Biblia Todo Logo
Bìoball air-loidhne

- Sanasan -




Apocalipsis 13:11 - Nuevo Testamento Toba Sombrero Negro

11 Yem qama'le yitaĝa jauana jo'me jiyac laqaya jo'ne nenoĝojeguem chiyaqaue jena'me aleua, jo'ne uo'oe naa'me dos jo'ne lepeel, ena'ama gaa'me lepeel ga'me 'naĝanaĝate lec'oĝot, qalaĝaja da'me doje, ena'am ta'le nach'eñe ñe'me ñaĝadiaq polio' naa'me 'laqataqa.

Faic an caibideil Dèan lethbhreac

Nuevo Testamento Toba Sur

11 Ime, qataq sela'a so lÿa shiguiÿac. Somayi chigoqtoigui ana 'alhua. Qaq somayi dos soua lcoue, 'eeta'am na qagueta llalec. Qalaxayi naua l'aqtaqa 'eeta'am ca shiguiÿac mayi 'ico' da'ail'oc.

Faic an caibideil Dèan lethbhreac

La'aqtaqa Ñim Lo'onatac 'Enauacna 2013

11 Ime, qaltaq sela'a so lỹa shiguiỹac leguemaxaic, somaye chegoqtoigui ana 'alhua. Qaq somaye dos soua lcouel, 'eeta'am na qagueta llalec, qalaxaye naua la'aqtaqa 'eeta'am so shiguiỹac leguemaxaic maye 'eeta'am na na'araxanaq;

Faic an caibideil Dèan lethbhreac




Apocalipsis 13:11
17 Iomraidhean Croise  

“Achiya'agueta gaa'me qovinaĝanaĝayaqa jo'ne eetapela'ajalo 'yaĝatetedac ñe'me Dios, jo'ne nojomaĝaquidi'ña da'me 'naĝanaĝate 'loyaĝac da'me ami nec'atalo, qalaĝaja naqaegaua yejidi jo'ne diquiya'ape.


qa'a ja t'onataĝade'uo ñe'me Cristo mach'e Qadejaliaĝanec, dite da'me mach'e liqui'yaĝa'j, uo'oe gaa'me 'laqataqa jo'ne uayote' nataq'aen jama't qaedi yoqovi'n gaa'me lai'li jogaa'me jo'ne jaleca da'me letadenataĝanaĝa'j.


Jenjo' jiyaĝaua jo'ne ja no'en, naqaena jo'ne yataqata nautena joñe'me Dios, chayovida'a eetapega deuodaĝanec yema joga'me loĝot joñe'me Dios. Nataq'aen nejaliaĝatoue qomle jena'me jenjo' tamenaĝaiqui jo'ne 'lemec joñe'me Dios, male naqaeñe eetapega nach'eñe ñe'me Dios.


Qalaĝaja qom male yoma't ena'uaque da'me 'laqataĝanaĝa'j, qama'le joñe'me jiyac polio' male nenoĝojeguem chiyaqañgui jaga'me limaĝañi jo'ne qaya'te loiquiaqa', qama'le paja'a da'me deuo'yalo, qama'le noma't chayovida'a da'me male yala't.


Qama'le naqaeda 'me chiyaqayi da'me ma'ejama'le 'uo da'me lalemataic ñe'me ñaĝadiaq polio', yataqata nautena jañe'me yauo, qama'le ec qaedi deloiquitapegue'to jogaa'me yauo lec'oqo'te laqaya', naqaegaua jo'ne yoqochideta daa'me lamaĝajoĝonaĝaco joñe'me Dios, nataq'aen da'me yataqata quetede'egue na'me lapaĝaguenataĝanaĝac joñe'me Jesús.


Yem qama'le yitaĝa jauana da'me nenoĝojeguem ga'me jiyac polio', chiyaqañgui joga'me noĝop. Uo'oe naa'me laqai'go jo'ne siete choqojaa'me lepeel jo'ne diez, qama'le onolqa'tape naa'me lepeel uo'oe naa'me noqop'al, nach'e ena'am jaa'me laqai'go uo'oe daa'me lenaqa'te jo'ne yejoue'n joñe'me Dios.


qaedi qaya'te ta'le yaqanatet da'me 'uo ga'me ecot uotaĝa ta'le 'uo ga'me yemen, qom ja netaye jaga'me 'nanaĝaijete jo'ne lenaĝat ñe'me jiyac polio', uotaĝa na'me naloqotenaĝanaĝac jo'ne yelo'teguet da'me lenaĝat joñe'me.


Chane'eja 'nonaĝachidegue ñe'me ñaĝadiaq polio', yajouaĝat da'me yanem da'me lañoqotaĝanaĝac ñe'me jiyac laqaya jo'ne diez naa'me laqai'go, qama'le nach'e ena'am da'me 'nonaĝachidegue ñe'me jiyac polio', qama'le eetapega't: “¿Jach'e ga'me nalo'te' jenjo' jiyac? ¿Jach'e ga'me yaqanate't ta'le delo'ye?”


Ua'a qama'le jauana na'me nedegaĝat ñe'me ñaĝadiaq polio', nataq'aen na'me nedegaĝat ñe'me jiyac polio' choqona'me nedegaĝat ñe'me jo'ne ja eja da'me lapaĝaguenataĝanaĝac, da'me chiyaqauelo jaa'me tres nepaqa'li jo'ne paĝachiguilo, da'me 'loyaĝa'j jo'ne ena'am jana'me petayo.


Chane'eja da'me jayem male jauana jañe'me yauo da'me joote en taĝai q'aen jana'me letauo't ga'me jiyaĝadipi jo'ne ja 'nalo'te, nach'egaua jo'ne joote qoyala't yajouaĝat da'me 'yaĝatetedac joñe'me Jesús. Qama'le da'me jayem yataqata da'me joqoch'em.


Ñe'me jiyac polio' jo'ne auana, nach'eñe 'me 'uo joca'li qalaĝaja nayi male joote yeleu, qama'le yitaĝa nenoĝojeguem qom'che, qaedi male qoyen loiquiaqa' da'me qoyolaĝachigui. Chane'eja qom yauata da'me dojo' ga'me jiyaĝadipi jo'ne uetedalegue jena'me aleua, gaa'me jo'ne ja qoyedidiñe naa'me lenaqa'te qama'le ja uedalegue jaga'me nede jo'ne uetedalegue joga'me jiyaĝadipi jo'ne qonec'alaĝatedegue, chiyoqotelegue joca'li yemta qoye'et jena'me aleua, qama'le yataqata yoqochetem qom'che, da'me yitaĝa yauata di'me jiyac polio' jo'ne 'uo joca'li, qama'le nayi joote yeleu, qalaĝaja nach'edi 'me yitaĝa nec'atequena qom'che.


Lean sinn:

Sanasan


Sanasan