Apocalipsis 17:4 - Nuevo Testamento Toba Sombrero Negro4 Jañe'me yauo yatedañe ca'li jogaa'me 'netaqa'te jo'ne 'uo ga'me malaĝadaic da'me 'loyaĝa'j choqoga'me tomaĝadaic. Nataq'aen uo'oe jogaa'me li'yodaqa'te laqaya' jo'ne oro choqogaa'me qadi jo'ne onaĝayaqa choqogaa'me perlas. Nataq'aen lajoqot'a jaga'me yomaĝaiqui jo'ne oro 'me jaqachigui q'aen da'me ja no'en jo'ne ye'et, 'me yalequetenat da'me lequejeguetaĝa jo'ne paĝachigui. Faic an caibideilNuevo Testamento Toba Sur4 Qaq asa'aso 'alo da l'oguiaxac naua alogo, qalaq tocalec na lmalaqa' qataq na togaxadaic. Qataq na n'otaxatpi ndoteec na chigaqaigui na oro qataq na qashilgaxadaic coma' qataq ana perla. Qaq asomayi lasoqta'a aso ÿomaxaqui mayi chigaqaigui na oro. Qaq asa'aso ÿomaxaqui ÿataqta nlaqchigui nam i'ot da nqaigaxa qataq nam 'ico' lshipaxanaxa dam nquishishaxac. Faic an caibideilLa'aqtaqa Ñim Lo'onatac 'Enauacna 20134 Qaq asa'aso 'alo da lo'oxoỹaxac naua alogo, qalaq naueralec da ltogaxa qataq togaxaraic. Qataq na no'otaxatpi ndotec na chegaqaigui na oro qataq na no'on coma' qataq ana perla. Qaq asomaye na lhuaq aloiguishec nasoqta'a aso ỹomaxaqui maye chegaqaigui na oro nlaqchigui na lataxa. Qaq se'eso lataxa naigui na qalota ỹo'ottac qauem qataq da ỹo'oxoreetac nam qanatameetacotpi maye saq 'en. Faic an caibideil |
nach'egaua jogaa'me li'yaco jo'ne oro, plata, qadi jo'ne onaĝayaqa, perlas, laqañe jo'ne onaĝayaqa choqoga'me seda jo'ne 'loyaĝac da'me tomaqalegue nataq'aen ga'me tomaĝadaic; yema jana'me epaq jo'ne yodapecache da'me laetayaĝac jo'ne jama; choqogaa'me 'nonataqa jo'ne chiyoqodayi ga'me marfil, nataq'aen gaa'me chiyaqayilo gaa'me ep'a jo'ne onaĝayaqa daa'me 'loyaĝaco, nach'e ena'am jena'me bronce, nataq'aen jena'me yataqachiñe laicaua nataq'aen jena'me marmol;
Chane'eja nayi male enapega't: “Da'me am jo'ne am noic let'adaic, ¡degueja da'me adachoĝodec nayi! Qa'a auatedañe ca'li naa'me adeuo jo'ne lino 'me pagaĝaic da'me 'loyaĝac, choqoda'me 'loyaĝac laqaya jo'ne tomaqalegue nataq'aen da'me tomaĝadaic, qama'le nach'e ena'ama naa'me adi'yoĝodaqa'te jo'ne oro, nataq'aen perlas choqonaa'me qadi jo'ne onaĝayaqa.
'Uo da'me chiyaqayi da'me lec'atenaĝanaĝac joñe'me Jo'ne chimaqachiñe, nataq'aen da'me chiyaqayi da'me eja; Qa'a nach'eñe jo'ne ya'uo da'me ne'uaĝanaguec Jañe'me quejeguetaĝai lat'edai, Yajouaĝat da'me lequejeguetaĝa jo'ne 'naĝa't ena'uaque Joga'me jiyaĝadipi jo'ne neteda'ña jena'me aleua. Chane'eja 'yiyelaĝatec jañe'me yauo da'me leleuaqa' jodia'me mach'e lalemaĝaje'te.”
Gaa'me doce jo'mi nach'egaua gaa'me doce perlas, qama'le onolqa'tape ga'me jom nedo'ta't onole jana'me perla. Qama'le joga'me naq'aeuo jo'ne uañe laeñi di'me noic yajamaĝat jana'me oro, da'me qaya'te ta'le lale'gue, qama'le da'me 'loyaĝac ena'am ta'le cristal da'me yataqata chichiñe nataq'aen 'yaqaye.