1 Juan 2:16 - Nuevo Testamento Toba Sombrero Negro

¹⁶ Qa'a yema gaa'me lamaico jogaa'me jiyaĝadipi jo'ne ja 'noe'n ja chiyoqodaje'ma joñe'me Qadet'a, dite da'me mach'e chiyaqayilo jogaa'me jiyaĝadipi. Naajo' yepitaqate'tape 'lonataqa jo'ne ja 'noe'n gaa'me jiyaĝadipi: daa'me ja 'noe'n lamaico 'me nejiyaĝauayaĝaco, nataq'aen da'me yepiteda'a ga'me jo'ne yauata, nataq'aen daa'me ni'yoĝodenaĝaco da'me neuoyaĝac.

Nuevo Testamento Toba Sur

¹⁶ Cha'ayi qaica da huo'o cam 'oonolec nam 'onataxacpi ana 'alhua da huo'otaq chigoqo'ot ñi qadta'a Dios, cha'ayi nachinatac nam 'onataxacpi mayi huetalec ana 'alhua. Qaq namayi nachina na qauem lhuennataxacpi da qadapachiyaxac, qataq da lqopitaxanaqtaic naua qad'ai'te, qataq da 'amqajnaxac da nachaalataxac na shiÿaxauapi. Qaq 'enauac namayi chigaqaigui nam 'onataxacpi mayi huetalec ana 'alhua.

La'aqtaqa Ñim Lo'onatac 'Enauacna 2013

¹⁶ Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

1 Juan 2:16 Iomraidhean Croise

Mateo 4:8

Yem qama'le payac yauegue ga'me qajoĝonaĝa jo'ne yataqachiñe qayaje'mec, qama'le yaloĝonalo ena'uaque naa'me ale'u lael choqoda'me 'lonaĝa'j jogaa'me.

Mateo 5:28

Qalaĝaja ami ja'aĝatema queda'me gamachaqaega jo'ne yec'aten jaga'me yauo qama'le yepita'a, joote taue da'me loec joga'me.

Lucas 4:5

Yem qama'le payac yañijeguem, cada'ac yaloĝonalo yema gaa'me ale'u jo'ne nejaliaqa'te jena'me aleua,

Romanos 13:14

Ena'te jelaqaque joga'me neloiquiaĝac, dite da'me janaĝaiñe da'me Jaliaĝanec Jesús nataq'aen ena'te ñetaqaque gaa'me aleua lamaico.

1 Corintios 10:6

Naajo' uo'oe jo'ne 'nonataqa joca'li nach'enaua ena'am ta'le 'nanaqa jo'ne qo'mi yapaĝague'n, qaedi ja jepitaqa'a ga'me ja no'en, naq'aeta gaa'me joca'li.

Gálatas 5:17

Qa'a gaa'me ja 'noe'n lamaico yataqata ja yauaĝa ga'me yepaquetapega ñe'me Dios Lepaqal, nataq'aen ñe'me Dios Lepaqal ja yauaĝalo gaa'me ja 'noe'n namaico. Chane'eja ami ja auaqanachichi ta'le auauoyi ga'me yepaquetapega da'me anejiyaĝauayaĝaqui.

Gálatas 5:24

Qama'le qo'mi da'me joote jouaqa'tot ñe'me Jesucristo joote jenaĝa yeleualegue jaga'me sodoso da'me qanejiyaĝauayaĝac loecoyaĝac nataq'aen gaa'me ja 'noe'n lamaico.

Efesios 2:3

Nach'e ena'am da'me qo'mi: ca'li yataqata naq'aeta da'me mach'e qanejiyaĝauayaĝac, jauoqo joga'me ch'e qadelnataĝac uotaĝa qadamanaĝanaĝac jo'ne yataqata ja no'en, qama'le yataqata jouaqatoue joga'me lalemataic ñe'me Dios, jenaqa'ama gaa'me jiyaĝa'u laqaya' jo'ne ja 'noe'n.

Tito 2:12

Dios qo'mi yapaĝagueneque da'me dojo' nichoĝodenataĝanaĝac qaedi janajoĝodiñe da'me je'etaq ga'me jo'ne Dios daqaeca'alo, nataq'aen ja yitaĝa jeloqotapiye daa'me lamaico jena'me aleua, dite da'me qom cha'li jouaqa'ta jena'me aleua qama'le 'noota qom qo'mi joĝodayaqa, qo'mi chimaqachidiñe nataq'aen jauoqo ga'me jo'ne Dios yepaquetapega.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

Santiago 3:15

Qa'a jena'me jenjo' nayatenaĝanaĝac ja naqaena ta'le chiyoĝogue joñe'me Dios, dite da'me chiyaqa'a jena'me jenjo' aleua, ch'e lelnataĝaco ga'me jiyaĝadipi nataq'aen joñe'me payac.

Santiago 4:16

Qalaĝaja da'me ami auepaquitapega da'me a'uaĝachetac da'me jo'ne mach'e adepitaqataĝanaĝaqui, qama'le da'me dojo' 'loyaĝac da'me nepitaqataĝanaĝac, nach'eda jo'ne chiyaqayi yema da'me ja no'en.

1 Pedro 1:14

Ena'am ga'me nec'oĝot jo'ne yoqochiyeguet da'me namaĝajoĝoc, ena'te auauoyapiye jonaa'me adamaicodi' 'me jalchi'ena ami uetauelo joca'li jona'li auatetoñi joñe'me Dios,

1 Pedro 2:11

Ami yaqaya'olqa, ami jo'ne aueñiya'ama jogaa'me ja 'lachaqa'tena 'me ch'e oquitalegue jenjo' aleua, ami ñachoĝodenoto da'me ena'te auauoyi ledaqa't naa'me lamaico ga'me anejiyaĝauayaĝaqui jo'ne deloiquitedapegue' da'me at'oyaĝaqui.

2 Pedro 2:10

Joñe'me Jaliaĝanec yataqata ye'uaĝa'n qomle ena'uaque jogaa'me jo'ne ja yaĝadiñi da'me quetalo'te naa'me namaico jo'ne ja 'noe'n nataq'aen da'me ja yacoteguet da'me lamaĝajoĝonaĝac ñe'me Jaliaĝanec. Yataqachiñe t'añi'y jogaa'me nataq'aen p'aguenataĝanaĝayaqa, choqoda'me qaya'te loqolanaqa' da'me yojoue'n gaa'me neteda'ague di'me piyem jo'ne 'uo da'me 'lonaĝa'j.

2 Pedro 2:18

Nataq'aen da'me 'uo da'me lajamaĝa let'adaic ga'me jo'ne 'yaĝatetedac qalaĝaja qaya'te ta'le chiyaqayi, nataq'aen yejomaĝana'ape naa'me mach'e lamaico choqonaa'me lamanaĝanaĝaco da'me ch'e nejiyaĝauayaĝa'j naa'me jo'ne yemta yañoĝo't da'me ca'ae jogaa'me jo'ne uetedaue da'me lepatenaĝanaĝa'j.