1 Juan 3:18 - Nuevo Testamento Toba Sombrero Negro

¹⁸ Ami yalaqapi, ena'te ch'e jenaĝa qat'aqatac queda'me qadoqopitalo gaa'me qadaqaya'olqa, dite da'me jenaĝa di'yo't daa'me qat'onataqa queda'me eja jechoĝodena' jogaa'me.

Nuevo Testamento Toba Sur

¹⁸ Qami' ÿalqolqa, de'eda qadsoxoyic sa ishito' qome da chochi ndotreec naua qad'aqtaqa, chaqdato' qome da ÿataqta 'eesa da qadsoxoyic, yaqto' ÿataqta qaila'a da huo'o ca so'otaq.

La'aqtaqa Ñim Lo'onatac 'Enauacna 2013

¹⁸ Qami' ỹalqolqa, saisheto' qome da ndotre'c naua qara'aqtaqa da shenaqtega da huo'o da qarsoxoyec, nachaqrato' qome da iuen da sachaxanaq da qarsoxoyec chegoqchigui ca so'otaq.

1 Juan 3:18 Iomraidhean Croise

Romanos 12:9

'Noota qom qaya'te lale'gue da'me onolqa'tape anoqopichiyapega't. A'uoitapeguet joda'me ja no'en nataq'aen anaviquila't joda'me 'noota.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

Efesios 4:15

Chane'eja 'noota ta'le da'me qadoqopich'i nach'ena qo'mi yaloĝo'talo qaedi nach'e eta't ja'aĝataĝatac da'me eja, chayovida'a da'me nach'e eta't ñaqaloĝodaqataje'ma joñe'me Cristo, jo'ne nach'eñe qo'mi nejaliaĝatelo'te yemeda naa'me noloqo'ote.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

1 Juan 2:1

Ami yalaqapi, ami jamaĝalo jenjo' yediijec qaedi qaya'te ya'uo loec. Qalaĝaja, qom 'uo gamachaqaega ya'uo ga'me loec, qama'le joote 'uo joñe'me jo'ne qo'mi de'uolo'te jo'ne ne'tot joñe'me Qadet'a, mach'e Jesucristo jo'ne yataqatelegue.

2 Juan 1:1

Jayem jo'ne jayem 'yaĝaicachigui nayi jalcote da'me yamaic jo'ne am janem, am yaqayole jo'ne am Dios liquiya, nataq'aen ena'uaque gaa'me ac'oqo'tolqa. Yataqachiñe eja da'me ami joqopitalo, nataq'aen ja jayem 'te onolec da'me jayem, dite da'me nach'e ena'ama ena'uaque jogaa'me jo'ne yacoteguet da'me yataqachiñe eja.

Juan 17:19

Qama'le yajouaĝat naa'me naajo' da'me jayem male ñiyamaĝatela't, qaedi nach'e ena'am niyamaĝatetedoue da'me jo'ne eja.

1 Juan 3:7

Ami yalaqapi, 'noota qom qaya'te ami yoqovi'n. Ga'me jo'ne quetalegue da'me en joĝodaic da'me nejiyaĝauayaĝac, nach'ega jo'ne chimaqachiñe, ena'am joñe'me Jesucristo queda'me yataqata chimaqachiñe.

3 Juan 1:1

Jayem jo'ne jayem 'yaĝaicachigui, nayi jalcote da'me yamaic jo'ne am jamaĝa, am yaqaya Gayo, am jo'ne yataqachiñe eja da'me am joqopita.

Lucas 7:5

qa'a qo'mi noqopitalo, qo'mi Israel laje'pi, nataq'aen nach'eñe damaĝajoĝolegue ca'li qaedi qo'nedijeguem ga'me qademaĝaiqui jo'ne 'uo nayi.