Apocalipsis 1:16 - Nuevo Testamento Toba Sombrero Negro

¹⁶ Jena'me louaq jo'ne yayaten uo'oe gaa'me siete uaqachiñil jo'ne uetedaye, qama'le nataq'aen jena'me nedegaĝat chiyaqaue jo'me ledaĝanaĝat jo'ne dos naa'me lia'a; nataq'aen jena'me latajoĝoc yataqata yaqaselec, ena'am jañe'me ajeua nale nolo' laeñi.

Nuevo Testamento Toba Sur

¹⁶ Qaq na lhuaq mayi aloic huetaiguilo soua siete huaqajñi. Qaq na alap netaigui so ÿiilonec ÿataqta ÿaxadaic, dos naua ala'pi. Qaq na lashic ÿataqta 'eeta'am añi nala' da ivita da 'edoigui.

La'aqtaqa Ñim Lo'onatac 'Enauacna 2013

¹⁶ Qaq na lhuaq maye aloic nasoqta'alo soua siete huaqaañi. Qaq na alap chegaqaigui so ỹeelonec ỹataqta shetteguet qataq dos naua ala'api. Qaq na lashec qalaq ỹataqta 'eroigui, 'eeta'am na le'eraxa añi nala' da mashe laiñi ye na'a'q.

Apocalipsis 1:16 Iomraidhean Croise

Mateo 17:2

Qama'le neleguemaĝata da'me edañgui joda'me 'loyaĝac ñe'me Jesús da'me dajoya'agueta jogaa'me. Ga'me latajoĝoc laqaselegaĝac ena'am jañe'me ajeua, nataq'aen gaa'me leuo yataqachiñe neleguemaĝata da'me laqaselegaĝa'j.

Hechos 26:13

Qalaĝaja ga'me yadic, am jaliaĝanec jo'ne p'ajaye, ca'li nolo' qama'le jauana ga'me 'yoqochiñe jo'ne chiyoĝogue di'me piyem, yataqachiñe napacalegue ga'me lauaq jañe'me ajeua, jo'ne jouetoue ga'me lauaqayaĝac, nataq'aen jogaa'me jayem quetedapegue'.

Efesios 6:17

Nataq'aen jetaque da'me adec'alaqai ami de'uolo'te, ena'am ga'me jaĝa'to jo'ne laicaua 'me de'uolegue na'me laqaic ga'me coico le'ec. Nach'e ena'ama daa'me Dios 'laqataqa jo'ne ena'am ta'le daĝanaĝat 'me ami yanema ñe'me Dios Lepaqal, qama'le yataqata noma't na'me adauteua.

Hebreos 4:12

Qa'a da'me 'laqatac joñe'me Dios yataqata nec'aletaye nataq'aen 'uo da'me lañoqotaĝanaĝac. Nach'eda jo'ne nichaĝajoĝonaĝat jo'ne p'ajaye, napacalegue ga'me nedaĝanaĝat jo'ne dos naa'me lia'a, qama'le yaqanatet ta'le yeda'uo ga'me lauel ga'me jiyaĝaua, chayovida'a da'me yovidauo ga'me lepaqal, ena'am ta'le yededa'uo gaa'me loiquiaqa'te naa'me lep'inaqa nataq'aen na'me lap'iyoĝo. Qama'le nach'eda jo'ne ya'uo da'me lec'atenaĝanaĝac, naloqote'n gaa'me lelnataĝaco ga'me jiyaĝaua nataq'aen gaa'me jo'ne mach'e lamaico.

Apocalipsis 1:20

Naa'me naajo' jo'ne ja di'yo't 'me siete uaqachiñil jo'ne auanalo da'me uetedaye jenjo' youaq jo'ne yayaten nataq'aen naa'me siete coyadaĝanaqatel jo'ne oro: jonaa'me siete uaqachiñil nach'enaua jo'ne piyem laje' 'me yelolo'te gaa'me siete tamenaĝaiqui', qama'le naa'me siete coyadaĝanaqatel jo'ne auanalo nach'enaua jo'ne siete naa'me tamenaĝaiqui'.

Apocalipsis 10:1

Yem qama'le jauana jo'me piyem le'ec laqaya jo'ne 'uo da'me lañoqotaĝanaĝac, naquetaue jo'me piyem lo'oc da'me nenochiñe chiyaqaje'ma di'me piyem, na'me laqaic uetalegue jo'me uosac choqoda'me yaqaselec jo'me latajoĝoc ena'am ta'le ajeua lauaq, nataq'aen naa'me lotetadi ena'am ta'le dole'te qom noĝoneje'melo jena'me lauaq.

Apocalipsis 12:1

Qama'le 'uo jo'me di'yoq jo'ne 'nanec let'adaic 'me ua'ague di'me piyem: 'uo jaga'me yauo jo'ne qoyen neuoĝoi jañe'me ajeua, choqoñe'me auoĝoic ne'toto naa'me lapia'te, nataq'aen jaga'me cop'a jo'ne netaye jo'me laqaic nalo'taguet doce naa'me uaqachiñil jo'ne netedalegue.

Apocalipsis 19:15

Qama'le jena'me nedegaĝat joñe'me chiyaqaue ga'me nedaĝanaĝat jo'ne neuoyejec, qaedi nach'ega jo'ne yejogueque ena'uaque ga'me jiyaĝadipi jo'ne uetedalegue jena'me aleua, nataq'aen lajoqot'a ga'me naje'l jo'ne laicaua da'me male nejaliaĝatelo'te jogaa'me. Chane'eja ya'uo ga'me ne'uaĝanague'j jogaa'me, ena'am da'me qoyen yolaĝachiguilo jogaa'me uva jala, qaedi qoyachiyoĝotaye ga'me lataĝa, qama'le nach'ega jo'ne yelo'teguet da'me lalemataic joñe'me Dios 'me qaya'te yaqalaatac, jo'ne 'uo da'me lichic.

Apocalipsis 19:21

Qama'le ena'uaque jodia'me laqaya' da'me nach'e ena'ama da'me yele'u, da'me qoyalateque joga'me nedaĝanaĝat jo'ne chiyaqaue ga'me nedegaĝat joñe'me jo'ne netalegue ñe'me pegaq, qama'le yema jena'me mayodipi yaliquitedac jena'me lapa't jodia'me jiyaĝa'u jo'ne nalataqa.

Apocalipsis 2:1

“Auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Éfeso: «Da'me ami jo'ne oñiya'ña di'me Éfeso, ami janema nayi jenjo' 'yaqatac, mach'e jayem jo'ne uo'oe gaa'me siete uaqachiñil uetedañgui na'me youaq jo'ne yayaten, nataq'aen da'me jouetañelo jogaa'me siete coyadaĝanaqatel jo'ne oro.

Apocalipsis 2:12

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Pérgamo: «Da'me ami jo'ne oñiya'ña di'me Pérgamo, ami janema nayi jenjo' 'yaqatac, mach'e jayem jo'ne jauana na'me yedaĝanaĝat jo'ne dos naa'me lia'a:

Apocalipsis 2:16

Chane'eja a'niyelaqaeyot nayi ñe'me Dios yema da'me ami, qa'a qom ja naq'aeta da'me auauoyi, qama'le paja'a da'me ami jec'atalo qaedi jeloi'ye'to jogaa'me, qa'a 'uo na'me yedaĝanaĝat jo'ne chiyaqaue jena'me ñedegaĝat.

Apocalipsis 3:1

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Sardes: «Da'me ami jo'ne oñiya'ña di'me Sardes, ami janema nayi jenjo' 'yaqatac, mach'e jayem jo'ne ñejaliaĝatelo'te jogaa'me siete nepaqa'li jo'ne chiyoqo'ot joñe'me Dios nataq'aen yajoqot'a gaa'me siete uaqachiñil: Joote jayaten yema da'me auauoyi jo'ne chiyaqayi da'me a'naqataguequi da'me yataqata anec'aliitaye, qalaĝaja ja naq'aeta, dite da'me ena'am ta'le joote adelevi.