2 Juan 1:1 - Nuevo Testamento Toba Sombrero Negro

¹ Jayem jo'ne jayem 'yaĝaicachigui nayi jalcote da'me yamaic jo'ne am janem, am yaqayole jo'ne am Dios liquiya, nataq'aen ena'uaque gaa'me ac'oqo'tolqa. Yataqachiñe eja da'me ami joqopitalo, nataq'aen ja jayem 'te onolec da'me jayem, dite da'me nach'e ena'ama ena'uaque jogaa'me jo'ne yacoteguet da'me yataqachiñe eja.

Nuevo Testamento Toba Sur

¹ Aÿim mayi aÿim qadquedoxonqui, samaxa ana ÿide aca ÿaqaÿa mayi lca'aguishi ñi Dios qataq cam llalaqpi mayi ÿataqta ÿauotaxatpi. Qaq saqaÿimta da sauotec camayipi, cha'ayi nataq'en 'enauac nam ÿauattoota dam n'aqtac mayi ÿataqta 'eesa.

La'aqtaqa Ñim Lo'onatac 'Enauacna 2013

¹ Aỹem nataxala' qataq selotague' na 'amqaanataxanaxaicpi. Samaxa ana ỹere na qarqaỹañicpi maye lca'aguishecpi Ñim Lo'onatac 'Enauacna: Aỹem ỹataqta qami' sauoteque qalaxaye saishet da nachaỹemta, nataqa'en 'enauac nam ỹauatton da 'eesa lataxac,

2 Juan 1:1 Iomraidhean Croise

Lucas 1:3

Qo'che' nach'e ena'am da'me jayem yataqachiñe jayataĝade'tegue ga'me chiyoqochiñe da'me dojo', qama'le yataqatelegue da'me dojo' yediijec jo'ne am jedenaqatena,

Juan 8:32

auayachiñe qomle da'me jo'ne eja, qama'le da'me eja male ami yejodegue.

Hechos 11:30

Naq'aeta da'me yauote, qama'le qoyen yelodelegue ñe'me Bernabé nataq'aen Saulo yamaĝalo jaga'me lajaqaje' joga'me 'yaĝaicachidipi jo'ne neda'ña di'me Judea.

Romanos 16:13

Auep'iyeñi nataq'aen ñe'me Rufo, nach'eñe liquiyac ñe'me Jaliaĝanec chaqaga'me lat'e ñe'me, jaga'me ena'am ta'le yat'e ca'li.

Gálatas 2:14

Dojo' eetedapega mach'e naq'aeta da'me lajoĝo'j nautena da'me yataqatelegue nep'iquinataĝanaĝac 'me onaĝaic 'naqataĝanaĝac. Qo'che' jojapegue' ca'li ñe'me Pedro da'me jajoyaqa'agueta gaa'me p'etaqadaiquipi di'me Antioquía qama'le jenapega: “Am, auen at'oyaĝac da'me ena'am ta'le ja am 'te judío le'ec. Qama'le nayi, ¿toqoch'e auepagaqatetapeque jogaa'me ja judiopi qaedi quetede'egue da'me naeda'ac jogaa'me judiopi?”

Gálatas 2:5

Qalaĝaja qo'mi ja jauoqo 'te ledaqa' ta'le qo'mi yaue'j jogaa'me, qo'mi jepagaqatapega ta'le ami oquitelegue da'me auoqochiiya da'me yataqatelegue nep'iquinataĝanaĝac jo'ne 'yaĝatetac da'me onaĝaic 'naqataĝanaĝac.

Gálatas 3:1

Ami Galacia laje', ¡yataqachiñe ja ami 'te damite' qaedi maqachaĝa auetadenataĝañi! ¿Jach'e jogamaĝa ami yeda'n? Naqayem joote ami janema ga'me yoqotenaĝanaĝac jo'ne yataqachiñe di'yoqo'tegue, ga'me eeta da'me leleuaĝa ñe'me Jesucristo ca'li qoyep'elegue jaga'me sodoso.

Gálatas 5:7

Ami onaĝaic mañaĝa da'me adajoĝoqui: ¿jach'e ga'me nauaneguet da'me oqui'tegue da'me yataqatelegue 'naqataĝanaĝac?

Colosenses 1:5

Dojo' yajouaĝat da'me anaquichi'ta ga'me jo'ne jalchi'ena qoyiyamaĝatetac qaedi ami qoyanema qomle da'me oviya'ague di'me piyem, da'me jo'ne auomachiiya ca'li ami qo'yaĝatema da'me yataqatelegue jo'ne 'laqataĝanaĝac ñe'me Dios.

1 Timoteo 2:4

jo'ne yataqata paquetapega da'me qonec'alaĝatedegue yema gaa'me jiyaĝadipi nataq'aen yataqata qoyateton da'me eja jo'ne chiyoqo'ot ñe'me.

Hebreos 10:26

Qa'a qom nach'eda da'me jenaĝa qadelnataĝac da'me qolaqa'taguelo naa'me qadoeco, da'me joote ja'amaqatenaq da'me napaĝaguenataĝanaĝac jo'ne eja, qama'le qaya qomle ga'me najaqajec ta'le yapalaĝa't naa'me qadoeco.

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

1 Pedro 5:13

Jogaa'me jo'ne neda'ña di'me Babilonia, ga'me Dios lec'oqo'tepi jo'ne nach'e ena'ama Dios liquiyaqa jo'ne nach'e ami ena'ama, ami yamaĝalo da'me lamai'j, choqoñe'me Marcos jo'ne ena'am ta'le yalec.

1 Juan 2:21

Qama'le nayi ami janema jenjo' 'yaqatac; qalaĝaja, yaqa'a ta'che ja auayachiñe da'me jo'ne eja, dite da'me joote auayachiñe; nataq'aen auayachiñe queda'me gamachaqaega noqovinaĝanaĝac ja yaqanatet ta'le qoyachiyoĝotaye q'aen da'me jo'ne eja.

1 Juan 3:18

Ami yalaqapi, ena'te ch'e jenaĝa qat'aqatac queda'me qadoqopitalo gaa'me qadaqaya'olqa, dite da'me jenaĝa di'yo't daa'me qat'onataqa queda'me eja jechoĝodena' jogaa'me.

2 Juan 1:13

Ena'uaque jogaa'me lec'oqo'tolqa jaga'me adaqaya, jaga'me jo'ne nach'e ena'am Dios liquiya, am yamaĝa da'me lamai'j nataq'aen lep'iyenataĝanaĝa'j.

2 Juan 1:5

Nayi, am yaqayole, am ñachoĝodenot queda'me 'noota ta'le onolqa'tape qo'mi ñoqopitaqapega't. Jenjo' 'yaqatac jo'ne am janem ja namaĝajoĝonaĝac jo'ne dalaĝaic, dite da'me nach'eda da'me Dios lamaĝajoĝonaĝac jo'ne jaconaĝaguet ga'me chiyoĝogueta gaa'me noloqo'ote ca'li jep'iyaqa.

3 Juan 1:1

Jayem jo'ne jayem 'yaĝaicachigui, nayi jalcote da'me yamaic jo'ne am jamaĝa, am yaqaya Gayo, am jo'ne yataqachiñe eja da'me am joqopita.