1 Juan 5:11 - Nuevo Testamento Toba Sombrero Negro

¹¹ Qama'le dojo' da'me Dios 'laqataĝanaĝac: queda'me qo'mi yanema da'me qat'oyaĝac jo'ne yataqatelegue, nataq'aen dojo' qat'oyaĝac chiyaqayi joñe'me Lec'oĝot.

Nuevo Testamento Toba Sur

¹¹ Qaq de'eda l'aqtaxanaxac ñi Dios naigui da qomi' ÿanema da nca'alaxa mayi chochaq tateec. Qaq de'eda nca'alaxa chigoqchigui so llalec.

La'aqtaqa Ñim Lo'onatac 'Enauacna 2013

¹¹ Qaq dam la'aqtac Ñim Lo'onatac 'Enauacna, damaye ỹa'axat da Ñimaye qomi' ỹanema da nca'alaxa chochaq tatec. Qaq qomi' saconaxaguet de'era nca'alaxa da huo'o ca qarpi'iỹaxac So Llalec.

1 Juan 5:11 Iomraidhean Croise

Mateo 25:46

Da'me ami, auec'achiya ga'me ane'uaĝanaguequi 'me ja 'naidena'a, qalaĝaja gaa'me joĝodayaqa lai'li qamqa'me yec'adeta da'me 'noyaĝac jo'ne ja 'naidena'a.»”

Juan 1:19

Jenjo' jo'ne 'laqataĝanaĝac ñe'me Juan, ca'li gaa'me judiopi lajoĝola'te jo'ne neteda'ña di'me Jerusalén yamaĝata ñe'me Juan jogaa'me tamenaĝaiqui lo'ol choqogaa'me necochoqo'tpi qaedi yena't joñe'me: —¿Jach'e da'me am?

Juan 1:4

Nach'e ena'am da'me nach'eñe jo'ne chiyaqayi da'me nec'alaĝa, qama'le da'me nec'alaĝa nach'eda jo'ne yecoyadelegue ena'uaque gaa'me jiyaĝadipi.

Juan 10:28

Qama'le janema da'me lec'alaĝa jo'ne qaya'te loiquiaqa' choqoda'me ja yitaĝa ta'le pa'l nataq'aen da'me ja yitaĝa ta'le 'uo ga'me doĝotaĝaneque.

Juan 12:50

Nataq'aen jayaten da'me jo'ne mach'e lamaĝajoĝonaĝac ñe'me Taĝadena', nach'eda chiyaqayi da'me qat'oyaĝac 'me ja 'naidena'a. Chane'eja naq'aeta da'me ñenaĝategue nale, japaĝaguenataĝanec da'me jo'ne jayem 'yaĝatem ñe'me Taĝadena'.”

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 19:35

Joñe'me jo'ne yauana da'me dojo', nach'ayem jo'ne ja'aĝatetac, qama'le da'me mach'e 'yaqataĝanaĝac yataqachiñe eja. Nach'e ena'am jayaten da'me jo'ne ja'aĝatetac yataqachiñe eja, qaedi nach'e ena'am da'me ami yataqachiñe auep'iiya'a.

Juan 3:36

Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

Juan 4:36

Jogaa'me jo'ne dapogaĝa'n yacoteguet da'me nejetenague'j, qama'le ga'me lapogue'j 'me yapotena't nach'egaua ga'me jiyaĝadipi jo'ne 'uo da'me 'loyaĝa'j jo'ne ja 'naidena'a, qaedi gaa'me jo'ne danaĝa'n nataq'aen gaa'me jo'ne dapogaĝa'n nalo'ta't da'me made'tapolqa.

Juan 4:4

Chane'eja da'me leuoĝoc ñe'me Jesús ch'e leuotalegue di'me aleua jo'ne Samaria.

Juan 5:21

Qa'a naq'aeta joñe'me Taĝadena' 'niyelaĝachidijeguem jodia'me yele'u nataq'aen da'me yanema da'me lec'alaĝa'j, qama'le nach'e ena'am jayem janem da'me nec'alaĝac ga'me jo'ne jetaque ua'ajop.

Juan 5:26

Qa'a naq'aeta joñe'me Taĝadena' 'uo da'me mach'e lec'alaĝa da'me jo'ne mach'e 'loyaĝac, qama'le nach'e ena'am jayem yanem yema da'me 'yoyaĝac jo'ne 'uo da'me yec'alaĝa.

Juan 6:40

Qa'a da'me lelnataĝac joñe'me Taĝadena', yemeda jogaa'me jo'ne jayem yauata da'me jayem Lec'oĝot ñe'me Dios, nataq'aen da'me jayem p'iida'a, qama'le jetaque yauata da'me lec'alaĝa'j jo'ne qaya'te loiquiaqa'. Qa'a da'me jayem male 'ñiyelaĝachidijeguem jogaa'me qom yovita ga'me nolo' jo'ne p'ategue.

Juan 6:47

“Eja da'me ami ja'aĝatema: joga'me jo'ne jayem p'iya'a, male yauana da'me lec'alaĝa jo'ne qaya'te loiquiaqa'.

Juan 6:68

Ñe'me Simón Pedro 'yateguet joñe'me: —Jaliaĝanec, ¿jach'e ga'me jiyaĝaua laqaya jo'ne 'noota ta'le qolaĝague? Qa'a naa'me at'aqataqa 'naqataqa jo'ne chiyaqayilo da'me 'noyaĝac 'me qaya'te loiquiaqa'.

Romanos 5:21

Qama'le naq'aeta queda'me 'uo da'me 'lañaĝac ga'me noecopi novidaĝat da'me neleuaĝa, nataq'aen ena'am naq'aeta da'me lichoĝodenataĝanaĝac ñe'me Dios 'uo da'me lañoqotaĝanaĝac da'me qo'mi e'n yataqatelo'te nataq'aen qo'mi yanema da'me qat'oyaĝac jo'ne ja 'naidena'a, chiyaqayi ñe'me Qadejaliaĝanec Jesucristo.

Romanos 6:23

Joda'me lejetenataĝanaĝac ga'me adoec nach'eda neleuaĝa, qalaĝaja da'me lachetaĝanaĝac ñe'me Dios mach'e 'noyaĝac 'me ja 'naidena'a da'me joqotaqa'taguet ñe'me Cristo Jesús mach'e Qadejaliaĝanec.

1 Timoteo 1:16

Qalaĝaja joñe'me Jesucristo yataqata jayem yichoĝoden, qama'le yaloĝon da'me lepagaĝac da'me jayem. Te'me ja jayem 'te no'en, qalaĝaja jetaque aueñeta qom yataqata jetaque ayoue da'me nec'alaĝa jo'ne qaya'te loiquiaqa'.

Tito 1:2

qaedi yataqachiñe yayate'n jogaa'me queda'me yacoteguet qomle da'me nec'alaĝac 'me qaya'te loiquiaqa'. Dios ja doqovinaĝatac: ca'li maliaĝa ja ye'et jena'me aleua, joote 'yaĝatetac ca'li da'me dojo' qaedi gaa'me lec'oqo'tepi joñe'me nach'e eta't 'uo da'me lec'alaĝa'j.

1 Juan 2:25

Dojo' nach'eda jo'ne qo'mi 'yaĝatema joñe'me Jesucristo da'me 'noyaĝac jo'ne yataqatelegue.

1 Juan 4:10

Qama'le naq'aeta da'me noqopich'i: yaqa'a ta'le qadoqopita joñe'me Dios, dite da'me nach'eñe jo'ne qo'mi noqopitalo, ca'li namaĝa'ña jena'me aleua joñe'me Lec'oĝot qaedi nemela't qaedi qoyalat, qaedi yemeda daa'me qadoeco male qoyapalaĝa't.

1 Juan 4:9

Dios qo'mi yaloĝonalo da'me loqopich'i ca'li, queda'me namaĝa'ña jena'me aleua ñe'me Lec'oĝot jo'ne onolec, qaedi 'uo da'me qat'oyaĝac jo'ne chiyaqayi joñe'me.

1 Juan 5:10

Joga'me jo'ne p'iya'a joñe'me Dios Lec'oĝot yachitaue ga'me lauel da'me dojo' Dios 'laqataĝanaĝac; ga'me jo'ne ja p'iya'a joñe'me Dios qamqa'me en pecaic joñe'me, qa'a ja p'iya'a da'me 'laqataĝanaĝac joñe'me queda'me dechoqotaĝanec joñe'me Lec'oĝot.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

1 Juan 5:7

Qa'a naajo' tres jo'ne mach'e choqotaĝanaĝayaqa:

3 Juan 1:12

Qama'le ena'uaque dechoqotaĝatec ñe'me Demetrio jalcote 'noota ga'me 'naqataguec, nataq'aen da'me eja qo'mi yayatenaĝaneque queda'me yataqachiñe 'noota ñe'me. Choqoda'me qo'mi nach'e ena'am 'noota ga'me qat'aqatac jo'ne jotauanaq joñe'me, qama'le auayaten queda'me ja'aĝataqatac da'me jo'ne chimaqachiñe.

Judas 1:21

Naq'aeta da'me ta'le aniyamaĝachetoue da'me loqopich'i joñe'me Dios. Nataq'aen 'noota qom 'uo da'me adeuataqataĝanaĝaqui ga'me nolo' qom ñe'me Qadejaliaĝanec Jesucristo qo'mi yanema da'me 'noyaĝac jo'ne ja 'naidena'a, qa'a jalcote da'me lichoĝodenataĝanaĝac.

Apocalipsis 1:2

Chane'eja male jechoĝot yema da'me jo'ne jauana, nach'edaua daa'me 'laqataĝanaĝaco joñe'me Dios, jo'ne 'yaĝatetedac joñe'me Jesucristo.

Apocalipsis 22:1

Qama'le joñe'me piyem le'ec jayem yaloĝona di'me ñache jo'ne chichiñe jena'me noĝop jo'ne le'ec. Qama'le da'me 'loyaĝac di'me ñache ena'am ta'le cristal, nataq'aen da'me chiyoqotelegue ñe'me lejaliaqa' joñe'me Dios choqoñe'me 'Naĝanaĝate Lec'oĝot.