Apocalipsis 15:1 - Nuevo Testamento Toba Sombrero Negro

¹ Yitaĝa jauana di'me piyem da'me 'uo jo'me 'nanec laqaya jo'ne let'adaic choqoda'me 'uo da'me lichic let'adaic: qa'a uo'oe jogaa'me siete piyem laje' choqogaa'me napite'nayaĝaco 'me siete 'me p'atedegue, qama'le nach'egaua jo'ne en yovida'a da'me en loiquiaqa' da'me lalemataic joñe'me Dios.

Nuevo Testamento Toba Sur

¹ Qataq sela'a so lÿa lta'adaic n'anec mayi ÿataqta i'ot da n'aalaxa, huo'ot na piguem. Somayi 'eeta': So siete namaxashic piguem l'ecpi ÿachita'pe soua pa'atreec napaxaco mayi ÿachaxan ca pa'ateec layiloxo ñi Dios.

La'aqtaqa Ñim Lo'onatac 'Enauacna 2013

¹ Qaq aỹem sela'a so hueto'ot na piguem ỹataqta sa qaỹauanapega: soua siete namaxa'she piguem lashe', ỹacheta'ape soua pa'atre'c napaxaco maye talec naqa'en qome ana 'alhua. Qaq qom ime de'era, nache da layeloxo Ñim Lo'onatac 'Enauacna vi'iiguet.

Apocalipsis 15:1 Iomraidhean Croise

Apocalipsis 10:3

Qama'le en yejam da'me 'lalaĝac, qama'le ena'am ta'le jauaĝaic da'me 'loĝoyaĝac; mane'e ca'li 'yalaq, qama'le en qodomachiya da'me 'laqata'j gaa'me siete 'loĝoyaĝaco jajo'me qajoĝonaĝa.

Apocalipsis 11:14

Qama'le yenoĝonegue jo'me p'ategue jo'ne qaya'te nayamaĝa, qalaĝaja ja uayaloĝoguet da'me novitequena ga'me laqaya jo'ne tres.

Apocalipsis 14:10

nach'ega jo'ne niyomigui qoyen ga'me lataĝa jo'ne lalemataic ñe'me Dios. Ena'am ta'le qaya'te lale'gue da'me le'uaĝanaĝanaĝac joñe'me, qama'le qoyen da'me layaliaĝac ga'me jiyaĝaua da'me yaviyeque ga'me dole', nataq'aen ga'me azufre jo'ne yataqata edetañgui, nataq'aen da'me dajo'tagueta ñaa'me piyem laje' jo'ne ja 'nalo'te choqoñe'me 'Naĝanaĝate Lec'oĝot.

Apocalipsis 14:19

Joñe'me piyem le'ec male yichaĝalegue da'me ledaĝanaĝat jena'me aleua, qama'le yichaĝadegue jogaa'me lichidiqui joga'me uva jala jo'ne ueta'ñalo jogaa'me nanaĝanaqa'te jena'me aleua. Chane'eja da'me yem da'me qoyichaĝadegue gaa'me uva lichidiqui, qama'le qoyachañguilo jaga'me limaĝañi jo'ne lae't qoyen da'me qoyolaĝachigui joga'me uva jala da'me qoyen dolayi yema, qama'le nach'aga da'me chiyaqayi da'me jo'ne 'nanec 'me lalemataic joñe'me Dios.

Apocalipsis 16:1

Qama'le jomachiya ga'me 'naqatac jo'ne yataqata yejam, chimaqapegoue ga'me tamenaĝaiqui, jo'ne enapegalo jogaa'me siete piyem laje', eetac: “¡Jamoyi, oquiyi qama'le auecodiilegue jena'me aleua ga'me le'e'j naa'me naajo' jo'ne siete yomaĝaiqui' 'me lalemataic joñe'me Dios!”

Apocalipsis 17:1

Qama'le 'uo ñe'me piyem le'ec jo'ne uetauelo ca'li jaa'me siete piyem laje' 'me lajoqot'alo jogaa'me siete yomaĝaiqui', nach'eñe jo'ne jayem nec'ata, qama'le enaac: “Nayi auanaequena qaedi am jaloĝona da'me ne'uaĝanaguec jañe'me yauo jo'ne quejeguetaĝai, jañe'me jo'ne netalegue jena'me noĝop.

Apocalipsis 19:15

Qama'le jena'me nedegaĝat joñe'me chiyaqaue ga'me nedaĝanaĝat jo'ne neuoyejec, qaedi nach'ega jo'ne yejogueque ena'uaque ga'me jiyaĝadipi jo'ne uetedalegue jena'me aleua, nataq'aen lajoqot'a ga'me naje'l jo'ne laicaua da'me male nejaliaĝatelo'te jogaa'me. Chane'eja ya'uo ga'me ne'uaĝanague'j jogaa'me, ena'am da'me qoyen yolaĝachiguilo jogaa'me uva jala, qaedi qoyachiyoĝotaye ga'me lataĝa, qama'le nach'ega jo'ne yelo'teguet da'me lalemataic joñe'me Dios 'me qaya'te yaqalaatac, jo'ne 'uo da'me lichic.

Apocalipsis 21:9

Yem da'me dojo' qama'le jayem nec'ata jo'me piyem le'ec jo'ne chiyaqauelo jogaa'me siete piyem laje' 'me lajoqot'alo jaa'me siete yomaĝaiqui' jo'ne jaqachiguilo jena'me ne'uaĝanaĝanaĝaco, qama'le 'uo da'me jayem 'yaĝatem, enaac: —Cha'li auanaequena qaedi am jayatenaĝanaĝanec jañe'me nojaĝaua jo'ne nach'añe 'me loua joñe'me 'Naĝanaĝate Lec'oĝot.

Apocalipsis 8:13

Mane'e ca'li yem da'me dojo', qama'le jelojeguem, qama'le jomachiya ga'me uole jo'ne uayotac, quetañgui laeñi di'me piyem, qama'le enaac da'me netenec da'me 'laqatac: “¡Degueja qomle da'me lachoĝode'j joga'me jiyaĝadipi jo'ne netedalegue jena'me aleua, da'me qom male dejedaĝa'n nayi jogaa'me piyem laje' laqaya' jo'ne tres!”

Apocalipsis 8:2

Mane'e da'me yem qama'le jauanalo jaa'me siete piyem laje' jo'ne nechatetedañe, dajoteda'aguet joñe'me Dios, qama'le jaa'me yanema jaa'me siete najeedel.

Apocalipsis 8:6

Chane'eja jogaa'me siete piyem laje' jo'ne lajoqot'alo jogaa'me siete najeedel male niyamaĝateta'ajalo qaedi male dajedaĝa'n.

Apocalipsis 9:20

Qalaĝaja gaa'me lael jena'me jiyaĝadipi jo'ne maliaĝa uo'oe, da'me ja yala't jaa'me nalataĝanaqate, maliaĝa ja yaĝadiñi da'me 'yetetedac da'me ja no'en jo'ne jalchi'ena 'lonata'j, qama'le ja yaĝadiñi da'me netamenoto jogaa'me nepaqa'li choqogaa'me nouaq 'lonataqa jo'ne nequi'il 'me oro, uotaĝa plata, uotaĝa bronce, uotaĝa qa' uotaĝa ga'me epaq, naa'me naajo' ch'e nequi'il jo'ne ja yauana'ape, nataq'aen da'me ja domachiya'ape, choqoda'me ja yaqanate't ta'le yeuo'tape.