joñe'me.»

Marcos 5:22

Qama'le 'uo ñe'me jiyaĝaua jo'ne novita jo'ne lejaliaĝanec ga'me judiopi lemaĝaiqui, 'me lenaĝat Jairo. Ca'li yauana ñe'me Jesús qama'le najonoto gaa'me lapia'te joñe'me,

Marcos 7:25

Qama'le 'uo jañe'me yauo jo'ne payac lepaqal uetaye jaga'me c'oqote: mane'e ca'li noma'a joñe'me Jesús jañe'me, paja'a yec'ata nataq'aen najonoto gaa'me lapia'te joñe'me.

Lucas 1:19

Joñe'me piyem le'ec 'yateguet: —Mach'e jayem Gabriel, jayem lamaĝajec joñe'me Dios. Joñe'me jayem namaĝaquena qaedi am janem da'me dojo' 'naqataĝanaĝac jo'ne onaĝaic.

Lucas 24:44

Yem qama'le yanema da'me 'laqatac: —Ga'me jo'ne 'uo jaa'me jaajo' noloqo'ote nach'ega jo'ne joote ami jaqataĝatapeque da'me cha'li maliaĝa ami jouetauelo; jo'ne nach'egaua male yepaquichiguilo ena'uaque gaa'me qoyedidiñe 'me jayem 'yaĝatetedac gaa'me nedii's jo'ne lamaĝajoĝonaĝaco di'me Moisés, choqogaa'me ledii's dia'me Dios 'laqataĝanaĝanaqapi nataq'aen jaga'me nede jo'ne lenaĝat Nalacpi.

Juan 5:39

Da'me ami 'uo da'me adetelaĝaqui nale anapaĝagueñiyalo naa'me nedii's queda'me 'uo da'me adeuataqataĝanaĝaqui qaedi auejomiyalegue ga'me nec'alaĝa jo'ne qaya'te loiquiaqa'. Mate mane'e daa'me daajo' nedii's jo'ne jayem 'yaĝatetedac,

Hechos 10:43

Ena'uaque dia'me Dios 'laqataĝanaĝanaqa joote 'yaĝatetedac ca'li ñe'me Jesús, nataq'aen joote 'yaĝate'tape gaa'me jo'ne p'iida'a ñe'me Jesús queda'me joñe'me nach'eñe yapalaĝa't jodaa'me loeco.”

Hechos 13:27

Qa'a gaa'me jo'ne neda'ña di'me Jerusalén nataq'aen gaa'me lejaliaĝanaqa ja yatetoteguet ñe'me Jesús, uotaĝa ta'le yayate'n gaa'me 'laqataqa dia'me Dios 'laqataĝanaĝanaqa jo'ne qoyec'ate'n nale uedaue gaa'me lemaĝaiqui yemeda gaa'me noloqo'ote 'me niyamaqataqa. Qama'le naq'aeta da'me mach'egaua, ca'li yala't ñe'me Jesús, qama'le yepaquichiguilo gaa'me jo'ne joote qo'yaĝate'tape.

2 Corintios 8:7

Ena'uac ami qoyayate'n queda'me yataqachiñe ami 'noote': nataq'aen ja aualajaĝañi da'me auep'iiya'a joñe'me Dios, 'noote' naa'me at'aqataqa, yaguegue da'me adayatenaĝanaĝaqui, ami yatenaĝanaĝayaqa, 'uo da'me adamaiqui ta'le alecochiiyalo jogaa'me adaqayadi' nataq'aen jalcote qo'mi adoqopichiyalo. Nayi auec'auayegue onaĝaic ga'me adajoĝoqui.

Efesios 5:15

Chane'eja 'noota qom yataqata auenache'ta nale joga'me jetaque auauoyi, qama'le ena'te auadenaĝachi' gaa'me chiyoĝo's dite gaa'me yatenaĝanaĝayaqa.

Efesios 5:33

Qalaĝaja da'me dojo' 'naqatac nach'e ena'am yelo'teguet da'me noqopitaĝanaĝana't jogaa'me noua'. Chane'eja joga'me le'em, 'noota qom yataqata noqopita jaga'me loua, ena'am nale noqopitela't, qama'le jaga'me yauo, 'noota qom 'nonaĝachigui joga'me loua, yataqata lecochiya.

Filipenses 3:3

Qa'a mach'e qo'mi jo'ne yataqata qo'mi qoye'n Dios lec'oqo'tepi. Qalaĝaja da'me dojo' ja chiyaqayi da'me ch'e qoyichaĝaye na'me qadapat, dite da'me chiyaqayi joñe'me Dios Lepaqal jo'ne qo'mi uetauelo. Naqaeñe jo'ne qo'mi yaqataĝata'ajalo qaedi 'ñonaĝataĝaye joñe'me Dios nataq'aen e'n qo'mi made'tape jouaĝat da'me jouaqa'tajop joñe'me Jesucristo.

1 Ts 5:15

Auelaĝañitapema ena'uaque jogaa'me jo'ne te'me lelnataĝa'j da'me jetaque yauote lovi' joga'me laqaya, qa'a jena'me jenjo' yataqata ja no'en, dite da'me a'nañaĝachi da'me yataqata a'vichi joga'me 'noota ladic, qa'a jena'me jenjo' yataqata 'noota, da'me mach'e ami anoqopichiila't ena'uaque, nataq'aen aueñe'tema naa'me adaqayadi' jo'ne qaya'alo jo'ne neda'ña jena'me jenjo' aleua.

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

Hebreos 12:25

Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?

1 Juan 5:10

Joga'me jo'ne p'iya'a joñe'me Dios Lec'oĝot yachitaue ga'me lauel da'me dojo' Dios 'laqataĝanaĝac; ga'me jo'ne ja p'iya'a joñe'me Dios qamqa'me en pecaic joñe'me, qa'a ja p'iya'a da'me 'laqataĝanaĝac joñe'me queda'me dechoqotaĝanec joñe'me Lec'oĝot.

1 Juan 5:21

Ami yalaqapi, achiya'agueta jo' naa'me qonetamenapecoto jo'ne ja ejoda.

Apocalipsis 1:1

Jenjo' jo'ne qoyen di'yoq, da'me jo'ne maliaĝa ja qoyayate'n jo'ne Dios yane'm joñe'me Jesucristo, qaedi yayatenaĝanaĝaneque jogaa'me mach'e lalemaĝaje'te ga'me jo'ne paja'a 'uo qomle, chane'eja jayem namaĝa ñe'me lamaĝajec jo'ne piyem le'ec qaedi jayem yayatenaĝanaĝan, da'me jayem Juan jo'ne mach'e jayem lalemaĝajet joñe'me.

Apocalipsis 1:9

Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

Apocalipsis 12:11

Da'me lomataĝanaĝa'j jogaa'me qadaqaya'olqa chiyoĝotayi jaga'me letauo' joñe'me 'Naĝanaĝate Lec'oĝot, jaga'me letauo' jo'ne naliñi qoyen ca'li yeleu, Choqonaa'me 'naqataqa jo'ne 'yaĝate'tape. Ja t'oita da'me qoyalatalo'te, Dite da'me najetede'eguet da'me leleuaqa'.

Apocalipsis 12:17

Qama'le naqaeda 'me chiyaqayi da'me ma'ejama'le 'uo da'me lalemataic ñe'me ñaĝadiaq polio', yataqata nautena jañe'me yauo, qama'le ec qaedi deloiquitapegue'to jogaa'me yauo lec'oqo'te laqaya', naqaegaua jo'ne yoqochideta daa'me lamaĝajoĝonaĝaco joñe'me Dios, nataq'aen da'me yataqata quetede'egue na'me lapaĝaguenataĝanaĝac joñe'me Jesús.

Apocalipsis 14:7

Qama'le netenec da'me 'laqatac jo'ne eetac: “At'oiya'aguet ñe'me Dios qama'le a'nonaĝachiyegui joñe'me, qa'a male yovita da'me laloqo' da'me ya'uo lec'atenaĝanaĝac. Anetameñiyot ñe'me jo'ne ya'uo di'me piyem nataq'aen jena'me aleua nach'e ena'am joga'me noĝop let'adaic choqoga'me noĝop jo'ne natetajeguem.”

Apocalipsis 15:4

Am Jaliaĝanec, ¿jach'e jogamaĝa yaqanatet ta'le ja am 'te t'oiya? ¿Jach'e jogamaĝa ja am 'te 'nonaĝachichigui? Qa'a naqa'am jo'ne am Onolec da'me ja am 'te 'nalegue; Ena'uaque naa'me noyaqa let'adayaqa na'taquena qomle, Qama'le am 'nonaĝachidegue, Qa'a da'me adec'atenaĝanaĝac joote aualoĝon Nataq'aen da'me qonauachigui yema.”

Apocalipsis 19:9

Qama'le jayem dojapegue' joñe'me piyem le'ec, enaac: “Nayi auediñe da'me dojo': «Made'tapolqa jogaa'me jo'ne joote qoyayatenaĝanaĝaneque ga'me neualaĝayaĝaiqui jo'ne 'lonaĝaiqui joñe'me 'Naĝanaĝate Lec'oĝot.»” Yem qama'le yitaĝa jayem noqoteteneque: “Naa'me naajo' 'naqataqa jo'ne yataqachiñe ejoda daa'me 'laqataqa joñe'me Dios.”

Apocalipsis 4:10

qama'le jogaa'me veinticuatro 'yaĝaicachidi yejoidiñe naa'me leliquetel da'me dajoyeda'aguet joñe'me qama'le yatem da'me loqopich'i nataq'aen da'me yajaĝadi'ña jogaa'me noqop'al joga'me dajoya'ña jaga'me neje'onaĝaiqui qama'le yo'o'n: