1 Juan 3:13 - Nuevo Testamento Toba Sombrero Negro

¹³ Ami yaqaya'olqa, ena'te adoqoch'iyem qom gaa'me jiyaĝadipi jo'ne loeco lo'olpi ami niquiyatapegalo.

Nuevo Testamento Toba Sur

¹³ Qami' ÿaqaÿa't, sa ishit qome da qadhualliÿa'a qom qami' nquiÿalo nam quetague' na 'onataxacpi mayi huetalec ana 'alhua.

La'aqtaqa Ñim Lo'onatac 'Enauacna 2013

¹³ Qami' ñauochaxauapi, saishet qome da qarhualliỹa'a da nam 'etaxaloxoicpi maye huetalec ana 'alhua da qami' nquiỹalo.

1 Juan 3:13 Iomraidhean Croise

Mateo 10:22

Ena'uaque jogaa'me aleua laje' ami qonautenalo qa'a jouaĝat jayem; qalaĝaja ga'me jo'ne 'nañaĝatela't chayovida'a ga'me loiquiaqa' da'me 'loyaĝac, qama'le nach'ega nec'alegue qomle.

Mateo 24:9

“Chane'eja ami qoyadeuo qomle qaedi ja no'en ga'me ami qo'yeteque; nataq'aen ami qoyala't, nataq'aen yema jena'me aleua ami qoniquiya'alo qomle qa'a jouaĝat da'me jayem oquiyegue.

Marcos 13:13

Yema ga'me aleua laje'pi ami nautenalo qa'a yajouaĝat da'me jayem oquiyegue; qalaĝaja ga'me jo'ne 'nañaĝatela't chayovida'a da'me loiquiaqa', nach'ega qoyanem da'me lec'alaĝa jo'ne ja 'naidena'a.

Lucas 21:17

nataq'aen yema jena'me aleua ami qoniquiyatapegalo jouaĝat da'me jayem oquiyegue.

Lucas 6:22

“Ami made'tapolqa qom ga'me jiyaĝadipi ami niquiyatapegalo, uotaĝa qom ami qo'yodetapegue'to, nataq'aen qom ami qoyejoue'tape chayovida'alo naa'me adenaĝachi qo'yota'tape ena'am ta'le ja no'en, qa'a yajouaĝat da'me jayem oquiyegue, mach'e jayem jo'ne yataqachiñe Jiyaĝaua Lec'oĝot.

Juan 16:2

Qa'a male ami qoyamaĝadegue qomle jogaa'me tamenaĝaiqui', nataq'aen yovida'a qomle da'me 'uo ga'me ami yala't queda'me eetedapega naq'aeta da'me loequenataĝanaĝac joñe'me Dios.

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

Juan 17:14

Joote janema naa'me at'aqataqa, qalaĝaja jenjo' aleua laje'pi niquiya'alo qa'a naa'me naajo' jo'ne jojapegue'to ja 'lachaqa't jena'me jenjo' aleua, qama'le ena'am da'me jayem ja 'yachaqa' jena'me aleua.

Juan 3:7

Ena'te aueualoĝona'aguet da'me dojo' jo'ne jeetac: «Ena'uaque da'me ami yitaĝa aniyiyiñe.»

Juan 7:7

Jogaa'me aleua laje'pi ja ami 'te nouelatapegalo, qalaĝaja da'me jayem qamqa'me 'uo da'me nouelaqataĝanaĝac, qa'a da'me jayem jechoĝotema naa'me ja 'noe'n jo'ne 'lonataqa.

Hechos 3:12

Pedro ca'li yauana da'me dojo' qama'le enaac: “Ami Israel c'oqo'tepi, ¿toqoch'e auoqochetapeguem da'me dojo'? ¿Toqoch'e qo'mi auelochiguilo? Qa'a ja mach'e qo'mi da'me jenaĝa yemegue jenjo' jiyaĝaua; ja jaqanatetaq ta'le je'etaĝac da'me male yeuotac da'me jedoĝolegue ga'me mach'e qadañoqotaĝanaĝac uotaĝa ga'me qadepi'iyaĝac.

Romanos 8:7

Jogaa'me jo'ne uenatetedapega da'me ch'e nejiyaĝauayaĝa'j nach'egaua nauteta ñe'me Dios qa'a ja jetaque 'yamaqate'n nataq'aen ja jetaque uetedo'ot da'me lamaĝajoĝonaĝac.

2 Timoteo 3:12

Yataqata eja da'me dojo', gaa'me jetaque uedaue da'me dojo' jo'ne jetaque quetegue joñe'me Cristo Jesús, qomle male qoyecaa'tape yajouaĝat da'me dojo';

Santiago 4:4

¡Ja ami 'te yataqatelo'te! ¿Qo'li ja auayachiñe joda'me qom anoqopicheguet jena'me ua'ña jena'me aleua qama'le nach'e ami jo'ne laute'u joñe'me Dios? Gamachaqaega jo'ne en lelnataĝac da'me noqopita nataq'aen da'me 'yamaqate'n jena'me jo'ne ua'ña jena'me aleua, nach'ega 'viyelaĝaguet da'me en lauteua joñe'me Dios.

Apocalipsis 17:7

Qalaĝaja joñe'me piyem le'ec male jayem dojapegue', enaac: “¿Toqoch'e auoqoch'em da'me dojo' jo'ne auana? Nayi cha'li am ja'aĝatem da'me jo'ne yelo'teguet, da'me jo'ne ja en 'te di'yoq jañe'me yauo choqoñe'me jiyac polio' 'me netalegue, jo'ne siete naa'me laqai'go nataq'aen diez naa'me lepeel.