Apocalipsis 11:3 - Nuevo Testamento Toba Sombrero Negro

³ Qama'le jamaĝalo'te qomle gaa'me dos 'yaqataĝanaĝanaqa jo'ne uo'oe gaa'me louo jo'ne napidalo'te, qaedi 'yaĝatetedac na'me 'yaqataĝanaĝac chayovida'a qom nalo'taguet da'me mil doscientos sesenta naa'me noloqo'ote.”

Nuevo Testamento Toba Sur

³ Nachi aÿim qome sama'q caua dos ÿamaxa'shi, da yaqto' i'axa't naua i'aqtaqa, ÿataqta ividaxattreec caua mil doscientos sesenta na'axa'te. Qaq caamayi ÿaatrañi caua alogo lasouaxaqui'.

La'aqtaqa Ñim Lo'onatac 'Enauacna 2013

³ Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Apocalipsis 11:3 Iomraidhean Croise

Mateo 11:21

—¡Degueja da'me adachoĝodec qomle am Corazín, nataq'aen am Betsaida! Qa'a ta'le qoyacha'ña di'me Tiro nataq'aen Sidón da'me jaloĝon dojo' yañoqotaĝanaĝac jo'ne joote ami jaloĝonouelo, qama'le joote 'niyelaĝadetot ca'li ñe'me Dios, yaidiñe ga'me leuo jo'ne dola'y nataq'aen necouadiye ga'me jalo.

Mateo 18:16

Qom ja am 'te naquiaĝana, qama'le aviyaĝanalo uoja'aegaua onolec uotaĝa dos jiyaĝa'u qaedi am lecochita da'me dojedapegue' ga'me, nataq'aen am detaĝadelegue.

Lucas 10:13

“¡Degueja qom'te da'me adachoĝodec, am Corazín! ¡Degueja qom'te da'me adachoĝodec, am Betsaida! Qa'a qom di'me Tiro nataq'aen di'me Sidón ta'le qoyaloĝonalo joca'li gaa'me 'nonataqa jo'ne p'ajodaye, jo'ne nayi auañiyalo, joote ta'le natetela'ajalo, qama'le cha'li yaidiñe gaa'me leuo jo'ne jiyac layoqote, laloĝoqui q'aen da'me male 'viyelaĝadetot ñe'me Dios, nataq'aen necouadiye ga'me jalo.

Lucas 24:48

“Ami 'noota qom auechoqotaĝañetapec daa'me daajo' jo'ne uo'oe.

Juan 15:27

Qama'le nach'e ena'am da'me naqa'ami jo'ne ami 'yaqataĝanaĝanaqa, qa'a joote jayem ovi'tajop ca'li da'me jo'ne 'uaechiñe.

Juan 3:27

Juan male 'yategueta jogaa'me: —Qaya'te ta'le 'uo ga'me ua'ajop joga'me jiyaĝaua qom ja Dios ya'uo ga'me yanem.

Hechos 1:8

Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Hechos 13:31

Chane'eja, qayoĝode' gaa'me noloqo'ote da'me naloĝotapegueta gaa'me lapaĝaguenataqa ñe'me Jesús, nach'egaua jo'ne naequetedapegue' ca'li ga'me leuoĝoc da'me yec'ata di'me Jerusalén, chiyoĝogue di'me Galilea; qama'le nayi nach'egaua choqotaĝanaĝayaqa jo'ne 'yaĝatetapema ñe'me Jesús ga'me noyaqapi.

Hechos 2:32

Chane'eja nach'eñe ñe'me Jesús da'me Dios 'niyelaĝachijeguem, qama'le ena'uaque qo'mi jechoĝotaqatac da'me dojo'.

Hechos 3:15

Qama'le naqaeda da'me aualachi ñe'me jo'ne chiyaqayi da'me yataqachiñe qat'oyaĝac. Qalaĝaja Dios chiyoĝotauelo ga'me napa'lpi, qama'le nach'eda dojo' jechoĝotaqatac.

1 Corintios 12:28

Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

2 Corintios 13:1

Jenjo' p'ategue yejapichaĝac jo'ne nalo'taguet tres ami jec'atalo nayi. Anetoviñetaque nale gaa'me nedii's 'me Dios 'laqataqa, eet'oi: “Gamachaqaega ga'me 'naqatac nach'edata da'me qo'yaeñi qom uo'oe dojolqa uotaĝa trejolqa gaa'me choqotaĝanaĝayaqa.”

Efesios 4:11

Qama'le nach'eñe jo'ne yauo'oe daa'me nayatenaĝanaĝaco jo'ne yanema jena'me jiyaĝadipi. Chane'eja uo'oe gaa'me qoyanema da'me 'lonata'j jo'ne Dios lamaĝa's, nataq'aen gaa'me laqaya' jo'ne Dios 'laqataĝanaĝanaqa, nataq'aen gaa'me laqaya' jo'ne qoyanema da'me 'yaĝa'tape da'me Dios 'laqatac, nataq'aen gaa'me laqaya' jo'ne yelolo'te jena'me Dios lec'oqo'tepi nataq'aen yapaĝague'tape.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Apocalipsis 11:2

Qalaĝaja ena'te analoqoten di'me tamenaĝaiqui najoĝoc, qa'a nach'edi jo'ne joote qoyanema jogaa'me jiyaĝa'u jo'ne qaya'te lepe'e', queda'me nach'egaua jo'ne pedelegue qomle jenjo' noic jo'ne ja 'nalegue da'me ja 'nonaĝachidegue chayovida'a qom nalo'taguet cuarenta y dos naa'me auoĝoyaqa.

Apocalipsis 11:6

Naa'me naajo' aqataĝanaĝayaqa yaqanate't ta'le yapadidiñe di'me piyem qaedi ja no't da'me cha'li maliaĝa 'yaĝatetedac da'me Dios 'laqataĝanaĝac, qama'le nach'e ena'am da'me yaqanate't ta'le e'n neleguemaĝata netauo' joga'me noĝop, choqoda'me e'n lachoĝodec jena'me aleua laje'pi, yauo'oe yodapecache da'me lapite'nayaĝaco, yema da'me 'viyelaĝalo'te q'aen, queda'me nach'eda jo'ne 'uo da'me 'lamaqatenataĝanaĝa'j.

Apocalipsis 12:6

Qama'le jaga'me yauo dajooyi, yec'ata di'me aleua lae jo'ne totapega't, 'me joote Dios yaqataĝata't qaedi naqaedi 'me ue'ta da'me yiqui'yaĝatac, chayovida'a ga'me mil doscientos sesenta noloqo'ote.

Apocalipsis 13:5

Nach'e ena'am da'me qoyaje'tem ñe'me jiyac polio' da'me nenaĝatedegue naa'me 'naqataqa jo'ne yataqata ja 'noe'n 'me nep'ague'ne' ñe'me Dios, nataq'aen da'me 'uo da'me lañoqotaĝanaĝac qaedi nejaliaĝatelo'te ga'me jiyaĝadipi chayovida'a qom nalo'taguet cuarenta y dos gaa'me auoĝoyaqa.

Apocalipsis 19:10

Chane'eja te'me jejoidiñe naa'me yeliquetel, jejocoto naa'me lapia'te joñe'me piyem le'ec queda'me te'me 'ñonaĝachigui, qalaĝaja jayem uaqata: “Ena'te aua'uo da'me dojo', qa'a naqayem jo'ne ch'e jayem Dios lalemaĝajet, qama'le nach'e am jena'am, choqogaa'me adaqaya'olqa jo'ne nach'e eta't da'me 'yamaqate'n naa'me 'laqataqa joñe'me Jesús. Nach'eñeta ñe'me Dios jo'ne a'nonaĝachigui.” Qa'a naa'me 'laqataqa joñe'me Jesús, nach'enaua jo'ne 'yañaqate't joñaa'me Dios 'laqataĝanaĝanaqa.

Apocalipsis 20:4

Ca'li yem qama'le yitaĝa jauanalo jogaa'me jiyaĝa'u laqaya' jo'ne netauelo gaa'me nejaliaĝaiqui', qa'a joote yacoteguet da'me lañoqotaĝanaĝa'j qaedi male dec'atenaĝa'n nataq'aen da'me daloqotenaĝa'n. Jogaa'me jiyaĝa'u jo'ne jauanalo nach'ediaua dia'me jo'ne joote yele'u da'me qoyichaĝadegue naa'me laqai'go, yajouaĝat da'me 'yaĝatetedac joca'li joñe'me Jesús, nataq'aen da'me dapaĝaguenataĝatedapec da'me 'laqatac joñe'me Dios. Jodia'me ja jetaque netametot ca'li ñe'me jiyac polio' choqoga'me mach'e lequi'i, qama'le nach'e ena'am da'me ja naje'teguet ta'le qoyanayelo naa'me laqai'go jaga'me 'nanaĝanaqate, uotaĝa ta'le qoyanayelo naa'me loua'. Qama'le jauanalo da'me yitaĝa nec'aledegue jogaa'me, qama'le ueteda'ajop joñe'me Cristo da'me qoyanema da'me lejaliaĝa'j chayovida'a qom yenoĝodegue ga'me mil 'uoidi.