Apocalipsis 17:3 - Nuevo Testamento Toba Sombrero Negro

³ Chane'eja 'uo da'me yem da'me jo'ne jayem yec'atenaĝanaĝanec ñe'me Dios Lepaqal, da'me jayem qoyauegue di'me aleua jo'ne totapega't. Qama'le jauana jañe'me yauo jo'ne netalegue ñe'me jiyac polio' jo'ne tomaĝadaic da'me 'loyaĝac, ñe'me jo'ne uetedalegue yema jena'me lo'oc naa'me nenaqa'te jo'ne ye'uetedac joñe'me Dios, ñe'me jiyac jo'ne siete naa'me laqai'go choqonaa'me lepeel nach'e ena'am da'me diez.

Nuevo Testamento Toba Sur

³ Qaq can ñaq sootaigui se'eso ÿauanaqchic mayi aÿim ÿanem so Espíritu Santo, nachi se'eso namaxashic aÿim ÿauega so tojlec 'alhua. Huaña somayi, nachi sela'a aso 'alo netalec so shiguiÿac togaxadaic mayi nanettalec 'enauac na l'oc na n'enaxatpi mayi ÿataqta npa'aguene' ñi Dios. Qaq somayi siete na lqaicpi, qataq diez ana lcouepi.

La'aqtaqa Ñim Lo'onatac 'Enauacna 2013

³ Qaq can ñaq sootaigui se'eso ỹauanaqchec maye aỹem ỹanem So Saqcha'a La'añaxac Ñim Lo'onatac 'Enauacna, nache se'eso namaxashec piguem le'ec aỹem ỹauegueuga so toolec 'alhua. Huaña somaye, nache sela'a aso 'alo netalec so shiguiỹac leguemaxaic togaxaraic da lo'oxoỹaxac. Se'eso shiguiỹac leguemaxaic siete naua lqaigo, qataq diez naua lcouel somaye nanettalec 'enauac na lo'oc na ne'enaxatpi maye ỹataqta npa'aguene' Ñim Lo'onatac 'Enauacna.

Apocalipsis 17:3 Iomraidhean Croise

Mateo 27:28

Qonaqa't gaa'me leuo nataq'aen qoyen nojomaĝaqui'ña ga'me napoto 'me tomaĝadaic da'me 'loyaĝac

Hechos 8:39

Ca'li queda'ae ga'me noĝop jogaa'me, qama'le ñe'me Jaliaĝanec Lepaqal paja'a da'me yauec ñe'me Felipe. Chane'eja ñe'me Etiopía le'ec ja yitaĝa yauana, qalaĝaja yataqachiñe najaqachigui da'me lamaic ga'me ladic.

2 Ts 2:4

Jenjo' jiyaĝaua jo'ne ja no'en, naqaena jo'ne yataqata nautena joñe'me Dios, chayovida'a eetapega deuodaĝanec yema joga'me loĝot joñe'me Dios. Nataq'aen nejaliaĝatoue qomle jena'me jenjo' tamenaĝaiqui jo'ne 'lemec joñe'me Dios, male naqaeñe eetapega nach'eñe ñe'me Dios.

Apocalipsis 1:10

Ca'li jouetoue jo'me nolo' jo'ne laloqo' joñe'me Jaliaĝanec da'me qo'nonaĝachigui, qama'le jayem ua'ajop da'me lañoqotaĝanaĝac ñe'me Dios Lepaqal. Chane'eja jomachiya ga'me lejamaĝa da'me chimaqapegue jena'me jachiyoĝogue jo'ne netenec da'me 'laqatac, ena'am jaga'me najeede qom qoyajediye.

Apocalipsis 12:14

Qalaĝaja jaga'me yauo qoyanema gaa'me dos uole laua' jo'ne jalco'l, qaedi yaqanatet da'me uayo, qama'le yec'ata ga'me mach'e 'lachaqa' jo'ne ua'ague joga'me aleua 'me totapega't, qaedi male qaya'a ga'me neta'ña joga'me nanaic polio', di'me jo'ne ua'a da'me qoyiqui'yaĝatac chayovida'a da'me nalo'taguet tres naa'me 'uoidi choqoga'me laeñi joga'me uo'e laqaya.

Apocalipsis 12:3

Mane'e da'me yem da'me dojo', qama'le yitaĝa 'uo jo'me 'nanec laqaya jo'ne ua'ague di'me piyem: 'uo ga'me jiyac polio', jo'ne ena'am ta'le ñaĝadiaq da'me 'loyaĝac jo'ne tomaĝadaic. Uo'oe gaa'me siete laqai'go choqogaa'me diez gaa'me lepeel, qama'le onolqa'tape naa'me laqai'go uo'oe naa'me noqop'al.

Apocalipsis 12:6

Qama'le jaga'me yauo dajooyi, yec'ata di'me aleua lae jo'ne totapega't, 'me joote Dios yaqataĝata't qaedi naqaedi 'me ue'ta da'me yiqui'yaĝatac, chayovida'a ga'me mil doscientos sesenta noloqo'ote.

Apocalipsis 17:18

Jaga'me yauo jo'ne auana, nach'añe jo'ne noic let'adaic 'me nejaliaĝatelo'te yemeda jogaa'me nejaliaĝanaqa 'me uetedalegue jena'me aleua.”

Apocalipsis 17:4

Jañe'me yauo yatedañe ca'li jogaa'me 'netaqa'te jo'ne 'uo ga'me malaĝadaic da'me 'loyaĝa'j choqoga'me tomaĝadaic. Nataq'aen uo'oe jogaa'me li'yodaqa'te laqaya' jo'ne oro choqogaa'me qadi jo'ne onaĝayaqa choqogaa'me perlas. Nataq'aen lajoqot'a jaga'me yomaĝaiqui jo'ne oro 'me jaqachigui q'aen da'me ja no'en jo'ne ye'et, 'me yalequetenat da'me lequejeguetaĝa jo'ne paĝachigui.

Apocalipsis 18:12

nach'egaua jogaa'me li'yaco jo'ne oro, plata, qadi jo'ne onaĝayaqa, perlas, laqañe jo'ne onaĝayaqa choqoga'me seda jo'ne 'loyaĝac da'me tomaqalegue nataq'aen ga'me tomaĝadaic; yema jana'me epaq jo'ne yodapecache da'me laetayaĝac jo'ne jama; choqogaa'me 'nonataqa jo'ne chiyoqodayi ga'me marfil, nataq'aen gaa'me chiyaqayilo gaa'me ep'a jo'ne onaĝayaqa daa'me 'loyaĝaco, nach'e ena'am jena'me bronce, nataq'aen jena'me yataqachiñe laicaua nataq'aen jena'me marmol;

Apocalipsis 18:16

Chane'eja nayi male enapega't: “Da'me am jo'ne am noic let'adaic, ¡degueja da'me adachoĝodec nayi! Qa'a auatedañe ca'li naa'me adeuo jo'ne lino 'me pagaĝaic da'me 'loyaĝac, choqoda'me 'loyaĝac laqaya jo'ne tomaqalegue nataq'aen da'me tomaĝadaic, qama'le nach'e ena'ama naa'me adi'yoĝodaqa'te jo'ne oro, nataq'aen perlas choqonaa'me qadi jo'ne onaĝayaqa.

Apocalipsis 21:10

Da'me maliaĝa jouetaue jo'me yichoĝonaĝac 'me jayem yaloĝona joñe'me Dios Lepaqal, qama'le jo'me piyem le'ec male jayem yauegue ñe'me qajoĝonaĝa let'adaic jo'ne qayaje'mec, da'me jayem yaloĝona di'me noic let'adaic jo'ne ja 'nalegue, di'me jo'ne mach'e lenaĝat da'me Jerusalén, da'me nenochiñe, chiyoqo'ot joñe'me Dios jo'ne ne'tague di'me piyem.

Apocalipsis 4:2

Qanach'e ua'a da'me jayem ua'ajop da'me lañoqotaĝanaĝac ñe'me Dios Lepaqal, qama'le jauana di'me nejaliaqa' jo'ne na'ague di'me piyem, nataq'aen da'me 'uo ñe'me jo'ne ñichiñe netaue ñe'me nejaliaĝaiqui.