1 Juan 2:18 - Nuevo Testamento Toba Sombrero Negro

¹⁸ Ami yalaqapi, male yovideta gaa'me noloqo'ote jo'ne p'atedegue, nataq'aen joote auomachiiya queda'me 'uo ga'me na'taquena jo'ne nautena joñe'me Cristo. Qama'le nayi uo'oe gaa'me qayoĝode' jo'ne nautetedapega joñe'me Cristo: qo'che' jayatenaq queda'me male yovideta gaa'me noloqo'ote jo'ne p'atedegue.

Nuevo Testamento Toba Sur

¹⁸ Qami' ÿalqolqa, mashi nvildeuo naua pa'atreec na'axa'te, qaq qami' qauaÿajñi da huo'o qome ca anatai' mayi npa'aguene' so Cristo. Qaq nagui mashi qalota na yi'oq nam npa'aguene' somayi. Ÿoqo'oyi qomi' saÿajnaq da mashi nvildeuo naua pa'atreec na'axa'te.

La'aqtaqa Ñim Lo'onatac 'Enauacna 2013

¹⁸ Qami' ỹalqolqa, mashe souaqtaiguilo naua pa'atre'c na'axa'te, qaq ana 'alhua mashe saqaỹaloq da imeuo. Qami' qaua'aqaitapeguelec naxa da, qom yaqta'a da nvi' ca loga'tna, nache nvi' ca npa'aguenaxaua So Cristo. Qalaxaye aỹem sauotaique da qami' sa'aqtaxanema da mashe qalota na yo'oq nam ipa'agueetac So Cristo. Qaq ỹoqo'oye qomi' saỹatenaq da mashe souaqtaiguilo naua pa'atre'c na'axa'te.

1 Juan 2:18 Iomraidhean Croise

Mateo 24:11

Ñedijeguem qomle gaa'me eetapela'ajalo Dios 'laqataĝanaĝanaqa jo'ne ja ejoda, qama'le qayoĝode' ga'me yoqovi'n qomle.

Mateo 24:24

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Mateo 24:5

Qa'a qayoĝode' gaa'me novi't qomle 'me ch'e jayem 'naĝachidiye, eetojo' qomle ga'me 'laqata'j: «Naqayem mach'e jayem Dios Liquiyac», nataq'aen qayoĝode' gaa'me yoqovi'n qomle.

Marcos 13:6

Qa'a qayoĝode' gaa'me novi't qomle jo'ne ch'e jayem 'naĝachidiye. Eetojo' ga'me 'laqata'j: «Mach'e jayem Jesús», qama'le jalcote ga'me jiyaĝadipi jo'ne yoqovi'n qomle.

Juan 21:5

Ñe'me Jesús yena't jogaa'me: —Jega, ami yaqaya'olqa, ¿qo'li qaya'te adoĝonequi? Qama'le 'yadeteguet: —¡Qaya!

Romanos 13:11

Male jouaqatauelo naa'me noloqo'ote jo'ne p'atedegue, qalaĝaja da'me ami ena'am ta'le maliaĝa a'uochetac, qalaĝaja nayi 'noota ta'le aneloyiye, qa'a male qoyoqo'ta ga'me nolo' qomle joñe'me Dios male qo'mi nec'alaĝatedegue, ja ena'am ca'li yemta jep'iyaqa joñe'me Jesús.

Romanos 13:12

Joote qo'mi nedalo'te da'me pi'yaq, yamta'le da'me nete'. Chane'eja jaĝanaĝadiñi gaa'me 'lonataqa da'me 'lalaĝa, qama'le janaĝaiñe da'me yoqochiñe, ena'am ga'me coico le'ec yaqataĝata't nale 'uo ga'me nalada't.

Hebreos 1:2

Qalaĝaja nayi naa'me naajo' noloqo'ote jo'ne p'atedegue, male 'uo joñe'me jo'ne mach'e C'oĝot, qama'le nach'eñe jo'ne qo'mi yapaĝague'n, nach'eñe jo'ne qoyen loqo'te ena'uaque jogaa'me jo'ne uo'oe, qa'a nach'eñe 'me chiyaqayi da'me ye'et ena'uac joca'li.

1 Pedro 1:20

Joñe'me Cristo nach'eñe jo'ne qoyaqataĝata't joca'li maliaĝa jona'li 'uo jena'me aleua, qoyequetelegue da'me dojo' jo'ne qoyamaĝalegue. Qalaĝaja nayi naa'me naajo' noloqo'ote jo'ne p'atedegue male qoyaloĝon qaedi yataqata ami yichoĝode'n.

1 Pedro 1:5

Yajouaĝat da'me adepi'i jo'ne ami uetauelo, joñe'me Dios jo'ne 'uañaĝaic yataqata ami de'uolo'te, qaedi ami yovidaĝateda'a da'me nec'alaĝa jo'ne mach'e liyamaqatac, jenjo' jo'ne qoyaloĝon jo' qom'te jogaa'me noloqo'ote jo'ne p'atedegue.

1 Pedro 4:7

Male qoyoqo'ta ga'me loiquiaqa't ena'uaque jogaa'me uo'oe. Chane'eja da'me ami 'noota qom aneloyitaye nataq'aen da'me ena'te aualajaĝañita da'me anetamenaĝaqui.

2 Pedro 2:1

Nach'e ena'am uo'oe joca'li jogaa'me laqaya' netedaue ga'me noic jo'ne Israel jo'ne enapela'ajalo 'laqataĝanaĝanaqa ñe'me Dios, qalaĝaja ja eja. Qama'le nach'e ena'am da'me ami netedaue qomle jogaa'me paĝaguenataĝanaĝayaqa jo'ne qovinaĝanaĝayaqa. Jogaa'me dapaĝaguenataĝa'n qalaĝaja naa'me mach'e lelnataĝaco yoĝochidiñe queda'me jetaque yapalaĝa't ena'uac, chayovida'a da'me nematedapec da'me 'loyaĝac ñe'me mach'e Lejaliaĝane'j jo'ne yachiyoĝotedaue da'me ne'uaĝanague'j, jenjo' jo'ne chiyaqayi da'me paja'a 'uo da'me lachoĝode'j qoyen jo'ne ne'uaĝanague'j let'adaic.

2 Pedro 3:3

Qama'le 'noota qom ena'uac da'me ami yataqata auayachiñe nataq'aen da'me anetoviñetaque da'me dojo': jogaa'me noloqo'ote jo'ne p'atedegue qama'le novi't qomle ga'me jiyaĝadipi jo'ne quetapegue'to jogaa'me ja 'noe'n jo'ne mach'e lamaico, choqoda'me e'n le'uenaĝanaĝaco

1 Juan 2:22

Gamachaqaega jo'ne nematapec joñe'me Jesús queda'me ja en 'te Cristo, nach'ega jo'ne yataqachiñe qovinaĝanaĝaic. Nach'ega jo'ne Jesús lauteua, qa'a nematapec joñe'me Qadet'a choqoñe'me Lec'oĝot.

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

1 Juan 4:3

Qalaĝaja gamachaqaegaua jo'ne ja dechoqotaĝatec queda'me Jesucristo yataqachiñe jiyaĝaua ca'li, nach'egaua ja ueteda'ajop joñe'me Dios. Nach'egaua yataqachiñe laute'u joñe'me Cristo, jogaa'me jo'ne joote auomachiiya queda'me novi't qomle, qama'te eja joote novi't qama'le quetedalegue jena'me aleua.

2 Juan 1:7

Qa'a uo'oe qayoĝode' gaa'me qovinaĝanaĝaiquipi jo'ne quetedalegue jena'me aleua, jo'ne ja dechoqotaĝatec joñe'me Jesucristo naequena nach'e naq'aeta jiyaĝaua jo'ne yataqatelegue. Ga'me jo'ne naq'aeta, nach'ega qovinaĝanaĝaic nataq'aen nautena joñe'me Cristo.

Judas 1:18

ca'li enapega't: “Gaa'me p'atedegue noloqo'ote qom'te qama'le uo'oe ga'me jiyaĝadipi 'me 'uenaĝanaĝaiquipi jo'ne quetapegue'to daa'me nejiyaĝauayaĝaco lamaico jo'ne ja 'noe'n.”