1 Juan 5:6 - Nuevo Testamento Toba Sombrero Negro

⁶ Joda'me lovidaĝaquena joñe'me Jesucristo 'nanec qoyen joga'me noĝop ca'li qonachilaĝan, nataq'aen jaga'me letauo' naliñi qoyen ca'li qoyalat; ja nach'egata ga'me noĝop, dite da'me nach'e ena'am noĝop nataq'aen letauo'. Joñe'me Dios Lepaqal nach'eñe jo'ne dechoqotaĝanec da'me dojo', nach'eñe jo'ne yataqata eja.

Nuevo Testamento Toba Sur

⁶ Qaq da lvidaxac co'ollaq hueta'a ana 'alhua so Jesucristo, dos naua l'anqa'te: so 'etaxat co'ollaq qanachilaxan, qataq soua ltago'q co'ollaq qaÿalauat. Qaq sa ishit da nachaqsota so 'etaxat, cha'ayi nataq'en soua ltago'q co'ollaq qaÿalauat. Qaq so Espíritu Santo nachiso so i'axat de'eda, qalaq ÿataqta 'eesa da l'aqtaxanaxac.

La'aqtaqa Ñim Lo'onatac 'Enauacna 2013

⁶ So Jesucristo co'ollaq nvira ana 'alhua, nache qanachelaxangui na 'etaxat, qaq co'ollaq ileu, nache icolde'c soua ltago'q. Qaq som Saqcha'a La'añaxac Ñim Lo'onatac 'Enauacna, nacheso som da'aqtaxan, qaq 'enauac nam ỹa'axat Somaye ỹataqta 'eesa.

1 Juan 5:6 Iomraidhean Croise

Mateo 26:28

qa'a janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me. Mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem qomle queda'me male qoyapalaĝa't joda'me loeco.

Mateo 3:16

Mane'e ca'li Jesús qonachilaĝan ca'e ga'me noĝop, qanach'e paja'a qo'youategue jodi'me piyem qama'le yauana ñe'me Dios Lepaqal queda'me nenochi'ña joñe'me ena'am ga'me doqoto'.

Marcos 14:24

Nataq'aen eetojo': —Janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me; mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem.

Lucas 22:20

Ca'li yem da'me niqui'yaĝac, qama'le yaloqochichigui ga'me 'uaeñe da'me yacona jaga'me yomaĝaiqui, enaac: —Janjo' mach'e laloĝoiqui qoyen jana'me yetauo', nach'aga naliñi qoyen qomle qaedi ami lecochiyalo, da'me jo'ne Dios ami ye'tema qaedi male aniyamaĝadeñiyeguet joñe'me.

Juan 14:17

Nach'eñe ñe'me Dios Lepaqal jo'ne yataqatelegue; joga'me aleua laje'pi ja yaqanate't ta'le yacoteguet, qa'a ja yauata nataq'aen da'me ja yateto'n; qalaĝaja da'me ami yataqata auatetoñi, qa'a nach'e eta't ami ue'tajopa nataq'aen da'me male ami uetauelo qomle.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 15:26

“Qalaĝaja novitequena qomle ñe'me anecochoqo't, ñe'me Dios Lepaqal jo'ne chiyoqo'ot joñe'me Taĝadena', qama'le 'yaĝatetac joñe'me jo'ne yataqatelegue. Ñamaĝaquena qomle qaedi chiyaqaue joñe'me Taĝadena' qama'le jayem 'yaĝatetac.

Juan 16:13

Qalaĝaja qom novi' ñe'me Dios Lepaqal jo'ne yataqatelegue, nach'eñe jo'ne ami yauegouelo yema naa'me naajo' jo'ne ejoda, qa'a ja 'yaĝatetac da'me mach'e 'naĝatetapela't, dite da'me 'yaĝatetac yema ga'me jo'ne domachiya, nataq'aen ami yayatenaĝanaĝaneque gaa'me uo'oe jo'ne di'yo't qomle.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Juan 4:10

Jesús 'yateguet: —Ta'le auayaten ga'me jo'ne Dios am yanem nataq'aen jayem auayaten da'me am jiyaĝatapecot qaedi jayem aniyomaĝan, qama'le ga'me aviyaĝanaque qama'le am janem ga'me noĝop jo'ne nec'alaĝaiqui.

Juan 4:14

qalaĝaja joga'me jo'ne niyomigui ga'me noĝop jo'ne mach'e janegue, ja yitaĝa ta'le 'niyelaĝa ga'me noĝop lamaic. Qa'a joga'me noĝop jo'ne mach'e janegue ja yitaĝa em, qama'le ena'am ga'me ladic joga'me noĝop jo'ne nec'alaĝaiqui, chayovida'a ga'me jiyaĝaua taue da'me 'loyaĝac jo'ne ja 'naidena'a.

Juan 6:55

Qa'a jena'me yapat nach'ena jo'ne yataqatelegue niqui'yaĝat nataq'aen jana'me yetauo' nach'e ena'am yataqatelegue naiquip.

Hechos 8:36

Ca'li copa'ta qama'le yovideta ga'me jo'ne 'uo ga'me noĝop, ñe'me jaliaĝanec enaac: —'Uo jena'me noĝop jenjo'; ¿qo'li 'uo jogamaĝa qalaqa't ta'le jayem qonachilaĝan?

Romanos 3:25

Cristo naliñi jaga'me letauo' ca'li; nach'eda Dios 'yetem da'me lo'o q'aen da'me qoyapalaĝa't jodaa'me qadoeco. Dojo' napalaqataguec joga'me noecopi, chiyaqayi da'me nepe'e da'me maqachaĝa qoyovidalegue. Naq'aeta da'me jetaque yaloĝon ñe'me Dios da'me qo'mi e'n yataqatelo'te; yapalaĝa't gaa'me qadoeco jo'ne joote jauoqo'oe ca'li.

Efesios 1:7

Da'me leleuaĝa joñe'me Jesucristo ca'li uetalegue jaga'me sodoso, male Dios en qo'mi uojotedañi, da'me yapalaĝa't yemeda jogaa'me qadoeco. Nach'ena jena'me jenjo' ya'uo ca'li qa'a jouaĝat da'me yataqata eja qo'mi noqopitalo.

Colosenses 1:4

qa'a joote janomaqa da'me yataqachiñe auep'iiya'a joñe'me Cristo Jesús, nataq'aen queda'me adoqopichiyalo ena'uaque joga'me Dios lec'oqo'tepi.

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

Tito 3:5

qama'le qo'mi nec'alaĝatedegue. Dojo' ya'uo ja naqaeda ta'le yajouaĝat da'me jauoqo ga'me chimaqachiñe, dite da'me yajouaĝat da'me yataqata qo'mi yichoĝode'n. Chane'eja ñe'me Lepaqal 'me ja 'nalegue yiyo'y naa'me qadai'li nataq'aen en dalaĝaic da'me qadañoĝoc qama'le qo'mi yadalaĝa't.

Hebreos 10:29

Qama'le nayi, ¿qo'li ja yaguegue ga'me ne'uaĝanague'j qoyen jogaa'me jo'ne 'yota'n ñe'me Dios Lec'oĝot? Qa'a nach'egaua gaa'me jo'ne ja 'yamaqate'n jaga'me letauo' joñe'me, nach'aga jaga'me letauo' jo'ne naliñi qoyen joca'li qaedi en yepaquichigui da'me 'namaqatenataĝanaĝac dalaĝaic, qama'le en qoyapalaĝa't gaa'me qadoeco. Nach'e ena'am jogaa'me ye'uetedac ñe'me Dios Lepaqal jo'ne qo'mi yichoĝode'tape.

Hebreos 12:24

Nataq'aen auec'achiya joñe'me Jesús, nach'eñe jo'ne joote yomat da'me dalaĝaic 'namaqatenataĝanaĝac, qama'le nach'e ena'am jaga'me letauo' jo'ne naliñi joca'li qaedi en qo'mi yoqovite' q'ae'n, jaga'me jo'ne nach'e ena'am da'me qo'mi 'yaĝatema da'me onaĝaic, jo'ne ja ena'am jaga'me letauo' ñe'me Abel.

Hebreos 13:20

Joñe'me Dios jo'ne qo'mi yanema da'me 'nemaĝac, qa'a nach'eñe 'me 'niyelaĝachijeguem ñe'me Jesús da'me en chiyaqauelo dia'me napa'lpi, joñe'me Jesús jo'ne 'naĝanaĝate 'nouatoqo't 'me p'ajaye, ñe'me mach'e Qadejaliaĝanec jo'ne joote yomat da'me niyamaqataĝanaĝac jo'ne qaya'te loiquiaqa', yajouaĝat da'me qoyen naliñi jaga'me letauo'.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

Hebreos 9:7

Qalaĝaja ga'me jo'ne p'ategue lalec joga'me emec, nach'eñeta joñe'me lajoĝola' jogaa'me netaĝayaĝanaĝanaqa da'me taue, qalaĝaja ch'e onolec ga'me nolo' joga'me uo'e da'me taue, da'me yedo't jaga'me jiyac letauo' qaedi male qoyapalaĝa't gaa'me mach'e loeco, choqogaa'me loeco joga'me jiyaĝadipi jo'ne ja nomegueta.

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

1 Juan 1:7

Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.

1 Juan 4:10

Qama'le naq'aeta da'me noqopich'i: yaqa'a ta'le qadoqopita joñe'me Dios, dite da'me nach'eñe jo'ne qo'mi noqopitalo, ca'li namaĝa'ña jena'me aleua joñe'me Lec'oĝot qaedi nemela't qaedi qoyalat, qaedi yemeda daa'me qadoeco male qoyapalaĝa't.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

Apocalipsis 7:14

Qama'le ja'ateguet: “Negue't. Naqa'am jo'ne auayaten, am jaliaĝanec.” Qama'le jayem 'yaĝatem: “Naa'me naajo' jo'ne nach'enaua 'me chiyoqodaue da'me lachoĝode'j let'adaic, nach'enaua jo'ne joote yiyo'y naa'me louo, yataqata yapaga't q'ae'n, yajouaĝat da'me yiyoĝotec jaga'me letauo' joñe'me 'Naĝanaĝate Lec'oĝot.