1 Juan 2:5 - Nuevo Testamento Toba Sombrero Negro

⁵ Qalaĝaja, gamachaqaega jo'ne yauo'oe daa'me 'laqataqa joñe'me Dios, nach'ega male yovita da'me loqopich'i jo'ne yataqatelegue. Nach'eda eeta da'me male jayatenaq queda'me jonaqataye joñe'me.

Nuevo Testamento Toba Sur

⁵ Qaq cam i'o't naua lamaxasoxonaxaco ñimayi, nachi camayi ivida'a da ÿataqta ÿauotec ñi Dios. Qaq 'eda da 'eetec da huo'o mshi saÿajnaq da qomi' ñi'adaqtau'a ñimayi.

La'aqtaqa Ñim Lo'onatac 'Enauacna 2013

⁵ Qalaxaye cam ỹo'ot ca damaxasoxoolec Ñim Lo'onatac 'Enauacna, qaq nacheca ca ỹaỹaten da lauotaxanaqtaic, 'eeta'am da lauotaxanaqtaic Ñim Lo'onatac 'Enauacna qataq ỹataqta ỹaỹateeta da nauochaxaua Ñimaye.

1 Juan 2:5 Iomraidhean Croise

Lucas 11:28

Joñe'me 'yateguet: —¡Jaja'a! Qama'le ¡yataqachiñe p'ajaye da'me lamai'j jogaa'me jo'ne naquiaĝata daa'me Dios 'laqataqa, nataq'aen yoqochideta joñe'me!

Juan 14:21

Joga'me jo'ne yaconegueta daa'me yamaĝajoĝonaĝaco nataq'aen da'me yoqo'chalo, qama'le nach'ega yaloĝon da'me yataqachiñe eja jayem noqopita. Qama'le ñe'me Taĝadena' noqopita ga'me jo'ne jayem noqopita, qama'le nach'e ena'am da'me jayem joqopita joga'me nataq'aen da'me ñaloĝoneguet.”

Juan 14:23

Jesús 'yateguet joñe'me: —Ga'me jo'ne jayem noqopita, yoqocha'alo naa'me 'yaqataqa, qama'le Taĝadena' noqopita ga'me, qama'le ñe'me Taĝadena' nataq'aen jayem ñanaĝaquena qaedi jonaqa'ajop joga'me.

Juan 15:5

“Naqayem jo'ne jayem uva lichidic, qama'le da'me ami naqa'ami jo'ne lepeel. Ga'me jo'ne nach'e eta't jayem yoqote'taguet, nataq'aen jayem da'me joqote'taguet joga'me, qama'le jalcote ga'me nejalayaĝac; qalaĝaja qom ja jayem 'te auoqochi'taguet, qama'le qaya'te auaqanachichi.

Juan 6:56

Ga'me jo'ne yalic jena'me yapat nataq'aen da'me niyomigui janjo' yetauo' nach'e eta't da'me jayem ue'tajop, qama'le nach'e ena'am da'me jayem joue'tajop.

Romanos 8:1

Chane'eja nayi male qaya'te gamachaqaega ne'uaĝanague'j gaa'me jo'ne yoqotede'uo ñe'me Cristo Jesús.

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

2 Corintios 5:17

Nayi yataqachiñe qademe'teguet ñe'me Cristo, qo'mi jo'ne dalaĝaic da'me qa'netaguec. Ñe'me Dios male ja yitaĝa qo'mi yec'ateneque ga'me toijec qat'oyaĝac, dite da'me qo'mi yanema da'me qaedi jaconaĝaguet da'me dalaĝaic qat'oyaĝac.

2 Corintios 5:21

Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

Santiago 2:22

Qama'le naqaeda 'me auec'achiñe, da'me jo'ne ya'uo ñe'me Abraham da'me yaloĝon da'me jo'ne mach'e chiyaqayi da'me lepe'e, qama'le da'me jo'ne mach'e 'lonatac yovidaĝa'ta da'me en yataqatelegue da'me lepe'e.

1 Juan 3:24

Jogaa'me jo'ne yoqochideta daa'me lamaĝajoĝonaĝaco joñe'me Dios, nach'egaua neteda'ajop joñe'me, nataq'aen joñe'me netauelo jogaa'me. Nataq'aen dojo' jayatenaq queda'me qo'mi uetauelo: qa'a jouaĝat joñe'me Lepaqal jo'ne qo'mi yanema.

1 Juan 4:17

Qom da'me qat'oyaĝac nach'e ena'am da'me 'loyaĝac joñe'me Jesucristo, qama'le da'me Dios loqopich'i male qo'mi qoyiyamaĝatetouelo; qom naq'aeta, qama'le qaya'te qadepocoĝo qom yovita ga'me nolo' jo'ne 'uo da'me Dios lec'atenaĝanaĝac.

1 Juan 4:18

Yataqachiñe jayatenaq queda'me Dios qo'mi noqopitalo, qama'le qaya'te qadoqolanaĝa, qa'a gamachaqaega jo'ne yataqachiñe qonoqopita, nach'ega qaya'te t'oiya. Qalaĝaja qom 'uo ga'me jo'ne t'oiya qama'le nach'e ena'am ta'le joote 'uo da'me ne'uaĝanaguec; qo'che' gamachaqaega jo'ne maliaĝa t'oiya da'me Dios le'uaĝanaĝanaĝac, nach'ega maliaĝa ja yauana da'me Dios loqopich'i jo'ne yataqatelegue.

1 Juan 5:2

Chane'eja, qom qadoqopita joñe'me Dios, nataq'aen qom jauoqo'oe daa'me jo'ne qo'mi yamaĝalo'te, qama'le jayatenaq queda'me nach'e ena'am qadoqopitalo ena'uaque jogaa'me jo'ne lec'oqo'tepi joñe'me Dios.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

2 Juan 1:6

Joda'me qadoqopich'i ladic yepacapegue da'me dojo': queda'me 'noota ta'le qolaqa'teguelo jodaa'me Dios lamaĝajoĝonaĝaco. Qama'le jenjo' Dios lamaĝajoĝonaĝac, da'me jo'ne joote auomachiya chiyoqo'teguet ca'li ga'me 'uaechiñe, nach'eda 'noota ta'le nach'e eta't da'me anoqopichiyapega't.

Apocalipsis 12:17

Qama'le naqaeda 'me chiyaqayi da'me ma'ejama'le 'uo da'me lalemataic ñe'me ñaĝadiaq polio', yataqata nautena jañe'me yauo, qama'le ec qaedi deloiquitapegue'to jogaa'me yauo lec'oqo'te laqaya', naqaegaua jo'ne yoqochideta daa'me lamaĝajoĝonaĝaco joñe'me Dios, nataq'aen da'me yataqata quetede'egue na'me lapaĝaguenataĝanaĝac joñe'me Jesús.

Apocalipsis 14:12

¡Male qoyauana da'me eeta da'me napogaĝadenaĝa'j ga'me Dios lec'oqo'tepi, nach'egaua jo'ne yoqocha'alo naa'me lamaĝajoĝonaĝaco ñe'me Dios nataq'aen da'me ja yaĝadiñi da'me yataqata p'iida'a ñe'me Jesús!