3 Juan 1:12 - Nuevo Testamento Toba Sombrero Negro

¹² Qama'le ena'uaque dechoqotaĝatec ñe'me Demetrio jalcote 'noota ga'me 'naqataguec, nataq'aen da'me eja qo'mi yayatenaĝaneque queda'me yataqachiñe 'noota ñe'me. Choqoda'me qo'mi nach'e ena'am 'noota ga'me qat'aqatac jo'ne jotauanaq joñe'me, qama'le auayaten queda'me ja'aĝataqatac da'me jo'ne chimaqachiñe.

Nuevo Testamento Toba Sur

¹² 'Enauac na shiÿaxauapi ÿataqta no'on da l'aqtaxanaxac da i'axattac ca Demetrio. Nataq'en da n'aqtac mayi ÿataqta 'eesa, damayi i'axat da no'on lataxac camayi. Qaq qomi' nataq'en sa'axataqtac, qataq qami' qauaÿajñiita da de'eda qad'aqtac ÿataqta 'eesa.

La'aqtaqa Ñim Lo'onatac 'Enauacna 2013

¹² 'Enauac na shiỹaxauapi ỹataqta no'on da la'aqtaxanaxac da ỹa'axattac so Demetrio, qaq dam lataxac somaye nachera da ỹa'axat da 'eesa. Qaq qomi' nataqa'en saỹamaxarenaqta da lataxac somaye, qaq 'am 'auaỹateeta da saishet da satenataxanaqtac.

3 Juan 1:12 Iomraidhean Croise

Juan 19:35

Joñe'me jo'ne yauana da'me dojo', nach'ayem jo'ne ja'aĝatetac, qama'le da'me mach'e 'yaqataĝanaĝac yataqachiñe eja. Nach'e ena'am jayaten da'me jo'ne ja'aĝatetac yataqachiñe eja, qaedi nach'e ena'am da'me ami yataqachiñe auep'iiya'a.

Juan 21:24

Nach'ayem napaĝaguenatac jo'ne jechoĝo't naa'me naajo' uo'oe, qama'le naa'me naajo' jedidiñe. Nataq'aen jayatenaq queda'me yataqata eja da'me dojo' jo'ne joote qoyediñe.

Hechos 10:22

Jogaa'me 'yadeteguet: —Jachiyajaqa'a ñe'me coico le'ec lajoĝola' Cornelio, jiyaĝaua jo'ne chimaqachiñe, jo'ne 'nonaĝachigui ñe'me Dios nataq'aen nach'eñe jo'ne ena'uaque ga'me judiopi 'yamaqate'n nataq'aen noqopideta. 'Uo jo'me piyem le'ec jo'ne chiyoĝogue ñe'me Dios t'aqataĝanem qaedi am niyaĝana, qaedi auec'ata di'me 'lachaqa' qaedi naquiaĝana ga'me jo'ne a'uaĝatem.

Hechos 22:12

“Di'me Damasco 'uo ñe'me jiyaĝaua jo'ne lenaĝat Ananías, 'me choĝodenataĝanaĝaic ca'li ñe'me nataq'aen yataqachiñe yoqocha'alo daa'me namaĝajoĝonaĝaco; ena'uaque ga'me judiopi jo'ne neda'ña di'me Damasco yiyamaĝadetedac ñe'me.

Hechos 6:3

Chane'eja, ami yaqaya'olqa, aueloyapiye gaa'me siete jiyaĝa'u jo'ne qoyateto'n queda'me najaqachiguilo ñe'me Dios Lepaqal nataq'aen yatenaĝanaĝayaqa, qaedi jenaĝa yelodelegue da'me dojo' 'nonataĝanaĝac.

1 Ts 4:12

Qama'le auauoyi jena'me jenjo' qaedi male yataqata ami qo'yamaqate'n chayovida'a da'me ami 'yamaqate'n joga'me ja p'iida'a jena'me jenjo' 'noota, nataq'aen qaedi qaya'te adouenaĝanaĝaqui.

1 Timoteo 3:7

Nataq'aen 'noota ta'le yataqata qouatec'a yema jena'me jiyaĝadipi, chayovida'a jogaa'me ja p'iida'a da'me 'noota, qaedi ja qoyachalegue da'me ne'uaĝanaĝanaĝac, uotaĝa male payac yoqovin da'me 'lonataĝanaĝac.