1 Juan 3:21 - Nuevo Testamento Toba Sombrero Negro

²¹ Ami yaqaya'olqa, qom qaya'te 'uo ga'me uetayelo naa'me qadai'li, qama'le machiñe da'me qadepe'e da'me jouaqat'ot joñe'me Dios.

Nuevo Testamento Toba Sur

²¹ Ÿoqo'oyi qami' ÿaqaÿadolqa, da qadquiyaqteÿaxac da huo'otaq sa ishit da huo'o ca qadasouaxashit naq'en, nachi ÿataqta sa ishit da ñi'aloxonaqto'ot ñi Dios.

La'aqtaqa Ñim Lo'onatac 'Enauacna 2013

²¹ Qami' ỹaqaỹarolqa, da ñanomaqta da qarvilỹaxac da saishet da huo'o ca qarasouaxashet, nache saỹaanaqta da Ñim Lo'onatac 'Enauacna da saishet da ỹo'ot ca qarasouaxashet.

1 Juan 3:21 Iomraidhean Croise

Romanos 14:22

Da'me adepe'e jo'ne am ue'tajop 'noota da'me nedo'ta't da'me yalemaqa'tot ñe'me Dios. Matacolec ga'me jiyaĝaua jo'ne ja yepoleguelegue da'me mach'e lauelyaĝac da'me 'lamaqatenataĝanaĝac.

1 Corintios 4:4

qa'a da'me yelnataĝac queda'me qaya'te ja no'en ta'le ja'uo. Qalaĝaja ja naqaeda ta'le male chiyaqayi da'me jayem qoyen yataqatelegue, dite ñe'me Jaliaĝanec nach'eñe 'me jayem naloqoten.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

Efesios 3:12

Chane'eja jouaĝat da'me qademe'teguet joñe'me Jesucristo nataq'aen yataqata jep'iyaqa joñe'me, qama'le male jaqanatetaq ta'le ñec'otaĝauo joñe'me Qadet'a mach'e Qanedios, yataqata qaya'te qat'oitaque.

1 Timoteo 2:8

Chane'eja, nale yema'a't gaa'me p'etaqadayaqa, 'uaediñe jepaquetapegalo ta'le gaa'me le'mi nodidijeguem naa'me loua' da'me yauote ga'me netamenaĝa'j. 'Noota qom yoqovichiguilo gaa'me lai'li, nataq'aen 'noota ta'le ja dalemata'y nataq'aen ja dapete'tape.

Hebreos 10:22

Chane'eja 'noota qom ñichiyaĝa'uo joñe'me Dios, da'me yoqovichiguilo naa'me qadai'li nataq'aen qaya'te 'uo ga'me qadoqoleguetaĝanaĝac da'me yataqata jep'iyaqa joñe'me, da'me joote qoye'n yoqovite' naa'me mach'e qadelnataĝaco, nach'e ena'am da'me joote qoyiyodingui naa'me mach'e qadoje' ga'me noĝop jo'ne qaya'te lale'gue.

Hebreos 4:16

Chane'eja da'me qo'mi, 'noota qom ena'te joqoleguetaq da'me jec'ataĝa'uo di'me lejaliaqa' joñe'me mach'e Qanedios jo'ne ñoqotaĝanaĝaic, qaedi joñe'me qo'mi lecochiyalo nataq'aen da'me qo'mi yichoĝode'n, gamachaqaega ga'me nolo' qom 'uo ga'me jouenaqataque.

1 Juan 2:28

Nayi, ami yalaqapi, 'noota qom nach'e aueñeta't auoqochi'taguet joñe'me Cristo, qaedi yataqachiñe 'uo da'me qadepe'e qom'che di'yo'quena joñe'me, nataq'aen qaedi qo'mi ja qadepocoq qom jajoyaqa'aguet joñe'me da'me lovidaĝac.

1 Juan 2:7

Ami yaqaya'olqa, dojo' namaĝajoĝonaĝac jo'ne ami janema ja dalaĝaic, qa'a nach'eda da'me jo'ne joote auacoñiyeguet, chiyoĝogueta gaa'me noloqo'ote ca'li auep'iiya'a. Dojo' namaĝajoĝonaĝac jo'ne toijec nach'eda jo'ne joote auomachiiya.

1 Juan 3:2

Ami yaqaya'olqa, joote qo'mi Dios lec'oqo'tolqa, temaqaedi maliaĝa ja jayatenaq da'me qo'mi di'yoĝoma q'ae'n ga'me qo'mi 'yeteque qom'che. Qalaĝaja, jayatenaq qom di'yo'quena joñe'me Cristo qama'le jenaqa'am joñe'me, qa'a jauanaĝa da'me 'loyaĝac qama'le jatetonaq.

1 Juan 3:20

Qa'a qom 'uo ga'me uetayelo naa'me qadai'li jo'ne ja qo'mi e'n machidiñe q'ae'n, qama'le joñe'me Dios napacalegue da'me qadetadenataĝanaĝac, nataq'aen yayate'n ena'uaque gaa'me jo'ne uo'oe.

1 Juan 4:17

Qom da'me qat'oyaĝac nach'e ena'am da'me 'loyaĝac joñe'me Jesucristo, qama'le da'me Dios loqopich'i male qo'mi qoyiyamaĝatetouelo; qom naq'aeta, qama'le qaya'te qadepocoĝo qom yovita ga'me nolo' jo'ne 'uo da'me Dios lec'atenaĝanaĝac.

1 Juan 5:14

'Uo da'me qadeuataqataĝanaĝac joñe'me Dios, qa'a jayatenaq queda'me qom 'uo ga'me jo'ne jiyaĝanaqaque, qom naq'aeta da'me loequenataĝanaĝac joñe'me, qama'le qo'mi naquiaĝanalo.