Apocalipsis 11:8 - Nuevo Testamento Toba Sombrero Negro

⁸ Chane'eja jogaa'me lapa'che dia'me joote yele'u nelagaĝachichidiñe, ueteda'ña ga'me naq'aeuo joga'me noic let'adaic, di'me jo'ne ua'ña joca'li ñe'me mach'e Qadejaliaĝanec da'me qoyep'enajeguem, di'me noic jo'ne lenaĝat qoyen Sodoma qama'le nach'e ena'am da'me lenaĝat laqaya qoyen Egipto.

Nuevo Testamento Toba Sur

⁸ Nachi da l'oquiaxa'c soomayi qaÿachitrangui na laiñi so nqa'aic yim lta'adaic la ciudad mayi huaña co'ollaq qaiuaxanguet so qo'ipaq so qadataxala', yim chochi qaÿamata'ac da l'enaxat Sodoma qataq Egipto.

La'aqtaqa Ñim Lo'onatac 'Enauacna 2013

⁸ Nache da lo'ocỹaxa'c caamaye qaỹachetrangui na laiñi so nqa'aic lta'araic ye nỹecpi maye huaña co'ollaq qaỹalauat So Qarataxala' qaiuaxaneguet so npe'enaxaqui. Qaq na shiỹaxauapi ỹamata'ac yi'iye nỹecpi da naigui naqa'en da Sodoma qataq Egipto.

Apocalipsis 11:8 Iomraidhean Croise

Mateo 10:15

Ami ja'aĝatema queda'me qom yovita ga'me nolo' jo'ne laloqo' da'me 'uo da'me le'uaĝanaĝanaĝac ñe'me Dios, qama'le yataqachiñe lama'aja da'me ne'uaĝanaguec jena'me jenjo' noic, ja ena'ama ga'me jiyaĝadipi ca'li 'me neda'ña di'me noic jo'ne Sodoma nataq'aen Gomorra.

Hechos 9:4

Qama'le Saulo 'naqañe, nataq'aen domachiya ga'me nejamaĝa jo'ne enaac: “Saulo, Saulo, ¿toqoch'e jayem auecaatac?”

Hebreos 13:12

Qama'le nach'e ena'am ñe'me Jesús qoyen p'aye ga'me noic da'me 'uo da'me lachoĝodec ca'li yeleu, qaedi qodoĝotaĝaneque gaa'me loeco ga'me jiyaĝadipi, yajouaĝat da'me naliñi qoyen jaga'me mach'e letauo'.

Hebreos 6:6

qalaĝaja da'me male yaĝañi da'me lepe'e, nach'ega ga'me jiyaĝaua jo'ne ja yaqanatet ta'le yitaĝa 'ñemaĝañi. Ja yaqanatet ta'le yitaĝa 'niyeloqot joñe'me Dios qa'a ena'am ta'le naqaega jo'ne yitaĝa yep'elegue jaga'me nesodoso joñe'me Dios Lec'oĝot da'me yataqata ye'uetac joñe'me.

2 Pedro 2:6

Ñe'me Dios nach'e ena'am ya'uo da'me en lachoĝode'j ga'me laje'pi gaa'me noyaqa jo'ne Sodoma choqodi'me Gomorra, qama'le yolaĝachiguilo, yigouelo chayovida'a en yejamaq ga'me jalo, qaedi nach'ega 'me qoyen naloqotenaĝanaĝaiqui jo'ne di'yoĝoma qoyen jogaa'me loeco lo'ol, qaedi yayate'n jach'e ga'me eeta ga'me mach'e ne'uaĝanague'j jo' qomle.

Judas 1:7

Nataq'aen anetoviñetac di'me noic jo'ne Sodoma nataq'aen di'me Gomorra choqogaa'me noyaqa laqaya' jo'ne leje'gue joca'li. Ena'ama jaajo' piyem laje', nach'egaua gaa'me noyaqa male qoye'n naloqotenaĝanaĝaiqui, yajouaĝat da'me nemedoue da'me nequejeguetaĝa, queda'me najetedoue daa'me namaĝanaĝaco jo'ne ja yauaqa'aguet da'me jo'ne mach'e 'loyaĝa'j qoyen. Chane'eja ñe'me Dios ye'uaĝa'n jogaa'me, qama'le male uetedoue da'me lachoĝode'j jo'ne dole' 'me qaya'te loiquiaqa'.

Apocalipsis 11:13

Qama'le paja'a da'me 'uo jo'me nedaĝac let'adaic, qama'le di'me noic let'adaic ena'uaque gaa'me diez 'nachaqa'te male 'uo ga'me onolec jo'ne iyiñe, qama'le nach'e ena'ama joga'me jiyaĝadipi jo'ne yele'u nalo'taguet siete mil. Chane'eja jogaa'me jo'ne maliaĝa uo'oe male 'uo da'me loqolanaqa' qama'le 'nonaĝachidegue joñe'me Dios jo'ne ne'tague di'me piyem.

Apocalipsis 11:9

Qama'le jena'me jiyaĝadipi jo'ne yodapecache naa'me 'lachaqa'te choqoda'me neqomyaĝac nataq'aen naa'me 'laqataqa, nach'e ena'am ena'uaque jogaa'me noyaqa jo'ne uo'oe, yema male yec'ate'n jogaa'me lapa'che dia'me, chayovida'a qom nalo'taguet tres gaa'me noloqo'ote choqoga'me laeñi ga'me nolo' laqaya, choqoda'me ja dajenataĝatem ta'le qoyijediñi.

Apocalipsis 14:20

Jaga'me lae't da'me qoyolaĝachigui joga'me uva jala qoyen p'adegue joga'me noic let'adaic, nach'ana jo'ne chiyaqayi jaga'me netauo' lat'edai 'me yedaje'malo naa'me naqa' leque'te joga'me pegadipi, qama'le nalo'taguet trescientos kilómetros ga'me jo'ne laguelegue jaga'me netauo'.

Apocalipsis 14:8

Qama'le yec'atalegue ñe'me piyem le'ec laqaya jo'ne eetac: “¡Yataqata qonolaĝachiñe nayi di'me noic let'adaic jo'ne lenaĝat da'me Babilonia! Di'me jo'ne en taĝaiquipi yemeda joga'me aleua laje'pi, da'me en taĝayaqa q'aen ga'me lataĝa jo'ne lequejeguetaĝa, ¡male qoyapalaĝat nayi!”

Apocalipsis 16:19

Ga'me noic let'adaic male cojayi, qama'le tres naa'me lael da'me niyaqapecache jena'me aleua. Qama'le gaa'me noyaqa yemeda iyidiñe. Qama'le joñe'me Dios male uenate'ta ga'me noic let'adaic 'me lenaĝat da'me Babilonia, qaedi nach'e ena'am diyomaĝanataĝañgui ga'me lataĝa jo'ne mach'e lalemataic da'me ya'uo ga'me ye'uaĝaneque joga'me mach'e laje'pi.

Apocalipsis 17:1

Qama'le 'uo ñe'me piyem le'ec jo'ne uetauelo ca'li jaa'me siete piyem laje' 'me lajoqot'alo jogaa'me siete yomaĝaiqui', nach'eñe jo'ne jayem nec'ata, qama'le enaac: “Nayi auanaequena qaedi am jaloĝona da'me ne'uaĝanaguec jañe'me yauo jo'ne quejeguetaĝai, jañe'me jo'ne netalegue jena'me noĝop.

Apocalipsis 17:18

Jaga'me yauo jo'ne auana, nach'añe jo'ne noic let'adaic 'me nejaliaĝatelo'te yemeda jogaa'me nejaliaĝanaqa 'me uetedalegue jena'me aleua.”

Apocalipsis 17:5

Nataq'aen da'me 'uo jo'me nediijec jo'ne uetalegue jajo'me nepe jo'ne mach'e lenaĝat 'me ja en 'te di'yoq, eetojo': «Jayem Babilonia jo'ne p'ajaye, nach'ayem lat'e yema jana'me quejeguetaĝailpi, jayem chiyaqayi da'me male qodaqaeca'a jena'me jiyaĝadipi jo'ne netedalegue jena'me aleua.»

Apocalipsis 18:10

Chane'eja male qaya'alo joga'me ueteda'a, yajouaĝat da'me t'oita da'me ne'uaĝanaguec jañe'me Babilonia, qama'le enapega't: “Am Babilonia jo'ne am p'ajaye da'me am noic let'adaic, ¡Degueja da'me adachoĝodec nayi! Qa'a pelaqatela't da'me novi' ga'me ane'uaĝanaguec.”

Apocalipsis 18:18

da'me yauata jaga'me nemala' da'me yavigoue joga'me noic, qama'le 'yala', eet'oi: «¿Jach'e ga'me noic ta'le yaqanatet da'me qonaloqotenaĝaneguet jena'me jenjo' noic let'adaic?»

Apocalipsis 18:2

En yejam da'me 'laqatac, enaac: “¡Ami yaqaya'olqa, male qoyalaĝachigui di'me noic let'adaic 'me Babilonia! ¡Male qoyen payagodipi 'lachaqa't, choqona'me nañoĝotaqa' yema jena'me nepaqa'lpi jo'ne yodapecache da'me 'loyaĝa'j jo'ne paĝachiguilo. Nach'e ena'am uo'oe gaa'me lepataque'te gaa'me mayodi jo'ne yodapecache da'me 'loyaĝa'j jo'ne paĝachiguilo, nataq'aen gaa'me yejidi jo'ne paĝachiguilo choqoda'me ouaqayaqa!

Apocalipsis 18:21

Chane'eja 'uo ñe'me piyem le'ec, jo'ne 'uo da'me lañoqotaĝanaĝac let'adaic, yaconot jo'me qa' let'adaic jo'ne ena'am jena'me nejogaĝaiqui, qama'le yajaĝañgui jaga'me qa'em lat'edai, qama'le enaac: “Naq'aeta da'me am qoyajaĝaye qomle, am Babilonia jo'ne am noic let'adaic, am qoyajaĝañe qomle, qama'le ja yitaĝa ta'le am qoyauana.

Apocalipsis 18:24

Qa'a jena'me jenjo' noic joote qoyejomalegue jana'me letauo't jodia'me Dios 'laqataĝanaĝanaqa choqoga'me Dios lec'oqo'tepi jo'ne ja 'nalo'te, nataq'aen jodia'me jo'ne qoyala't 'me uedalegue yema jena'me aleua.